MS Marshall 29

[f79v]

HIer beghint dat vierde boeckeHeading and following lines on f79v are written in red


Inden yrsten van maskaroen[14135] Item van saladineItem van .x. plaghen Ende
vanden .x. gheboden

[f80r]

DOe die gods sone menschelike . wan delde hier op eert [14140]rike . Plaghene die viande vander hellen . In meni gher manieren te quellen Met proeuen ende met temptacien[14145]Ende alsi saghen die gracienEnde die miraclen die hi dedeDoe duchten si sine godlijchedeTote dien dat si vernamen . datHeme hongherde . ende dat hi at[14150]Doe hilden si te min daer af Maer vter const die onse here gafHaerre edelre naturen Worden si merkende die scrifturenEnde die propheten . die voirseiden[14155]Van ihesus kerst menschelijcheidenDoe beureesden si van desen Dat hi die gods sone mochte wesenSi spraken te samen . ist dat dese sterftOnse helle wert bi hem bederft[14160]Want hi sal onse helle rouen Der zielen die aen hem ghelouenEnde dat waer ons een groot verliesDoe worden si te rade diesDatsi dat beletten wilden [14165]Ende want si dwijf daer ouer hildenDat si naradech ende behendechCort ghelouende ende ghenendechWare ende op thare stijfTrocken si ane pylatus wijf [14170]Want si wisten wel voer waerDat hi sijn sijf hadde herde kaerEnde hebben haer gheblasen inDatsi verwandelde hers mans sinMet haren sotten worden wilde[14175]Waer bi dat cristus sijn lijf behildeDat vintmen van pylatus wiueDat sine gherne behouden te liueHadde claerlic in die passie staendeEnde dat si pylatuse vermaende[14180]Pylatus lieue wat gaets v an Ende cristus dese goede man

 

Ic doghede in visione te nacht Vele om desen die hier es bracht MAer want cristus moeste steruen[14185]Soude hi adaems misdaet uerweruenDaer ieghen sone halp tfians raetNoch tswijfs bede niet een saet Hi wert aenden cruce gheslaghen Ende daer na binnen drien daghen[14190]Verrees hi maer te voren cracHi totter hellen die hi brac Ende nammer ute sine vrientDie heme altoes hadden ghedientDoe die viande saghen tgheuaren[14195]Ende datsi dus bedroghen warenVergaderdense alle haer ghesellenClene ende groot vander hellenEnde wilden enen procureerre makenSunderlinghe om dese saken [14200]Dien si aen gode senden souden Want si om die zielen dinghen woudenDier si machtich waren te voren Beide gheboren ende ongheborenDoe cosen si enen mascaroen [14205]Die dese sake soude doen Die van ghedinghe conste tfeit Ende daer toe menich loes ghepleytMAer hier op so mochte yemen vraghenHoe die verdoemt es tallen daghen[14210]Soude dorren comen so lichteVoor sijns sceppers aensichte Hier op antwerdic in tween manierenEerstwerf . dat wi onse tale hantierenInder ghelike tote desen houen [14215]Te dien diemen vint daer bouenAnders antwerdic ende bat Soe waer die viant es . dat Hi met hem draghet sijn tormentGhelijc datmen aen die besiecte vent[14220]Gaet die besiecte tenegher stedeSine besiectheit draecht hi mede Al troc hi in eens conincs hof Sine siecheit moet met sine mach niet of Dus mach ic v vanden viant segghen[14225]Sine pine en mach niet af legghenDOe trat masckaroen vor gode Te doen als een ghetruwe bode Sceppere alre dinc sprac hi Waers gherechtigheit dat segt mi [14230]Ic ben procureerre te waren

[f80v]

Van altemale der helscher scarenWille gherechticheit in v gheborenMi enen procureerre horenOnse here antwerde heme tiere tijt[14235]Op dat ghi procureerre sijtToent mi dan v procuracieWant v dinc es gherne fallacie Mascaroen seide here ghi selt horenIc wille v informeren te voren[14240]Op een point dat langhe heeft geduert Ende dat al onse helle cuertEnde wanneer dit es ghedaenIc tone v mine procuracie saenDOe sprac aldus onse here ende seide[14245]Ic heb ghekint langhe dijn scalcheideEnde segghe van informerene twintDe partie een ware present Mar wiltu yet toent procuracieOf maec di wech sonder dilacie[14250]Hi toende sine procuracie te hantWant hi den iuge te pointe niene vant Ende want spreken menschelikeHet was ghemaect soe meesterlikeDat daer niet ane en ghebrac [14255]Onse here den procureerre toe spracWiltu yet spreken ic hore toeDie procureerre antwerde doeIN procureerres name doe ic mine clagheVore mi ende mijn meesters te desen daghe[14260]Die mi senden ende daer ic vore taleDat wi in stilder possessien ende waleJa oec van so langhen tidenDat niemen daer ieghen en mach stridenPaiselike hebben ghweest met rechte [14265]Ouer dat menschelike gheslechteTe tormenteerne in onser hellenIc ende alle mine ghesellenNu si wi van nuwes met uwer crachtRecht daer in met verwracht[14270]Niet gheroepen der partien vor oghenDus gheroeft wie sout doghen Hier bi eest dat ic mi nv Jammerlike beclaghe voor vWer bi ghi wilt dmenschelike gheslechte[14275]Jeghen mi doen comen in rechteVor v ende tenen corten dagheTanhoorne mijn eische ende mine clagheEnde alst die dien ghehoort heeft danDatter op antwerde oft can

