Die sijns selfs begherte verwint Verwint een starke borch voerwaer Dat te doen es harde swaer [...]
Van goedertierenheden ende van
ontfermherticheden [...].Lvij
[3695] DIe vrouwe metter goedertierenhede Heeft die meeste ere vanden vrede Al segghic dat int ghemene Iu segt niet bi v allene Noch bi uwer ghelike mede [3700] Die behoert ter middelhede En es coninc no hertoghe Noch ander prince also hoghe Wilt hi sijn rike verhoeden Hine moet leren oetmoede [3705] Ende saechte ende ghenadech wesen Ofte sijn rike sal staen in vresen Daer om scrijft paulus Tote tymotheus aldus Goedertierenhey t bouen al gaet [3710] Want god gheloeft hem dat verstaet Dit leuen hier op ertrike Ende daer na dleuen ewelike Cassidorus seghet oec die wise man Dat die goedertierenheyt can [3715] Der princen rijcheyt verwaren Salomon seghet oec twaren Dat die ontfermechede Ende die waerhey t daer toe mede Den coninc bewaren scone [3720] Ende sere versieren sine crone Ende dat goedertierenheyt met Sine crone in rasten set ¶Seneca seghet dit woert Dat nieman bat toe en hoert [3725] Goedertierenhey t ende oetmoet Dant den coninc selue doet Dat crancste dierken ende dat cleynste met Dats die bie als ghi wel wet Hare coninc en heeft gheen strale [3730] Om dat hem soethey t toe hoert wale Ende sijn sonder wrakelecheyt Seneca noch dit woert seyt Hi verwint qualijc dies ghetrout Die sijnre victorien berout [3735] Lieue here daer om biddic v Dat ghi ontfermech wilt sijn nv |
|
In v vonnesse dat ghi daer Wt gheuen wilt also swaer So dat v god wilt na desen [3740] Ynt leste vonnes ghenadech wesen ¶Sinte iacob die apostel Scriuet in sine epistel wel So wie dat doet vonnesse Sonder ontfermenesse sal hi [3745] Oec ghedoemt werden daer bi ¶Alse dit ghehoert heeft ende verstaen Mellibeus antworde hi saen Van vrients troest ende rade Verhoghet herte vroech ende spade [3750] Daer bi willic gherne horen Vwen raet wtuercoren Ende volghen uwer goedertierenhey t Ghelijc dat ghi nv hebt gheseyt Want die hem niet en laet gheraden [3755] Valt dicke in scanden ende in scaden
Hoe die soene ghemaect waer [...]
.lviij.
Nv es die dach meer no min Die gheset was te comene in Daer quamen si met goeder moete Viele mellibeus voer die voete [3760] Op haer knien met meneghen trane Ende spraken hem aldus ane Lieue here wi sijn comen nv Tuwen wille op ghenade van v Al ghereet tuwen ghebode [3765] Ende bidden v om gode Ende om uwer eren wille Dat ghi v wrake houdt stille Ende onse mesdaet wilt vergheuen Want daer staet aldus bescreuen [3770] So die mechteghe meer vergheeft So hi meer moghentheden heeft ¶Doen sprac die here mellibeus Met sijns wijfs rade aldus Al eest dat uwe houerdechede [3775] Mi heeft ghedaen also lede Mi dunct nochtan alsict versta Datter mere oetmoet volghet na Daer bi willic uwen oetmoet Aenscouwen oetmoet es so goet [3780] Dat gheen dinc op ertrike |
