Folio 14v
| Index | << Previous page | Next page >> | ||
|---|---|---|
[2390] Hebt toe bracht na uwen lost So eest al niet dat ghi Ghetruwe liede hebt daer bi Ghine sijt maer een man Ende sijn si v onghetruwe dan [2395] So wet wel te voren Dat ghi tspel hebt verloren Ende sult dan weder moeten keren Met scanden ende met onneren Ghetruwe liede sijn beter vele [2400] Dan borghe sijn ofte castele Die hem op sine borghe verlaet Es dicwile zere ghehaet Van sinen ghebueren indien Want hi es van hem ontsien [2405] Ende so wien men ontsiet En mach ghemint wesen niet ¶Hets dicke gheseyt twaren Die man en mach niet wel varen Langher dan willen sine gheburen [2410] Goede gheburen sijn starke muren Het es bederft menech here Om dat hi hem verliet te sere Op sine starke huse also Ende dat bringt houerde al toe [2415] Ende bloetheyt menget daer mede Die noyt en hilt haer stede Ende meest houerde des sijt vroet Dat die int lest vallen moet
Van houerden xxxix.Een der yrster creaturen [2420] Die de meester der naturen Ye ghesciep ende dede werden Viel ouermids houerden Ende die yrste mensche mede Die God ye ghewerden dede [2425] Viel mids houerden na desen Want hi waende onsterflijc wesen Ghelijc sinen scepper sinen god Daer hi af hadde sijn gebot Aldus es houerde meer no min [2430] Van allen sonden dat beghin Ende dat meeste in die archey t Ihesus sydrac seyt Die na fortse ende parlement staen Hare rijcheyt moet cort vergaen [2435] Houerde can des sijt gewes |
|
Thuys dat alte rijc es Alte male te nieute maken ¶Salomon seyt dese saken Waer houerde es daer omtrent [2440] Es altoes twist ende parlement Ende daer oetmoet es vaste Daer es altoes wijshey t ende raste ¶Job spreect dese dinghe Dat die houerde op ghinghe [2445] Ten hemel na haer ghenoeghe Ende haer hoeft ten wolken sloeghe Nochtan soude si sonder waen Als onreyne myst ondergaen Na dien dat verstaet [2450] Dat houerde es so quaet So scuwet dan nacht ende dach Daer houerde wt comen mach Op uwe torren en hebt niet Ghene houerde wats gheschiet [2455] Want starke borghe des sijt vroet Sijn dicke gheworpen onder voet Vander rijchey t die ic las Die wilen in troyen was Van volke ende van machte mede [2460] Ende dies ghelijc in die stede Van babilonien die was so rijc Men vant nieuwerinc hare gelijc Maer om die houerde die daer was inne Altoes vanden yrsten beghinne [2465] So warpse god onder die roede Alsijs minste waren op hare hoede So dat si worden ghedestruweert Ende in asschen al ghekeert Daer om laet v ghespreken [2470] Ende die houerde van v steken Want die hem die hem op borghe verlaet Die heeft seker crancken raet Want daer alte vele toe hoert Also ghi wel hebt ghehoert
Hoe men een huys sal wareneren
[2475] MEllibeus antworde nv Vrouwe segt mi ic bids v Of ic mijn huys wareneren woude Hoe ic dat volbringhen soude Ende wat daer orberlijc toe waer [2480] Prudentia sprac daer naer |