 

[14280]Dits mijn eisch ende protestereDatmen ons wede kere Gheheellec altemale die zielen Die in onse helle vielen Weder si sijn in die purgatorie[14285]Of met v in uwe glorie Daer toe noch die inde werelt leuenEnde dien ghi tleuen noch selt gheuenGOd sprac ic hore wel dine claghe Nu laet ons spreken van dien daghe[14290]Doen seide die lose procureerreWant dese sake es iammerlecGroet zwaer ende sorchlecMids dien datsi wt roue spruut Daer bi wer si goet cort gheuut[14295]Men daghe op morghen die partieDit es dbeste dat icker op sie GOd den procureerre bi namen noemdeSone des duuels scalc verdoemdeDu maets eenwerf die trappen alle[14300]Van hemelrike met dinen valleTote onder der hellen gront Daer bi es di de wech wel cont Ic sette di ende dier weder partienDach opten goeden vrien[14305]Dach doe mi sonder verdinghenDie ioden anden cruce hinghenEnde comparere hier dan vor miDesen dach dien settic di Mascaroen seide . wat mijns ghesciet[14310]Here dien dach ontfa ic nietWant het es dan een heilich dach Datmen noyt te dinghen en plachOnse here antwerde doe den losenIc makede trecht ende die ghelosen[14315]Daer bi dispenseric daer medeSegdire yet ieghen dat heb sijn stedeONse here seide gabriel nv gancRoep tmenschelike gheslechte eer yet lanc Die viant heefter ouer gheclaecht[14320]Ende heeftse al hier voor mi ghedaechtOpden dach dien ic hem beschietComen si dats goet comen si nietIc sal voortgaen na vorme van rechteSech dit den menschelike gheslechte[14325]DOe dit mascaroen an hoerde Trac hi wech met dien woerdeTe sinen ghesellen dien hi vertracAlle die woorde die god sprac

[f81r]

Doe wert dat quaet voer altemale[14330]Te maiert om gods taleWant hem dochte in haren sinDat hi te vriensten niet en was hemLucifer sprac kinder nv hoortHier omme en si niemen ghestoort[14335]Kerst seit dat hi gherechticheyt esDats loghene gheloeft mi desNu segghet dat hi gherechticheyt siSoe winnen wi onse sake daer biOf hi moet lochenen in corter stont[14340]Dese tale die sprac sijns selfs montDoen beual hi mascaroneDesen dach al noch te doeneMascaroen seide wel lieue hereIc hadde veel lieuer in desen sere[14345]Met v eweliken te sineWant dats pine bouen pineDat ic die ben altoes in rouwenMoet onuertallike bliscap scouwenMaer want ic obedient sijn moet[14350]Willic doen dat v dunct goetMascaroen doen niet en letteHi en quam ten daghe die hem god setteSmarghens vroech in die dagheraetWant mascaroen dat lose quaet[14355]Hadde wel ghehoort ende gheuree[s]chtComt hi te spade die ghene die eeschtDat sine contumacie es mereDat dsanders ende ghebetert sereDes was hi van soe vroeghen opstane[14360]Want hi den mensche wilde spreken aneHi trac in die consistorie saenHeimelec in enen hornec staenEnde hadde altoes ondaen sijn orenWatmenre sprake dat hijt mocht horen[14365]Doent omtrent den middaghe quamGhinc hi daer hi gode vernamHi seide here ic quam hier tileecLanghe te beidene hier es pileecDoet mi gherechticheyt gheschien[14370]Onse here antwerde hem mettienGanc ganc du heues noch cort gheletDe dach was ten auonde ghesetHi zweech al haddijs groten nijtEnde alst quam te vespertijt[14375]Riep mascaroen lude ende sereWaer es gherechticheyt segt hereGod sprac scalc ic hebdi gheseit

 

Die dach was toten auonde gheleytAlst auont wert ende al schiet[14380]Dat dair was . soe ghelietHem mascaroen vreselike sereHi riep hi creet heer heer hereWaer es nv gherechticheyt gheuarenDiemen in hemelrike seyde te waren[14385]Doe sprac onse here roepten miAlse maskaroen quam doe seide hiIc hebbe ghelet al toter nachtEnde hebbe gherechticheit ghewachtDie ic hier wel cleyne vinde[14390]Doe seyde onse here maecs mi een indeIc wille weten wat du segsEnde waer bi du nu ane legsHere ghi hebt mi gheuraeghtGhi weet wel dat hier was ghedaegt[14395]Met dire citacien tsmenschelike gheslechteAlse ieghen mi te comen in rechteJa here voor v hier nes nv niemenIc wane hi spraec wer her yemenWat sprac eisgestu hierrecte: eisgestu hier sprac onse here[14400]Here seit hi soe en eisch ic niet mereDan ghemeen recht datmen oyt gafHere ic eysch v letteren hier afDat hier was ghedaeght in rechteVoor v dat menschelike gheslechte[14405]Ieghen nu opten dach van hedenIc hebbe ghebeidt die dach es ledenHen quam noch hen heeft ghesentYemenne als ghi selue we kentONse here die claerliken verstont[14410]Waer na die procureerre stontHi sprac te heme dese woortDu die vele heues ghehoortDu weets wel ende ende moets lyenDat die iuge onder die partyen[14415]Selc tijt na redene ende effenheitNa dien dat hem dunct orboer wesenDaer bi contumeric desenDach op morghen prime tijtWildi yet segghen dat ghi here sijt[14420]HIer met ghinc onse here sire verdeEnde maskaron die dat oec deerdeTrac ter hellen ende telde hen allenHoet hem ten daghe was misvallenLucifer sprac al werdet di tsuren[14425]Noch saltu sijn morghen ter seuen vrenHi informeerde maskaroen

