| Bi deser redenen als ic versta Si sijn gheburen also na Ende mechtich ende rike met [385] In elke side dat ghijt wet Datter af mochte comen wale Een langhe sware quale Ende vele redenen soude men v Hier toe wel vertrecken nv [390] Datmen v niet ghesegghen en can Wi raden v here nochtan Dat ghi v met staden Op dese dinc wilt beraden So dat ghi ghene scade [395] En hebt mids faute van rade V weder saken dat verstaet Hebben also wel wisen raet Ende oec vriende daer toe met Vele meer licht dan ghi wet [400] Maer ten orloghe wats gesciet So en raden wi emmer niet Want wi sijnre twiuel inne Daer bi willen wi met sinne Wel bespreken des seker sijt [405] Ende daer toe eyschen een respijt Daer binnen dat wi moghen Onse goetduncken hier af toghen Al es traecheyt gehaet zere Met vele lieden in meneghen kere [410] Nochtan es si goet menech werf Daer om goet wijs raet bederf God onse here staet daer bescreuen En woude sijn vonnesse niet gheuen Ouer dat wijf al te hant [415] Die men in ouer spele vant Maer hi screef tierst in derde Eer hi dwijf te liuereerde Dus willen wi ons met staden Op desen orbore beraden [420] Waer bi ghi bewaert sijt here Ghi hebt ghelt ende volx mere ¶Doen spraken die ionghe hier naren Die dapper ende lustich waren Here ghi moghet hier sien an [425] Menegen vromen stouten man Ende oec v grote rijcheyt here Ghi hebt volx vele mere Seker dan v viant doet Daer om wilt metter spoet [430] Alle uwe dinghen sonder beyden |
|
Toten orloghe ghereyden Ende en latet oec niet achter Ofte ghi blijft inden lachter Laet ons te hant gaen toe [435] Die wise beresptense doe Ende seyden openbaer Dat haer raet niet goet en waer Noch oec die beyde vander wraken Ende seyden daer toe dese saken [440] Ghelijc dat heet yser sijt gewes Beter dan cout te smedene es Also eest onrecht versch gedaen Lichter te wreken sonder waen Dan ofte men verste daer toe sette [445] Ende dat oec ghescreuen wette Wel orlouen te doene wrake Ende te hant na dese sake Riepen sie allen hi seyt waer ¶Doen stont op daer naer [450] Een vanden ouden wisen te hant Ende winctene zere metter hant Met rade vanden wisen ouden Die hem hier toe helpen wouden Hi sprac hier esser vele van v [455] Die ia ia roepen nv Ende grote worde wt legghen Die luttel weten wat si segghen Ghi aensiet doch wel in uwen sin Dat dorloghe heeft een swaer begin [460] Maer hoe dinde mach gheuallen Dan weet nieman van hen allen Nv verstaet wel ende hoert Gaet dit orloghe aldus voert Si sijn noch cume gheboren [465] Die vernoye mesquame ende toren Daer af selen hebben groet Ende menech sal daer omme de doet Becoren ende meswinden Eer dorloghe comen sal ten inde [470] Daer bi en salmen niet in desen Emmer alte haestich wesen Maer met goeder voersienicheden Salmen dese sake beleyden Want datmen met haesten bestaet [475] Siet men dicwile dat qualijc gaet Ende doen hi deze dinghen woude Met redenen proeuen also houde Scoten si dan in sijn woert Ende en lieten hem niet segghen voert |
