Folio 21r
| Index | << Previous page | Next page >> | ||
|---|---|---|
Ende ghebieden hem dat si varen Ouer die zee sonder enech sparen Ende nemmermeer en keren [3600] So benicker quite met eren ¶Die vrouwe sprac daer naer Dat dat een quaet raet waer Ende ieghen der redenen rade Ende waert dat hi dat dade [3605] Dat hi daer na emmermeer Leuen soude sonder eere Want hi soude voert meer na dan Gheheten sijn een ghierech man Ende dat waer een scandelijc name [3610] Voer alle die werelt onbequame Want paulus seyt dat gramheyt Es wortel alder quaetheyt
Van goeder famen [...].LvjMEllibeus dat willic v Met auctoriteyten proeuen nv [3615] Dat beter waer verlies met eren Dan winninghe met onneren Want daer ghescreuen staet Dat ere bouen scat gaet Men soude gheliken nemmermeer [3620] Scat ieghen fame ende ere ¶Sydrac seyt die meester goet Staet altoes na name goet Dien so blijft v na v leuen Maer tgoet sal v begheuen [3625] Goet name es beter na de doet Dan .C M. scatte groet Wasdom die met scanden wies Salmen altoes achten verlies Salomon maect ons vroet [3630] Beter es een name goet Dan een preciose vngent Elder doet hi oec bekent Beter es een name goet ende fijn Dan vele rijcheden sijn [3635] Gratie es beter menechfout Dan ziluer es ofte gout Noch seghet hi oec die wise man Dat goede fame maken can Die deemsterhey t licht ende claer [3640] Sekerlijc dat es waer Goet name heeft dicwile zere Den meneghen ghehouden in sijn ere |
|
Ende claer ghemaect sijn donckerhey t Ende in die scoenste voude gheleyt [3645] Daer bi versmaedt ghierecheyt Ende doet dat die apostel seyt Poghet altoes in uwen sin Om dat goeden name bringt in Want goeden name god weet [3650] Es een goet omme cleet Ende daer men onder mach decken Harde vele diet wel can mecken ¶Seyndi dese liede ouer zee Om te kerene nemmermeer [3655] Sone verwindi nemmermeer Die scande noch die onnere Want wat si daden tuwer eren Wildi tuwen scanden keren Si hebben v sonder waen [3660] Harde grote ere ghedaen Mettien dat si met allen Tuwen wille sijn gheuallen Nu wildi v ere verkeren In scanden ende in oneren [3665] En hoert tuwer eren niet Dat ghi hart sult wesen yet Den ghenen vroech noch spade Die vallen in uwe ghenade Al sijn si tuwen wille bleuen [3670] Ghi mocht hen sulke vonnesse gheuen So ongherecht ende so fel Si mochtent weder segghen wel Ende met redenen dies ontgaen Ende soude die dinc dan gaen staen [3675] In quader poente dan te voren So haddi v ere verloren Ende men dan segghen twaren Dat die scouden v waren Dalre quaetste dinc datmen vint [3680] Dats datmen doghet in arghe wint Want die des es ghewone Es recht des duuels sone Ende oec beter niet een twint Lieue here dit versint [3685] Na dien dat si v onnen Dat si v gheuen hem verwonnen Met so groter oetmoedechede So gheeft v verwonnen mede So hebdi .ij. victorien dan [3690] Dat seghet Seneca die wise man Salomon doet ons bekint |