| Noch ontdecken wat v dochte goet Want hijs v lichte volghen soude Omdat hi v lieue doen woude [1685] Want vele liede sijn in dien Dat si volghen ende vlien Ende dat liefste bringhen voert Dat haer vrient gherne hoert Weder het si goet of quaet [1690] Ghi sult oec soeken uwen raet Aen vriende die ghi best betrout Die wijs sijn ende daer toe out Want doude heeft vele ghesien Ende weet van desen ende van dien [1695] Daer om moet sinen raet ¶Sekerste sijn dat verstaet Salomon seghet die here Dat herte verhoghet zere Van cruden van soeten goren [1700] Maer bouen al te voren So verhoghet vroech ende spade Die ziele van gods vrienden rade Want daer af emmer comen moet Ere doghet ende alle goet [1705] Gheen dinc en es soeter dan Een vrient daer ieghen een man Spreken mach elke sake Ofte hi ieghen hem seluen sprake ¶Salomon leert ons die coninc [1710] Dat vrient gaet bouen alle dinc Ende datmen die minnen soude Bouen ghesteynte ziluer of goude Salomon seghet ons oec noch voert Ghetruwen vrient een starc comfort [1715] Ende so wie wint dat Hi vint enen groten scat Die mensche es die sonder vrient leeft Als een lichaem die gheen ziele en heeft Vrient es een groet ondersate [1720] Ende bringhet in meneghe bate Maer so wie vriendeloes es Es ellendech sijts ghewes Ende sonder raet als hijs bedarf Dit gheualt menech warf [1725] Ghi sult die vroede besoeken Ende sonderlinghe haers raets roeken Dat hebbic daer bi gheseghet Wet dat die wise man dreghet Altoes sine wapene nacht ende dach [1730] Jeghen dat hem yeman deren mach |
|
Daer om werct na hem met allen Sone moghedi niet lichte vallen Want die wijsselijc ouer tiet Die en valt vander brugghen niet [1735] Dat ic v voert dede verstaen Dat ghi te rade soudt gaen Vrienden die ghi in stonden Goet ende ghetruwe hadt vonden Dat es daer bi wildijt weten [1740] Men vint liede die goet heten Die so loes sijn ende so quaet Si souden v lichte gheuen raet Daer ghi bi wordt onteert Als ons sinte ian dapostel leert [1745] Hi spreect en gheloeft niet Allen gheesten wats ghesciet Want si alle niet en sijn goet Alschinen si van buten vroet Maer den gheest suldi ghelouen [1750] Dien god onse here seynt van bouen ¶Ic seyde v oec datmen soude Raet soeken ane die oude Die goede Job seyt alsoe Den ouden hoert wijsheyt toe [1755] Cassidorus spreect oec van desen Die oude moet oec vroeder wesen Die ane vele lieden heeft geleert Ende dat in sijn herte heeft ghekeert Dan die ionghe die van dien [1760] Luttel ghehoert heeft ende ghesien Daer om seghet een wise aldus Wies name es marialus Oude cledere versoemt men lichte Maer ouds mans raet es goede ghichte [1765] Men pleghet te segghene herde vaste So wanneer doude hont baste Datmen dan sal wt sien Vele liede nochtan vlien Den raet vanden ouden [1770] Want si duchten dat hi soude Ghereckelijc willen gaen voert Also der eersamhey t toe behoert Ende hadden lieuer dat verstaet Scalke liede ende losen raet [1775] Daer men gonstichey t in toende Dat noyt manne wel en loende Open raet es oec goet Want vele liede sijn meer vroet Dan luttel wildijt verstaen |
