[3315] Aldus en selen wats ghesciet Gheestelike liede vechten niet Maer verdraghen ende doghen mede Also christus haer hoeft dede Maer dats iammer waerlike [3320] Dat papen so cranckelike Cristus voetstapen na volghen Si sijn so saen verbolghen Ende so wraecghier om cleyne saken Eest met banne of met anderen saken [3325] Want si haer dinc so starc maken Daer can qualijc yeman wt gheraken Want houerde nijt ende ghierechede Scuylt in hem te menegher stede Ende hebben meest in contrarien ghekeert [3330] Dat leuen dat ihesus christus leert
Melliebeus antworde ende pruden
tien [...]liij
MElliebeus antworde doe Vrouwe wat wildi dat ic doe Ghi weder raedt mi dat wreken Ende ic en hore nieman spreken [3335] Noch ghewaghen lude of stille Dat mi yeman beteren wille Noch dat yemanne es leet Van hem allen diet aen gheet Wildi dat ict varen late [3340] Sone mindi niet mijn ere no bate Maer ghi daedt te hant ghewach Datmen metter hant vechten mach Ende striden om sulke saken Daer men pays mede mach maken [3345] Daer om willic al te handen Striden met minen handen So selen si te hant daer bi Die soene soeken aen mi ¶Alse die vrouwe dit heeft gehoert [3350] Antworde si zere ghestoert So watmen castijt den doren Of den esel herpt in sijn oren Dats al verloren arbeyt Ic hebt v nv toe gheseyt [3355] Ende gheproeft ende wt gheleyt Menech scoen auctoriteyt Van vele wiser lieden Diet wreken weder riedenDaer ghi niet af en houdt een aes |
|
[3360] Men mach v ouer enen dwaes Waerlijc houden alte male Ghi moghet pays hebben wale Met ghemake tuwen wille Sonder strijt sittende stille [3365] Ende sonder alle vrese daer bi Ende hebt nochtan lieuer dat ghi Met stridene den pays maect Dit es sot ende ongheraect ¶Doen mellibeus dus hoerde [3370] Sijns wijfs verbolghen woerde Sprac hi vrouwe ic en wille niet Dat ghi v op mi stoert yet Maer hebbic messeghet of mesdaen Dies willic al tuwen wille staen [3375] Ende ic wilt al houden int goede Dat ghi mi segt met erenste moede ¶Prudentia antworde nv Ic en belghe mi niet op v Sonder sake voer waer gheseyt [3380] Maer al om uwe salicheyt Maer wildi minen rade volghen Ende tempert uwen raet verbolghen Ic sal uwen viande doen comen Tuwen wille met groter vromen [3385] Dat ghijs ewelijc sult hebben ere ¶Mellibeus antworde die here Na dien dat v die raet ghestaedt Ende ghijt mi op trouwe raedt So doet daer uwen wille met [3390] Ic houdt ghestade waer ghijt set ¶Prudentia sprac ter seluer tijt Gheeft mi een cort respijt Ic salt v wel bringhen toe Mellibeus sprac doe [3395] Doeter met al uwen wille ¶Prudentia ontboet al stille Die aduersarien te samen Die heymelike tot haer quamen Si ghinc hen segghen ende ruren [3400] Vander sware auonturen Die van orloghe mochte comen Ende van payse vele vromen Ende dat si oec wouden verstaen Dat si vele hadden mesdaen [3405] Aen haer dochter ende aen haer Waer bi haer man so erre waer Dat hi sonder afbreken Dat emmer woude wreken |