[f81v]

Hoe hem des daghes stont te doeneDOe du vernam maria onse vrouweHadde sijs moederliken rouwe[14430]Maer doe si wiste dat was verdaeghtWas si te min daer af versaeghtEnde dat niet voort en was ghegaenSoe sprac onse vouwe nv laet staenNiemene en bedroeue hem om dese sake[14435]Ic wille morghen sijn voorsprakeVoor den mensche ende aduocaetEnde alsemen hoorde dit toeuerlaetSoe verblide ghemeenlikeDer inglen choor in hemelrike[14440]TEn daghe quam god met groter glorienSitten inden setel der consistorienMet ere onuertalliker scarenDer ingle die met hem daer warenDer prinarkenrecte: patriarken ende der propheten[14445]Die alle quamen te dien vermetenMAria sijn moeder volghede naerMet scoenre gheselscap alsic verstaVan inglen van patriarkenEnde van propheten die hulpen starken[14450]Die sake die onse vrouwe aen namEnde al dat met haer daer quamSanc lude met enen bliden sinneGod houdi hemelsche coninghinneGod hoedi der inglen vrouwe[14455]Bescermt den mensche van desen rouweMAria stont stille al sonder sprakeEnde sach op haren weder sakeDwers ende seer verbolghelikeOm dat sine sach in haer rike[14460]Si ghinc sitten neuen haer kintNv hoort hoet parlament beghintTusschen die vrouwen vanden troneEnde den valschen maskaroneONse vrouwe seide maect mi een ghestille[14465]Want ic al lettel spreken willeLieue kint seit si an hoort mi nvIc versta dat hier voor vAnstoten es ende seer tonrechteAl dat menschelike gheslechte[14470]Waer af dat ghi ende icke sijnVan enen verdoemden verradre fijnDien ic hier in mijn rike sieDies doecht mijn herte herde weEnde die lichame die v droech[14475]Heues deren meer dan ghenoech

 

Bi dien dat her noyt en plaghenSelc valschers te comen in ghenen daghenMar want ghi gherechticheit sijtCome die wille te diere tijt[14480]Ende toene sine redene voor vIc wille heme antworden nvDoe worden blide ghemeenlikeDer ingle choor in hemelrikeMEn riep ter vaert den ongheminden[14485]Com quaet du sals partye vindenMaskaroen ghinc voor gode staenSine oghe en dorste hi niet opslaenOp die werde moeder ons herenWant si liet haer oghen keren[14490]Dicke op den quaden verbolghelikeOm dat hi daer quam in haer rikeONse here seide nv maskaroen toeSprec dattu wils ic hore . doeOnghehoersam gherechticheyt[14495]O wairheyt sonder valscheytO seker wech sonder dolenAnhoort dat mi es beuolenEn laet v roeren bloet no vleeschGhine doet mi recht na minen eysch[14500]Ic bid v dat si met orloueDat ic mach spreken tuwen houeOnse here seyde gheloef mi desAltoes also verre alst recht esHEre seyt hi so es dat mine tale[14505]Telken ghedinghe so wetti waleHoren emmer drie personeNu eest recht dat ic die coneDene es die iuge dander daenlegghereDie derde es die wede segghere[14510]Den iuge sie ic openbaerDat ic aenleggher ben dats waerWant ment in mine citacie sietMaer den sculdighen en sie ic nietONse vrouwe antwerde haren sone[14515]Niet den quaden maskaroneLieue kint seitsi ic ben ghereetIeghen den quaden die al hier steetTe bescuddene den menscheBeyde oude middel ende kintsche[14520]DIe viant seyde heilich vaderDit wer ieghen recht algaderBeide ieghen dnuwe ende ieghen doudeDat eneghe vrouwe wesen soudeAduocaet ochte voorsprake

[f82r]

[14525]Noch heb icker toe een sakeGhi moet mi wesen altoes suspectWant vleesch ende bloet seer trectHets wel te duchtene dat ghiHaer onstegher sout sijn dan mi[14530]Nochtan antwerde wie dat hi esOnse vrouwe die haerKeerde haer tale te haren kindeEnde seide dese quade die ic hier vindeVerkeert recht gheheelike[14535]Ende stoort mi toe in mijn rikeHi seeght dat ic v moeder siSuspect heeft hi v daer biMaer lieue kint des sijt vroederAl eist dat ic ben v moeder[14540]Ic ben mensche ende wijf nochtanOnbesmet van eneghen manNiet moeder alsmen andre vintGhi wert gheboren lieue kintSonder pine van eenre maecht[14545]Suuer . nv was ic hier ghedaeghtWer enech loy of recht dat seytDen ghenen diemen aneleytVan wat condicien dat hi siHine mach hem ontsculdeghen seght mi[14550]Hier bi mach ic wel voorsprakeMijns selfs sijn al wer dat sakeDat ic onghelouech wareOf te banne openbareDies niet en es ben ic ghedaecht[14555]Ic mach antwerden op datmen vraeghtUOert soe weth sone mijnDat drierhande state sijnVanden lieden in eertrikeSome sitten in huwelike[14560]Men vinter oec die weduwen sittenEnde hem houden sonder besmittenDie derde staet dats der maechdeWaert dan dat yemen daechdeVan desen ic moester antwerden voren[14565]Want ic wasser toe vercorenDat ic moeder wesen soudeMaer om dat v wijsheyt woudeDat die dinghen verholen bleuenWas mi joseph te manne gegeuen[14570]Want het eischte die ioedsche wetDus was ic in huwelike ghesetIc sat oec sider sonder manMaeght bleuic want ni ghewan

