Folio 15v
| Index | << Previous page | Next page >> | ||
|---|---|---|
| Hebdi dicke laten ghebersten [2575] Onrecht ghedaen ende ghevreest Ende altemale uwes selfs geweest Mellibeus diet wel bedinct ¶Bediedt een man die honich drinct Des hebdi so vele ghedroncken [2580] Dat ghi daer af sijt al droncken Ende daer bi wildijt weten Dat ghi gods hadt vergheten Ende so verstijft in v rijcheyt Dat al v dinc es ydelheyt [2585] Ende al dat begheerden v oghen Dat hebdi hem toe ghetoghen Ende hem gheuolghet tallen vren Ende vergheten der scrifturen Die ons leert ende doet verstaen [2590] Hoe wi souden wederstaen Ende steken wt onser herten Altoes der oghen begheerten Als ouidius ende salomoen In haer boeken weten doen [2595] ¶Dat honich daer ic af seyde Es der werelt soetecheyde Daer ghi v toe hebt ghekeert So dat god op v es ghestoert Nu laet ons merken bi gheliken [2600] Hoe god sijn vonnesse sal striken Na dantworde vander mesdaet V drie viande dat verstaet Die v huys aen vochten Ende met lederen besochten [2605] Dat sijn drie viande start ende loes Die ghi v liet verwinnen altoes Daer hem elc ieghen hoeden moet Die te gode wilt hebben spoet Want si nacht ende dach poghen [2610] Hoe si die ziele bedrieghen mogen Deen es die werelt dander tvleesch Die derde de duuel ende sijn eesch Dat sijn drie viande wet wel dan Die den mensche vechten an [2615] ¶V lichame daer dese voer striden Dat es dat huys uwer zielen Want daer v siele woent binnen Nu wilt dan voert versinnen Die vinsteren in waren dinghen [2620]Daer dese viande in ghinghen Dat sijn oghen nesen ende mont Doer dese vinsteren dat si v cont |
|
Liden die ghenoechlijcheyden Die gode de siele ontleyden [2625] Ende wondense so swaerlike Dat si verliest hemelrike ¶Bi uwer dochter sonder waen So moghedi v siele verstaenDie met vijf wonden gewont es so [2630] Die mids vijf sinnen comen toe Dats sien horen ende smaken met Rieken ende tasten dat ghijt wet Dit sijn vijf wonden sijts gewes Daer uwe siele mede gequetst es [2635] Dat god daer om liet geschien Dat ghi gedencken soudt ende aensien Die vijf wonden in ware dinc Die hi doer onsen wille ontfinc Ende om uwer dochter mede [2640] Ende om alle menschelijchede Ouermids welken wonden Hi den menschen tallen stonden Alte gherne behouden soude Dat hi quame te sire ewiger vroude
Vanden ambachte des rechts Jeghen wrake [...]. [...]xlij.[2645] MEllibeus antworde saen Ghi gaet mi so soetelijc aen Met scoenre soeter spraken Om dat ic mi vander wraken Hoeden soude ende niet voert gaen [2650] Ende doet mi oec mede verstaen Vele archs ende onvromen Die mi daer af mochte comen Maer sijt seker wel van dien Wie dat al woude ontsien [2655] Dat hi peynste in sine ghedochte Wat van wraken comen mochte So soude dan voer waer gesproken Die quaethey t bliuen onghewroken Dies met rechte niet sijn en sal [2660] Want darchey t waer sonder ghetal In allen steden vroech ende spade Waert datmen gheen wrake en dade Daer bi doet hi grote weldaet Die ter rechter wraken vaet [2665] Want hem dander quadien Daer bi te bat castien Ende donnosele om die sake |