Index | << Previous page | Next page >> | ||
---|---|---|
[1035] In worden dewangelie al Maer wet datmen en sal Op die woerde niet studeren Maer men sal wijsselijc gronderen Dat march vander redelijcheyt [1040] Die oec inden worden leyt Also die ziele dat ghijt wet Inden lichame es gheset Also es den sin vander scrifturen Bouen alder woerde ruren [1045] Paulus doet ons verstaen ¶Die littere can doet slaen Ende die gheest can leuende maken Nu horet bediet van deser saken Grote clerken wet dat wale [1050] Die hem fonderen altemale Op die littere ende op die woert Om scoen te vertreckene voert Verheffen hem in haren sin Ende doden hem daer in [1055] Maer die haer ziele minghen Metter heyligher leringhen Die de litteren wt gheuen Dat maecte in hem een leuen Dan wercter die heylighe geest inne [1060] Ende volmaect die gods minne Die ioden wildijt weten Hebben bibelen ende propheten Maer si verstaen die litteren bloet Daer om slaen si hare ziele doet [1065] Die littere en soude doghen niet En dade die sin diere men men wt tiet Aldus selen hem bekeren Studenten die willen leren
Van sprekene
|
|
Die sine clappage wille keren Bouen der wiser leren Met houerdegher sotheyt Daer om eest dat cathone seyt [1085] Dierste doghet es vanden man Dat hi sijn tonghe bedwingen can Salomon seget die hoedt sinen mont Hoedt sijn ziele talre stont Ende wie spreect onvoersien [1090] Dicke moeter hem af messchien Vele sprekens also wi lesen En mach sonder sonde niet wesen Maer die sijn lippen maten can Es die wijste seyt die wise man [1095] Het es alte grote scande den man Dat hi een loghen so cleden can Met sconen worden openbaer Dat si den lieden duncket waer Dat dunct den dwasen wijsheyt [1100] Maer hets grote valscheyt Een dief voer waer gheseyt Scaemt hem sijnre quaetheyt Maer een valsch loghenaer Toghet sine valscheyt openbaer [1105] Ende wilt in valscheden keren Dat vol es alder onneren ¶Scaemt v dan ghi aduocate Die om ghewin ende om bate Recht met subtilen vonden [1110] Achter set te meneghen stonden God heeft v in v leuen Alsulken sin ghegheuen Dat ghi v boeke versint Ende recht ende onrecht kint [1115] Daer om en suldi niet verkeren Dat recht gods ons heren Dat hi den wisen te kinnen gaf Daer si scone boeke maecten af ¶In disputatien of in ghedinghen [1120] Suldi v redene so toe bringhen Dat ghi metter waerhey t gaet voert Ende dat ghi v oec niet en stoert Want ghestoerthey t dat ghijt wet Des menschen wijshey t zere ontset [1125] Daer men van wijsheden spreect Of andere goede dinghen vertrect Daer en suldi niet bringen voert Daer ghi die redene mede stoert Der wijsheyt bouen alle sake |