 

Onsuuer ghepeyns noyt tenegher vren[14575]Hier bi soe moetic bi naturenSijn aduocaet ende voorsprakeIn elcs menschen recht ende sakeOP dat point oec dat maskaroenSeide dat ic nieme moeste doen[14580]Enech ambacht van aduocasienDaer liecht hi ane des moet hi lyenIc mach vore iammerlike personeWeduwen ende wesen ende voor die goneDie ligghen gheuaen in zwaer persoen[14585]Wel ambacht van aduocasien doenWaer sijn segt mi lieue soneEneghe iammerlike personeDan es die werelt ende dat volcDese quaet inder hellen colc[14590]Gherne te sinen tormente brachteDaer bi eisgic te desen ambachteDatmen mi doe sonder merrenWant mi sine redene des niene mach verrenMAskaroen antwerde hier toe[14595]Ic eische heer iuge datmen doeHier af ene interlocutorieVoor alle die consistorieDat een vonnesse op een discoertDatten principale niet en hoort[14600]HIer op antwerde anuocataLieue kint als ic verstaSoe staet dese valschere ende coutOf ghi enen ouersten hebben soutDoe sprac onse here dese woorde saen[14605]Sonder enech weder staenVan maskaroen of sire partienDoe ic mire moeder tere aduocasienONse here seide du maskaroenDu heefs partye wiltu yet doen[14610]Dat doe ic seyt hi ic hebbe partieDaer ic mi sere af ontsieWant si sal mine goede sakenDat dunct mi cort te nieute makenNochtan toeghic aldus mine tale[14615]Hets openbaer ende kenlic waleDat ic ende alle mine ghesellenDie meesters sijn vander hellenDair ic vore hier come dinghenHebben in goet ende in paislike herbringhen[14620]Gheweest ja van so langhen jarenDat noyt man anders en sach te warenOuer dat menschelike gheslechte

[f82v]

Vaste te hebbene in onse hechteEnde te pinen in onse helle[14625]Nu si wi met crachte ende met willeNiet ghehouden vorme van rechteHier af gheroeft ende sere tonrechteEnde want die vroede pleghet desRestoer teyschene daer teischene es[14630]Der die sake ghepriuilegeertEs. ende op recht ghefundeertDaer by eisgic gheheel treestoorIrstwerf ende daer na mijn behoorVan dien dat wi hadden te voren[14635]Dat wi enen tijt hebben verlorenEnde datmen in die sake dan ga voortWant ghi hebt dicke wel ghehoortDat darme gheroefde die nien esLuttel mach te voren gheuen bleuen[14640]GOd sprac tsire moeder si wert ghestoortEnde sprac te haren sone waertHoe comt sone dat ghi begaertMids des loes verraders beiachDus te quistene desen dach[14645]Hen es niet dan futselingheMen soudt vertrecken in gheen ghedingheVerstaet wel sone dats v behoorDese viant comt ende eisgt restoerWant hi seeght hi es gheroeft[14650]Hi lieght qualiken en ghelooftHem niet hi es der loghenen vaderWant wat hi seeght es loghen algaderDit wilic proeuen in tween manierenIrstwerf dunct hi mi allegieren[14655]Trecht datmen den gheroefden salTsine wederkeren gheheel ende alDats te verstane dies mi gheloeftAlst comt datmen den ghenen roeftDiemen eisgt of ane leyt[14660]Hen es vanden aenlegghere niet gheseytNu es aenlegghere dese vule knechtSiet sone hoe hi verkeert dat rechtVoort trecht wijst weder te keerneDen gheroefden tsine es tinterpreteerne[14665]Daer die gheroefde in goeden dinghenTonen mach vray haerbringhenDaer die titel oec af si goetNiet datmen met crachte doetOf met roue of heymelike[14670]Vanden vianden es des ghelike

 

Want die titel en es niet goetDatmen cracht of valscheit doetAl machmen possessie al lettel houdenMen mach eens anders goet niet onthouden[14675]Wantmen wel wet sone mijnDat uwe creaturen sijnEnde in v wijsheit van v ghemaectNa uwe ghelikenesse gheraectDer bi es tfiants titel quaet[14680]Te houdene dat hem niet en bestaetEnde sine proscripcie en mach niet draghenAl hadsi gheduert teneghen daghenWant al was dat gheschietDatsi die sielen pijnden dan was niet[14685]Wt haren properen rechteWant si dadent alle als knechteEnde als dorwerdes vander hillenNa v ghedoghen ende na uwen willeDaer en moghen si niet sijn ieghen[14690]Sine hildense van uwen weghenThouden dat hilden der hillen knechteMeer bat van faite dan van rechteVoort meer hoe moghen dese quadienOp enegherande heerbrenghen lyen[14695]Dat hem die sielen souden behorenWant voerseit es langhe te vorenVan onuertallike vele prophetenAlse wi alle wale wetenDat van ere sterren soude sijn gheboren[14700]Die gods sone die sijn verlorenAen hem soude weder halenHier omme deert mi sijn vule talenDer maskaroen dese vule quaetVore uwes selfs oghe mede omme gaet[14705]MAskaroen antwerde oec hier toeEnde hier op eisgic datmen doeEne interlocutorie lopenHet sal ommer yemen becopenONse vrouwe antwerde hem entwint[14710]Maer si aensprac haer lieue kintSone ic weet wel sekerlikeDat uwe es al in hemelrikeEnde in eertrike ghegheuenVoor uwen vader moet oec beuen[14715]Ende knielen wat inder hellen esNu comt dit quade wt ghelesDese procureerre maskaroenEnde nontsiet niet uwen persoenNoch daer toe meer v moghenthede

