Trecht siet ane den grammen man [1505] Maer gramscap siet trecht niet an Die goede beda spreect hier op Die epistel die screef iacob Die erre es wats ghesciet En can gherechtichey t werken niet [1510] ΒΆDie derde es dies sijt vroet Om dat gramscap verblint den moet Ghine sult v niet maken Gram van onsekeren saken Want gramscap so den sin verblint [1515] Dat hi die waerhey t niet en kint Tullius maect ons vroet Watmen met gramscapen doet Es selden ghedaen int beste Men vinter faute in int leste [1520] Oec wat dat die gramheyt En heeft ghene ontfermechey t Oec so scuwen si gherne raet Want raet dunct hen quaet Oec men daer ghescreuen vint [1525] So wie sine gramscap verwint Dat hi dat si v becant Verwint enen groten viant Want stercmoedechey t wet wale Es een der doghet cardinale [1530] Daer vele dogheden wt gheyt Die hier blijft al ongheseyt
Van ghierecheden te scuwene
in rade
.xviij.
Elc sal voersien mede Dat onmate ghierechede Niet en come vroech no spade [1535] In hem no in sinen rade Ghierecheyt als paulus seyt Es wortel van alre quaetheyt Dander redene es dan Dat ghierechey t verdriuen can [1540] Alle claerheyt uten sinne Ende alle quaethey t bringhen inne Seneca spreect van desen Die meeste plaghe die mach wesen Den mensche gheboren inne[1545] Dat es een ghierech sin Want hi sorghet nacht ende dach Hoe hi meer ghecrighen mach Hi verghet gods ende der maghe |
|
Dit es een grote plaghe [1550] Si can verradenesse spreken Ende ghemenen orbore breken Spreken oec metten vianden Om die vriende te werpene in scanden Manslacht cefdoem ende ouerspel[1555] Ende alle arch also wel Can onmate ghierechede Toe bringhen hets haer sede So wien nature heeft ghegheuen Een onmate ghierech leuen [1560] Heeft enen viant alte groet So wie dien verwint ter noet Verwint enen starken viant Also ons seneca doet becant Ende so hi inden sin meer oudt [1565] So hi meer wast ende menechfoudt Een wijs meester spreect aldus Die men heet alphontius Nemmermeer en waer ghenoechlijchey t Daer en waer voer onghenoechlijchey t [1570] Men droncke met genoechten Nemmermeer Daer en hadde dorst ghweest eer Noch en ate also men leest Daer en hadde hongher geweest Oec en worde men niet geware [1575] Welc ghemac of raste ware En waer na eneghen arbeyt Aldus van allen gheseyt Daer slijfs ghenoechte inn leghet Al dit voer waer gheseghet [1580] Es maniere der ghierecheyt Die in latine gheloeft mi das Gheheten es voluptas Dats een wille ongheordineert Die in allen genoechten svleeschs verkeert [1585] Ende oec gheen nide en heeft Die wile dat die mensche leeft Also ons seneca seghet Als hi in sijn steruen leghet Ende hem verbijt die felle doet [1590] Dan en behoudt hi cleyne no groet So es gout ende arbeyt al Verloren groet ende smal Seneca doet ons bekint Die sine ghierechey t verwint [1595] Es starker des sijt vroet Dan die sinen viant onder doet Die altoes in die ghierechede |
