[1130] Salmen altoes stede maken luttel sprekens leget grote bate In vele sprekens grote onmate
Wat scolaren toe behoert
xiij
SColaren selen stille wesen Gherne studeren ende lesen [1135] Ende haren sin bedwinghen Van onnutter wandelinghen Want die den sin lude ende stille Tallen dinghen setten wille Moet van elken te min ontfaen [1140] Een scolare sonder waen Sal hem altoes keren Te nutteliker leren Ende hebben sulke boeke Daer hi wijshey t in besoeke [1145] Ende aen die cleyne yrst beghinnen Ende also opwaert climmen Die een huys maken sal Leghet fondament voer al Soe tfondament starker es [1150] Soe men daer op sijts gewes Maken mach swaerder last Ende so es dat huys dan vast Also moeten die kinder Yerst leren dat minder [1155] Ende daer na ten meeren cleuen Dan es haer const yrst beseuen Ende wt eenre wortelen geporret Die nemmermeer en verdorret Dit leest men in decreten [1160] ¶Paulus doet ons weten Sonder leydere en gaet te geenre stont Den wech die v niet en es cont Oec so seghet een wijs here Dat hi valt alte zere [1165] Die hem seluen te vlieghene geeft Eer hi vloghele of plumen heeft Voer uwen meester telker stede Sijt sober ende stille mede Ende neuen hem niet gaen [1170] Ende altoes sijt hem onderdaen Oec en suldi begripen niet Wat ghi van hem hoert of siet Die ionghere sal den meester minnen So sal hi vele te bat versinnen |
|
[1175] Die lernighe ende vele te bat verstaen Die wt sijns meesters monde gaen Maer heeft hi den meester leet Dweers dat hem int herte gheet Alse die meester lesen wille [1180] Sal die ionghere swighen stille Ende sijn herte setten voert Op die dinc die hi daer hoert Want swighen ende spreken es tijt Elc te sinen poente des seker sijt [1185] Also ons salomon seyt Men sal yrst leren die waerhey t Swighende ende dan daer naer Die worde prediken openbaer Men sal swighen ende horen [1190] Ende daer toe gheuen die oren Want die meester vtet node sijn woert Daer mensche niet gherne en hoert Maer alse hi siet dat die scoleren Sine woerde gherne leren [1195] So glorieert die meester in dat Ende hi leest des vele te bat Scolare die ter scolen gaet Ende niet en onthoudt dat hi verstaet Hi slacht den sacke die heeft een gat [1200] Die en onthoudt dit no dat ¶Ghine sult ghene ghenoechte ontfaen In behaghele worde sonder waen Ghesiert oft bloemen waren Maer ghi sult sueken twaren [1205] Den sin ende sine vertuut Ende daer af dmarch sughen wt Also die ziele sijts ghewes Bouen den lichame es Also es meer no min [1210] Bouen die littere den sin Also men daer vint ghescreuen Die littere doet den gheest leuen ¶Die alle die loye die wesen Binnen ende buten conste lesen [1215] En wiste hi niet den sin daer af So en conste hi niet een caf Alse ghi voert den meester hoert Suldi wesen onghestoert Ende al wt uwer herten setten [1220] Dat v aent verstaen mach letten Ende bedencken v te voren Dat ghi niet meer en sult horen Dan ghi int gheuoegh |
