Also doet die auonture Dus en suldi v wats ghesciet Der auonturen ghetroesten niet [2765] Sijs onghedurech ende ongestade Ende bringt den meneghen in grote scade Want in onghedurech ertrike En es twint ghedurech waerlike Al dunct v in uwen wane [2770] Dat v dauonture wel heeft ghedaen Ende gheholpen op meneghen dach Ontsiet v dat si keren mach Heeft een man op een vre Ofte op twee goede auonture [2775] So waent hi dan dat si sal Hem volghen ouer al Ende maect van hem enen ghec Ende latene dan inden strec Dauonture niet doen en can [2780] Noch noyt lijf noch geeft gewan Simpel volc doet bekint Dat dauonture es blint Dat en es al gader niet Sine es blint noch en siet [2785] Wildi dan van uwer saken Ghewinnen rechte wrake Gaet ten gherechten rechter dan Die alle onrecht wreken can Ende niet en laet onghewroken [2790] Want hi heeft selue ghesproken Ghef mi die wrake ic sal wreken Paulus hoert men oec spreken Die wel doet hi sal ontfaen Loen daer af dats sonder waen [2795] Hine sal oec niet dat verstaet Allene wreken har mesdaet Maer hi salv in vreden setten Jeghen al dat v mach letten
Mellibeus antworde pruden
tien [...]xliiij
MEllibeus antworde ende seyde [2800] Sal ic metter wraken beyden Ende icse dan te nieute late So naect mi meer ombate So selen mine viande echt Mi doen vele meer onrecht [2805] Ende so verstouten dan in dienDat si mi niet en selen ontsien |
|
Ende om mi niet gheuen een aes Maer mi houden ouer dwaes Ende oec andere liede met [2810] So benic dan al ontset Men siet daer gescreuen staen Datmen tbeghin sal wederstaen Latic doude toten nuwen Ic duchte dat mi mochte rouwen [2815] Want het souds so vele werden Dat ics niet en mochte herden Sulke doechsamhey t es quaet Die wrake es beter dat verstaet ΒΆPrudentia antworde nv [2820] Also ic voerseyde v Also es noch mine sprake Dat bat toe hoert dese wrake Den rechter sijt des vroet Dant v of anderen lieden doet [2825] Eest dat die rechter recht Scarpelijc na des lants recht So selen v viande van desen Sere ghecastiet wesen Dat si daer na dat verstaet [2830] Nemmermeer en doen gheen quaet Ende andere liede selen voert an Hem oec castien daer an So dat v elc mensche na dat In vreden laten sal te bat [2835] Ende so en auontuerdi daer met niet Lijf noch goet dit wel besiet Men heeft dicke ghesproken Dat hi saechte werdet gewroken Hi die enen anderen wreect [2840] Mellibeus hier op mect Oec men ghemeynlijc scrijft Hi wreect qualijc die daer blijft Als die rechter wreken vaert So sijn alle die quadien vervaert [2845] Ende die goede verbliden dan Wat leter v goet man an Ane die wrake die ghi doen mocht Ja ende of ghijt oec volbrocht Want uwe viande gheloues mi [2850] Sijn vele mechtegher dan ghi Daer bi dunct mi in desen Dat verdraghen beter wesen Want twist en was noyt goet Alsic v sal maken vroet |
