[2300] Vreedsam in alder tijt Waer onvrede es ende werre Daer es god herde verre Ende daers hem god niet onderwint Daer es den orbore al gheschint
Hoe hem die persone verwaren sal
In orloghe ende in stride .xxxvij
[2305] Mellibeus nv laet ons saen Opten goeden raet gaen Die v gauen doude vroede Hoe dat ghi soudt setten hoede Vwen lichame te verwareneren [2310] Soudi orloghe hanteren Wie orloghe wilt hantieren Moet in menegher manieren Goede hoede hebben dan ¶Tyerst selen si gode roepen an [2315] Ende met herten bidde n dat hi Hem ghetruwelijc sta bi Sonder wies hulpe ende ghehinc Verhoedt mach werden ghene dinc Also ons dauid oec ontdect [2320] Ende wel inden souter spreect ¶Voert suldi v doen hoeden Ghetruwen vrienden ende goeden Die ghi in allen stonden Goet ende ghetruwe hebt vonden [2325] ¶Ten derden male dat wet Suldi v hoeden met Jeghen viande ende onbekinde Die omtrent v sijn ghehinde Wat si v segghen Ende tonen [2330] Hoedt v altoes ieghen honen Jeghen moert ende fenijn Daer vele heren met bederft sijn Al dunct den mensche sijts gewes Dat hi es daer hi seker es [2335] Nochtan wese moet op sijn hoede Dat seget seneca die vroede ¶Die vierde hoede alsic versta Volghet aldus hier na Ghine sult niet ontsien allene [2340] Die grote viande maer oec de clene Al es een viant van cleynre macht Of van liue van cleynre cracht Daer om en versmadene twint Als ons cathone doet bekint |
|
[2345] ¶Ouidius doet ons bekinnen Int boeke daer hi leert minnen Een cleyne ader ende niet groet Bijt een grote beeste doet Een ener wert oec sulken stont [2350] Ghehouden van enen cleynen hont Van eenre gheustren leest men daer Wast een vier groet ende claer Al eest oec dat hem een man Dus zere hoedt nochtan [2355] En sal hi niet sijn bloede Maer onvervaert ter node Goede hoede es altoes goet Ende hi es wijs diese doet Weder dat die viant si [2360] Cleyne of groet gheloues mi.
Van husen ende van borghen
te bewarene .. xxxviij
Mellibeus segt mi voert Hoe ghi verstaet dat woert Dat v doude wise seyden Dat ghi met goeder wijsheyden [2365] Vwe huse soudt wareneren Woudi v toten orloghe keren Doen antworde mellibeus Vrouwe dat versta ic aldus Dat ic mijn huys besetten sal [2370] Ende oec mijn coren al Daer ic inden orloghe Mi met behelpen moghe Ende dat mi oec van dien Mijn viande te meer ontsien [2375] ¶Prudentia antworde doe Hoe mochtic dat bringhen toe Die cost waer v alte groet Want die slote ligghen bloet Ende te valle te meneghe stat [2380] Die men reken moeste bat Ende stofferen harde wale Met boghen ende met springale Met drancke ende met spisen Met coenen ende met wisen [2385] Lieden daer ghi best mede Husen ende torren telker stede Ende dat sal v costen so zere Ghine verwinnet nemmermeer Ende als ghi al desen cost |