[f83r]

[14720]Ende maecter schijnt sijn scheren medeWant telken woorde eyschet hiEne interlocutorie dat dunct miONse here seide quaet nv hoorIc ontsegdi plets restoor[14725]Onse vrouwe sprac vraghet den quaetSone of hem emmer te segghene staetHi sprac of ic yet segghen willeJa ic noch hebbic ghesweghen stilleIc moet gaen clappen groot wonder[14730]In recte: ic ben noch so seer niet conderDit woort wonde gruwelikeDer moeder seer van hemelrikeVan vresen seer ende van minenDie si ten mensche droech van binnen[14735]DOe sprac onse here den viant toeWiltu yet segghen coms af en doeHoueschelike cone dine sakeSonder eneghe onwerdighe sprakeDoe ute sinen poiteniere[14740]Maskaroen ene bibele sciereHi creet hi maecte groot ghescalHoor hemele wat ic spreken salDat was ni latine alsic verstaAudite celi et terra[14745]Si zweghen al van groten wondreDoe keerdi een blat boec bi sondreDer stont ghescreuen in derre wijsGod gheorloefde tetene int paradijsAdame ende yeuen van alden frute[14750]Enen boem ghenomen vteEnde wanneer si braken dat ghebotSoe moesten si steruen dat seide hen godDoe spra die viant heer rechter hereIc bid v dat ghi mi seght nemmere[14755]Dan of ghi dese worde aen v draechtOnse vrouwe antwerde alomisaechtSech voort in does no meer no minWant ic niet rike der waerheit en binEnde voor heme heeft vermeten[14760]Dathi waerheit es . gherne wetenSoudic dr bi eerstwerf tfijnOf dit die woorde der waerheit sijnVte dien so concludeer ic ditAdame ende yeue als ghiwel wet[14765]Settedi beyde int paradijsEnde want si mitten de vrucht tsrijs

 

Dat ghi hem verboodt als godDoe daden si ieghen v ghebotOnghehoorsam als ic verhoorde[14770]Hier bi eisgic dat uwe woordeDie selue waerheit heet ende sijtSta in hare macht talre tijtEnde datsi ende al haer oerEwelike na dat selue verhoor[14775]Steruen ende becopen datAdame ende yeue den appel atWant es besciet moeder ende vaderDat daer af comt pleecht gherne algaderBesmet te sine . es dan dat sake[14780]Dat ghi wandelen wilt v sprakeOf keren dat ghi hebt gheseitSoe en si di niet die waerheitNu aduocata ende wie dat willeAntwerde hier op ic zwighe stille[14785]ONse vrouwe te haren sone seideMi wondert wanen so grote scalcheideEnde naradicheit ghegeuen siDen vulen vianden daer si byDen onsalighen hebben ghesellen[14790]Die si effens hem sien quellenNoch seide onse vrouwe sone mijnV woorden selen ghehouden sijnDie ghi adame ende yeuen seytWant ghi sijt selue die waerheit[14795]Een text van recht doet ons ghewachDat valscheit ende loosheyt niemen en machHelpen met rechte noch doen stadeNu waest al bi tfiants radeEnde bi sinen toe doene mede[14800]Dat adame ende yeue mesdedeWant in genesi volghen dese woortDie dese quaet niene bringht voortNoch nv te pointe niene vertracHoe tserpent hen beyde toe sprac[14805]Si waren dit alse ghi wel weetEest dat ghi den appel eetGhi selt alse gode werden beideNv hoort sone grote valscheideDat hi hen riet ende dede doen[14810]Daer af wilse nv maskaroenWroeghen voor v ende verradenDat hi selue ende die sine dadenSent hem dan maskaroen selue riet

[f83v]

Daer af en moesthise wroeghen niet[14815]Mids dat boesheit wt losen radeNiemenne met rechte en mach doen scadeWant wel recht ende redene schijntDies een selue moeste sijn ghepijnstEn mach hi enen anderen niet betien[14820]Dair bi en es sire partyenNoch hem te ghelouene om haer sprakeWant si waren selue die sakeWilde yemen elsin rechte comenDie dit eischte hem wt ghenomen[14825]Also verre alst recht daer toe draechtIc wille antwerden op datmen vraegtDOe sach die viant wt haer antwerdeSine redene te mute terdeHi peinsde dat hi noch conste vele[14830]Argumenten te sulken speleHi sprac here juge des si di vroederNu waent herde wel aduocata v moederMinen argumenten dus ontgaenNeen si dat suldi weten saen[14835]Ghi wet wel vader ende hets claerDaer die misdaet es openbaerAl wert dat nyemen daer ouer en claegdeOf den misdadighen daghedeDie iughe na sijns ambachts staet[14840]Moeste selue beteren die misdaetDaer by her iuge so seggic vIc sedt dat waer si hier nvDat aduocata heeft gheseytDat ic niene kinne nochtan werheit[14845]Ja datsi niet sculdech en siOp dese article te antwerden miNochtan die rechtere der hi vray esEs sculdich voort te gaen gheloeft mi desWer bi sint ghi hebt den name[14850]Gherechticheit soe waert ontameUwe dade en volghden uwer sprakenSunderlinghe in selken sakenHier met zwighic ende wille sienWat die gherechte juge sal plien[14855]Na dat die loy van sinen ambachteDaer mijn vonnesse ane wachteSider dat tfayt niene behoeftMids sire claerheyt datmen proeftDit nes gheen twifel richtere here[14860]Die minsche en si misdadich sereDaer by hakic ende ontbeydeVan uwen ambacht dedelheide

