Folio 18v
| Index | << Previous page | Next page >> | ||
|---|---|---|
Dat hi luttel volx verwinnen doet Van volke een grote scare Dauid verwan dats claer Doen hi ionc van iaren was [3130] Den groten rese golyas Nochtan en hadde hi in die were Weder scilt staf noch spere Dat verwinnen lude ende stille Leghet alte male in gods wille [3135] ¶Die vijfste redene es dese In striden leghet grote vrese Die wise in allen tiden Hebben ghescuwet dat striden En was noyt wijs man [3140] Die gherne strijt ghinc an Want het es sotheyt groet Dat hem in vreesen vander doet Enech man werpt daer hi af vri quite ende los mocht sijn woude hi [3145] ¶Die seste redene waer bi Den strijt met recht te scuwene si Dats daer bi sijt seker des Dat gheen dinc so seker en es Alse die doet dats seker waer [3150] Ende niet so onseker alse waer Hoe ofte op wat vren Daer bi eest swaer te auonturen Te vergaderen in striden Want die doet in allen tide [3155] Volghet ons na in allen steden Ende wi verbeyden haers oec mede Want si tallen vren waect Ende alle daghe een dach vaert naect Deser redenen sijn sonder getal [3160] Waer bi men strijt scuwen sal Die ic niet al vertrecken en can Daer bi radic v goet man Dat ghi alle dese dinghen In goeder soenen laet bringhen [3165] So behoudt v goet also Ende blijft in rasten daer toe Ende behoudt maghe ende gheburen Die ghi zere soudt auonturen
Mellibeus antwordeMEllibeus antworde nv [3170] Vrouwe ghi maect zere besich v Met uwer talen si es so lanc |
|
Ghi singet al enen sanc Om dat v leet es van dien Dat ic ten orloghe wille tien [3175] Ja om dat daer wt rueren Dinghen die staen ter auonturen Vrouwe waer om streden dan Wilen so menech man Die lof beiaghede ende ere [3180] Die hem duren emmermeer Also men in die jeesten leest Seker hadde striden arch geweest Die goede liede in haren tiden En hadden niet willen striden [3185] Daer bi heeft mi wonder dat ghi Dorloghe dus ontraedt mi
Om welke sake datmen vech
|