Die niet en leert verghet dat hi can Ende datmen oec ouer al Aen andere liede leren sal [1325] Want dien alle de liede gheuen Wert in rijcheden saen verheuen Een wijsman seget aldus nier aue Haddic ene voete inden graue Nochtan so woudic leren [1330] Daer af comt so vele eren Hets beter leren min Ende dat onthouden inden sin Dan datmen vele leren wilde Ende dat selue niet onthilde [1335] ¶Tullius seghet ons also Dat ic sdaghes hore of doe Dat ghedenckic sauonts al Eer mi die slape comen sal ¶Die wise seneca seyt [1340] Mi en leet noyt dach in ledechey t Want oefeninghe des arbeyds can Goeden sin maken inden man Goede scolares selen sijn Erenstich als een swijn [1345] Dat smorghens wt gaet Ende alden dach soeket sijn aet Sonder rusten dat es waer Ende altoes leren hier ende daer Dus selen clerken sijn die leren [1350] Die hem ter wijsheyt willen keren
Mellibeus antwerde
.xiiij.
Doen mellibeus hadde ghehoert Ende verstaen der vrouwen woert Antworde hi ende seyde Vrouwe alsulke wijsheyde [1355] En hebbic niet van binnen Noch en wane meer gewinnen Ic hebbe mine ionchey t ouerleden Maer doen ic was in ioncheden Haddic minen sin gheleyt [1360] In die ghenoechte der werlechey t Al woudic wijshey t nv leren Iu conster mi nv niet toe bekeren Al benic noch een rijc man Ic hebbe vele goets gequist nochtan [1365] Dat ic beyde goet ende tijt verlies Wel bewenen mach sijt seker dies Tgoet machmen verhalen nochtan |
|
Maer den tijt en verhaelt nieman Ic en mach voert ane niet leren [1370] Noch om wijshey t oec studeren Want so wie hem inder ioghet Niet en oefent toter doghet Hine caent alsmen wel siet Inder outhey t ghepleghen niet [1375] Want ic mi dan kinne Dwaes ende cranc van sinne So biddic v vrouwe dat ghi Met uwen rade mi staet bi
Prudentia antworde op sothey t
xv.
Prudentia sprac na haer ghe [1380] uoech. Al en sidi niet vroet ghenoech. Nochtan en sidi sot niet Want die hem seluen sot siet Ende kint sijns selfs dwaeshey t [1385] Hine es niet sonder wijsheyt Maer wert dat ghi vroet sijn woudt Ende andere liede voer sot dan houdt So waerdi sot sonder waen ¶Salomon doet ons verstaen [1390] Die sot in sinen moet En houdt nieman ouer vroet Den sot dunct des sijt ghewes Dat sijn dinc altoes dbest es Ende wien dunct dat hi vroet si [1395] Dats een sot gheloues mi Hets waer want ghi begeret raet Van dinghen die ghi niet en verstaet Die sine clappage wille keren Bouen der wiser leren [1400] Met houerdegher sotheyt Daer om eest dat cathone seyt Dierste doghet es vanden man Dat hi sijn tonghe bedwinghen can ¶Salomon seyt die houdt sinen mont [1405] Hoedt sine siele talre stont Ende wie dat spreect onuoersien Dicke moete hem daer af messcien Ende vele sprekens als wi lesen En mach sonder sonde niet wesen [1410] Maer die sijn lippen maten can Es wijs seyt die wise man Daer twifel ane leyt in lot So sidi bat vroet dan sot |