 

Niet dat ic mi slechs makePartie nv in dese sake[14865]Maer ane soeke dat ghi gaet voertNa dese woorde die ghi hier hoortADuocata die waerde vrouweHadde des doghen ende rouweWant si dachte vreselike
[14870]Vte sire gherechticheyt soude voort gaenNa dat hem maskaroen gaf verstaenEnde wt sire officien alleneSi trac voort met groten weneEnde scoorde tot haren borsten toe[14875]Haer cledre . ende doe seide soeSiet sone den lichaem daer ghi laeght inEnde die selue borste meer no minDie ghi ane mi dicwile soeghtNu coomt hier als ghi wael sien moeght[14880]Die v steende . ende enen ghedichteRespau in v waerde aensichteDaer toe v cruusten aen een houtDese quaet comt ende eischet boutDat ghi na v ambacht voortgaet[14885]Nochtan bekent hi die selue quaetDat an hem niene gaet een twintMaer ane v mijn lieue kintDaer bi eest dat ic nvContrarie daer ieghen aenrope voor v[14890]En doedi niet dat ic aensoekeSoe plaent mi wt des leuens boekeWant gheen loy dat es bescreuenOf dat costume mach gheuenEn wijst dat v . noch en dwinght[14895]Datmen in selken saken dinghtWt uwer officien voort te ganeDan allene dats te verstaneAlst uwer gherechticheit behaeghtHets quaet dat dese valscher iaeght[14900]Nu sal ic sien wien ghi bat ontOfte uwer moeder oft desen hontVAn desen woorden wert dedele hereCorteliken beroert sereAlse hi voor heme sach driuen daer[14905]Sire moeder alselc mesbaerHi sprac toot den viantMijn ambacht ontsegghic di te hantDie viant sprac het mach wel wesenVleesch ende bloet ruert v te desen[14910]Ende niet die hemelsche gherechticheyt

[f84r]

Ic hebbe dit wel te voren gheseytDat mi te zwaer was ende te hartDat tsrechters moeder aduocata wartJeghen mi ic hebt vernomen[14915]Wat mi daer af nv es comenONse vrouwe sprac alsi dede eerViant wiltu yet segghen meerJaic seithi ic wille beghinnenIn ben noch soe seer niet binnen[14920]Vter ewangelien die god seideEnde vter scrifturen rechte beydeWillic minen redenen continuerenEnde met rechte approberenEen text van rechte leert ende wijst[14925]Deuige alst comt dat vor hem rijstTusschen partien een discoortEnde elc wille hebben dat hem behoortEest erflicheit of ander goetWetti wat die rechtre doet[14930]Hi deilt die dinghen onderlingheEer dat come ten ghedingheEnde dat ghemene was te vorenDer gheeft hi elken af sijn behorenWant recht seit ic hebt ghehoort[14935]Ghemeenheit maect dicke discoortTscrifture der werheit seeght claereDat ic ende al dat hemelsche harePrincen vander werelt wesenIn segghe niet god ghijn hebt in desen[14940]Wel een deelken maer hets cleyneHet gheliket wel den greyneDat in midden een mudde leghet
Daer bi soe segghic dese woortOm te scuwene al discoort[14945]Dat tusschen uwer moeder ende vIn dene side . ende mi nvIn dander side es gheruertHoe langhe dat oec heeft gheduertSoe segghic dat verstaet hier toe[14950]Datmen gherechte deelinghe doeEnde mijn deel vanden uwen sceydeDats te wetene dat alle quaetheideEnde sonden te minen dele staenDaer ieghen die waeldade vane gaen[14955]Men legghe elc deel in ene waghe scaleDmeerre salmen bekinnen waleDesen wech ende dit ane legghenEn can met rechte niemen ontsegghen

 

DIe sone ansprac sire moder doe[14960]Aduocata antwerdt hier toeSi seyde wat eyschet sduuels kintHet schijnt dat hi weder beghintHi eischt weghinghe na mijn verstaenDie langhe te voren es ghedaen[14965]Alse ghi sone wel ghedinctWant doen ghi ane den cruce hinctDie doghet der werelt ende godheit waertIn dander side hinc een galgaertEen mordenare hiet gesmas[14970]Die sunde ende quaetheit der werelt wasIc weende ende dreef groot misbaerSone gheweghen wert aldaerDie doghet ende quaetheit van ertrikeDoghet verwoech onghelike[14975]De quaetheyt der werelt ende de sunden alSoe dat v inder hellen dalDie balansche neder droechOm dat v doghet die sunde verwoechIn uwer sielen voer di daer neder[14980]Ende uwe gheuanghene brachti wederSint selke weghinghe daer ghesciedeOpten berch voor alle die liedeVan caluarien alsinen noch weetEnde dat vore een vonnesse steet[14985]Sone willic gheens sens daer ieghenNoch in gheere gheen ander weghenMaskaroen doe heme ghelietSo vreeschelijc in const ghesegghen nietHi creet hi riep hi briesch sere[14990]Nu en willic mi houden nemmereSeit hi ane dese futselingheWi moeten spreken van zwaren dinghenMen vent ghescreuen die ghenen heeftAduocaet . dat menne heme geeft[14995]Ic ben allene sonder voorsprakeEnde hebbe toe menighen weder sakeIc eische ende dat nes ne ghene onmateDatmen mi gheue advocateEnde datmen distribucie doe[15000]Van aduocaten . daer toeAntwerde heme die vrouwe reneEnde ic ben aduocata alleneVan minen rike niet van dinenDie ligghen inder helscher pinen[15005]Neme dien du wils nochtanDie viant seyde soe eischic danTwee aduocaten die wesen mijn

