| Dat ic en weet wat ane gaen [290] Soe groet es mijn droefhede Die vrouwe antworde ende sede Ontbiedt v vriende ende v maghe Daer toe en sijt niet traghe Vraghet hen raet dats goet [295] Dat si v raden dat doet Dat ghi na en moghet seggen niet Dat ic ieghen v eere riet ¶Salomon seghet die wise man Die alle dinc doen can [300] Met rade hem en berouwes niet Alse mellibeus dit siet Heeft hi ontboden op die stede Alle sine vriende ende maghe mede Ende hadde een groet volc te samen [305] Onder die welke mede quamen Philosophen ende medicinen Andeere clerken ende surginen Gheburen ionghe ende oude Quamen daer menechfoude [310] Som om dat sine ontsagen mere Dan om sine minne of om sijn ere Doen hi volx hadde een grote scare Vertrac hi hen al openbare Hoe die dinc was gheuallen [315] Ende bat vriendelike hen allen Dat si hem gherieden hier toe In wat manieren ende hoe Hi hier mede varen soude Want hijt emmer wreken woude [320] ¶Doen stont op te hant mettien Een meester een surgien Ende sprac met rade der partyen Die hoerden ter surgyen Dambacht van surgyen heeft inne [325] Sulke goedertierenhey t van binnen Dat het nieman en wille deren Maer hulpen hen allen dies begheren Het valt dicke lieden die striden Ghequetst werden in beyden siden [330] Ende een meester gaet te hen beyden Ende helpt hen met sire wijsheyden Euen ghelijc spade ende vroe Daer om en hoert ons niet toe Dat wi raden in eneghe sake [335] Ten orloghe of ter wrake Al es v dochter ghequetst swaer Wi willen daer toe nemen waer |
|
Ende ghenesense na onse macht Metter hulpen vander gods cracht [340] Anders en raden wi niet daer toe Een medicijn stont op doe Ende sprac met rade twaren Der visikers die daer waren Ghelijc dat dandere hadden ghesproken [345] Maer hine woude raden no stoken Ten orloghe wien lief of leet Maer sine consten waren ghereet Sijnre dochter te stane bi Een woert so sprac hi [350] In onsen boeken men leest Dat contrarie contrarie gheneest Also machmen orloghe ende wrake Ghenesen met sulker sake ¶Nu was daer volc alderhande [355] Beyde gheburen ende viande Die tsire gratien wouden comen Die dese dinc hadden vernomen Ende oec smekers ende knechten mede Die alle toenden droefhede [360] In hare ghelaet in haer maniere Die alle gader rieden sciere Ter wraken wert haren here Ende prijsden mellibeus sere Dat hi mechtech waer ende rike [365] Ende van maghen sonder ghelike Ende van vrienden sonder ghetal Die hem souden hulpen al Ende dat sine wedersaken twaren Gheboren noch wel rike en waren [370] Ende dat si niet en waren gheacht Jeghen sine grote cracht
Noch van rade die men hem
gaf Ende vrouwen prudentien
raet
iiij
Doen stont op also ict las Die een meester van rechte was Die vele redenen sprac hier toe [375] Onder die welke hi seyde doe Die sake es groet dat segghic v Daer wi om hier sijn comen nv Daer en hoeret toe ghenen haestighen raet Dat fayt es swaer ende quaet [380] Men mochter so haestelijc toe gaen Men soude daer groten scade af ontfaen |
