| [665] Eerne dapostelen hadden ghesien ¶Al doet salomon becant Dat hi noyt ghene goede en vant Andere liede in haren stonden Hebbender vele goet vonden [670] Lichte es sijn meyninge daer met Datter luttel es gheset In die ouerste godheyde Daer hi seker waer aen seyde Nieman en es int ghemene [675] Volmaect dan god allene Also hi selue spreect daer In die ewangelie openbaer Sijt volmaect alle gader Also es v hemelsche vader [680] Een prophete seghet des sijt gewes Dat een mensche niet volmaect en es Hi meent wijf ende man mede ¶Salomon seghet ter ander stede Datmen niet beters en vint [685] Dan een goet wijf wel ghesint Daer om en suldi niet versmaden Dat v goede wiue raden Open raet heeft eere Ghi sult altoes aensien meere [690] Den raet ende den gront daer af Dan den ghenen dien v gaf ¶Die derde redene die ghi spraect Die es bloet ende alte naect Daer ghi seghet waert dat ghi [695] Vwen raet settet aen mi Dat ghi mi dan alte hant Bouen v gaeft die ouerhant Dese redene es alte blint Wien setten bouen ons twint [700] Den ghenen dien wi te rade gaen Want al hebben wi raet ontfaen Wi hebben onsen wille vrij Wi moghent doen willen wi Ende oec laten dat verstaet [705] Dus es dese redene quaet ¶Op die vierde redene willic v Cortelijc antworden nv Als dat die wiue helen allene Des si en weten groet no clene [710] Dat dichten ende dat scriuen En hoert niet toe goeden wiuen Maer het hoert quaden wiuen toe Die scelden ende clappen spade ende vroe |
|
Drie dinghen horic ghewaghen [715] Die den man uten huse iaghen Roec quaet wijf ende reghen met ¶ Salomon seyt dat ghijt wet Dat beter waer te sine Allene in ene woestine [720] Dat te wonen bi haer Die scolde ende moylijc waer Mi en hebbe di niet vonden Also in eneghe stonden Mijn swighen ende mijn verdragen [725] Hebdi ghekint bi vele dagen ¶Die vijfste redene die ghi Hier vore betoghet mi Dat dwijf vroech ende spade Den man verwint met quaden rade [730] Ende dat sine in ghenen sinne Anders niet en mochte verwinnen Die en doech niet ij.caue Of v een arm wijf gaue Raet nutelijc ende goet [735] Dien soudi doen waerdi vroet Ende gaue v een goet wijf raet Die onnutte waer ende quaet Dien en soudi niet houden Daer bi sijn v die scouden [740] V aldi mids wiuen rade In commer of in scaden Want v hoert wel toe dat ghi Kint welc goet ofte quaet si Maer alse quade wiue raden [745] Den sot valt hi in scaden Paulus seget voer waer In eenre epistelen daer Proeft alle dinc int leste Ende dan houdt v aent beste
Vijf redene sijn waer bi die
man sal werken met sijns wijfs
rade
.vij.
[750] Der wiue onscout hebdi ghe- hoert Nv hoert vijf redenen voert Daer men claerlike aen mach merken Datmen horen sal ende werken [755] Nader wiuen raet eest dat hi Seker goet ende nuttelijc si Men seghet dat der wiuen raet |