[f84v]

Die v suspect niet en sijnEnde die wilic noemen beyde[15010]Dats waerheit ende gherechticheideVan desen dinghen wonderde sereDen inghelen wanen selken kereMaskaroen te sukene quamDat hi selke aduocate nam[15015]Hi seide hemelsche coninghinneVrouwe der ingle al es v inneDie hemelsche moghentheit gheborenWerdech metechs als te vorenNochtan eest houescheit ende goet[15020]Dat ghi v dinghen met rade doetNemt advocate met vOnse vrouwe es makes hermet scuIc eische seit si ontfermichedeEnde pays dese ghesusteren bede[15025]Dit ghedaen het zweech daer alMaskaroen sprac die mensche salVerdoemt wesen sonder faelgierenWillic proeuen in drie manierenMids gherechticheit in gheliken dinghen[15030]Als ic v namaels toe sal bringhenEcht mids gherechticheit van ghebodeDat hem gheset was van godeEnde mids gherechticheit diemen seitEnde noemt onuertallicheyt[15035]MIds gherechticheit in ghelikeDus sint dinghel in hemelrikeMesdede mids welker mesdaetHi wert verdoemt sonder verlaetEnde want god gheen wtnemere en es[15040]Der persone des sijt ghewesSoe moet die mensche al wesen verdoemtWerden of god heeft hem versuumtEnde wert wtnemere der personeDus ware ongherecht v sone[15045]Van welker ongherechticheideDinghel verdoemt sonder beydeVan gode hem beclaghen mochteDat hi vte onsticheiden wrochteADuocata antwerde te hant[15050]Op dat maskaroen sprac die viantHen es ghelike seyt si een twintDat maskaroen des duuels kintVoor ghelike bringht hier ter stedeWant om dat inghel mesdede[15055]Soe es hi sonder enech verlatenVerdoemt ewelijc ende verwaten

 

Want hi ghene crancheit van naturenEn hadde die heme mochte ruerenNoch broescheit diene trac een twint[15060]Daer bi soe doeght hi al sijn tormintEnde pine in die gheest alleneWant hi vleesch en heeft noch beneMaer wt voorsienigher quaethedeWaest dat die inghel mesdede[15065]Hi hadde die edele natureBouen alle creaturenEnde bouen al dat ye ghewaertNaest gode eer hi mestartDat die mensche in sunden boech[15070]Dat dede die brooscheit diene toechEnde die zwaerheit vanden lichameDit was die (zwaerheit) val van adameDAnder point dat maskaroen seideDat was op die gherechticheide[15075]Tsgheboets ons heren doe hi beualAdame dat hi groot no smalDen appel hem en liete ghelieuenDat verboot hi heme ende yeuenBraken sijt si waren doot[15080]Den inghel verboot hi cleyne no grootDoemde hi den inghel sonder verbootSoe sal den mensche moeten godWt sire gherechticheit doemen meerWant hijt ghebot brac als ic seide eer[15085]HIer op antwerde die moeder godsDen inghel en was noyt en ghebotsGhegheuen dat kin ic te gere vrenWant hi hadde van naturenDie wijsheit in heme dat hi goet[15090]Ende quaet . sekerlike verstoetDat dede al die volmaecthedeSire naturen als ic voorsedeEnde daer bi want hi gheheellic wrochteIeghen die sekerheit ende dochte[15095]Sonder ghelike misdede hi meerDan die mensche als ic seyde eerDie mensche en hadde die sekerheit nietOm den lichame die ieghen rietEnde die siele altoes verswaerde[15100]Tote dat die sunde openbaerdeDair bi en antwerde niet den serpenteDie mensche slechts na sine attenteMaer twiuelike ende op auentuereDat wi niene steruen ter seluer vre[15105]Noch meer verstaet van minen kinde

[f85r]

Dat hi alle kint te sekere indeGheordineert heeft ende gheraectSint hi den minsche dan heeft gemaectTien ende dat hi oor soude sijn[15110]Des ewelijcs leuens als es aenschijnWorde hi verdoemt so deerfde hi danSijns wercs mijn sone dat hi beganDus hadde die wijsheit van minen kindeDen minsche om niet ghemaect in dinde[15115]Nemmenmeer sone sal ydel sijnTwerc dat maecte die sone mijnSoude hi der menschen kinder ghesetHebben om niet neen hi dat wetDat vanden inghel is gheschiet[15120]En es des ghelike nietWant dingle en worden niet alghemeneVerdoemt . dan die partie alleneDan die mesdede ende ne gheen elAldus ghebroec mine sone wel[15125]Sijns werchs in die . die staende bleuenDie ewelike met hem leuenDAt derde point dat hier voortGheseght wert hilt dese woortDat die mensche onuertallike sere[15130]Misdede ieghen onsen heerEnde want hi heme hadde also versoemtMoeste hi onuertallike sijn verdoemtHier met stont op gherechtichedeTsfiants vorsprake der waerhede[15135]Haer suster mede al daer quamSi toechde den knecht onghehoersamOuerdadich ende onnutteEnde al sijn oer ter hellen putteEnde dat si daer in die ellende[15140]Ewelike moeste sonder eyndeSint hi so lichte hadde moghen tghebotHouden dat hi brac die sotIErst seit si dus so hi meerreEs diemen misdoet so hi seere[15145]Moet sijn ghepijnt die misdoetDes soe es elc mensche vroetSint dat god in ewelicheidenGroet es soe moet al sonder beidenDie mensche ewelijc sijn ghepijnt[15150]Want wel recht ende redene schijntEnde want die coninc na der tijtSterflijc betert verre ende wijtDatmen mesdoet ieghen hemeSo dincket mi gherechte teme

 

[15155]Dat dewelike coninc ende hereSine broken settet emmermeereWant na die grootheit godsDie cleynheit tsmenschen ende tghebootsSone moghen die menschen allegader[15160]Die mesdaet ghebetere hars vadersWant wi oec wel ghescreuen vendenDie sende doet wert knecht daer sendenNOch en ware die mensche noyt ghetoghenTen sunden nochtan al sijn vermoghen[15165]Ende hem seluen daer toe meerWas hi gode sculdech emmermeerDer bi sone can die mensche nietGhedoen wat goede dat hi plietDer hi heme of enen anderen mochte[15170]Verlossen of vter pinen brochteHoe goet hi ware . die mensche in desenMoet hi een onnutte knecht wesenWant hine quite maer sine scoutEnde al waest dat hi vergout[15175]Nochtan en quijte hi met tferliesDat vter ierster kinden wiesAl leeght beternesse die sunden nederDierste onnoselheit en comt niet wederMids dien dat gheschiede saken[15180]En machmen ongheschiet niet makenWant hoe die mensche die sunde verdrijftDie wortele daer af gherne blijftBehoortech recte: geboortech en mach daer omme niet sijnTer euscher gracien sonder fijn[15185]Sint elke gheboerne creatureOnsuuer es ende niet puereEnde van onsuuere sade comenSunde hebben hem noch anghenomenSoe scheent wel lachter ende mesprijs[15190]Dade god de dore op tsparadijsDen ghenen dies onwerdich warenDie hi sloot voren tso menighen iarenOm die mesdaet des iersts vaderAlse wi wel weten allegader[15195]Ontsloot hi die mensche dan die doreSoe worpe hi den honden theilighe voreDen zwinen precieuse steeneDie si maken met sunden onreneGherechticheit si eyscht daer bi[15200]Datmen elken na dien dat hiGhedaen heeft gheeft sinen loonWant die siele van elken persoenMoet steruen die in sunden leeght

[f85v]

Noch meer onse here selue seeght[15205]Ic hebbe kinder op gheuoedtHier ter werelt seer ghegoedtDie haten mi nv ende versmadenDats best betekent bi adaems dadenDie heme lieuer sijn wijf liet keren[15210]Dan te houdene die wet ons heerenDauid seit oec ghelooft mi dasDe mensche doe hi in eren wasTen alren weersten ende ten meestenWert hi ghelike den sotten beesten[15215]Mids sine ombekinlichedeHine wilde in payse noch in vredeManna niet eten der inghelen brootDer bi soe eist wel redene grootDat hi met zwete ende met labore[15220]Sijn droeue broet winne al doreTe meer want die sentencie esIeghen hem ghelopen des sijt ghewesEnde want aen gode onsen hereWandel gheen en es no kere[15225]Sint die sentencie eenwerf dan siGhegeuen concludeeric daer byDat hi verwandelen niet en salOm tsmenschen armoede ende misualEnde want die mensche vanden beghinne[15230]Niet en volstont in gods minneSoe es hi wel weert groter ellendeSunderlinghe want hi gode kendeEnde gode min eerde dan als godMaer volchde sijns ghepeyns sot[15235]Daer toe sjin herte verdonckeren lietMids den rade die yeue hem rietEnde want ghene breke en hadde de menscheInt paradijs in alte wenscheDer toe onsterflijc hadde sijn lijf[15240]Ende hi mesdede die caytijfEnde dan soe lichte verleedt wertTer sunden so hi meer ouertartSwerlike ieghen tghebot ons herenVersmaede sijn hete ende sijn lere[15245]Vele selker redenen ende argumentenSoe brachte voort tyen parlamentenGherechticheit ieghen aduocataEnde iehgen her hulpe die met her quamHIer met es opghestaen werheit[15250]Ende heeft al selke woerde gheseitDairmen vander waerheit fijnSprect daer en moet ghene loosheit sijn

 

God die hem seluen werheit noemtSeide eist dat [g]hi versoemt[15255]Ende ghi vanden appel etGhi selt steruen ic waen ghijt wetAlle want hets openbaerDat sine aten cort daer naerDer om so segghic sonder plike[15260]Den mensche verdoemt ewelikeHIer met stont op ontfermicheideDie alle dese pointe wederseideDie gherechticheit ende werheit ende die viandeHier voort segghen menegherande[15265]Om den mensche te bescuddene voortSprac ontfarmicheit dese woortSint die verdoemde inghel mesdedeSonder eneghe broeschedeVan lichame diene daer toe toech[15270]Of yemen els diene bedroechSone heeft hi daer ghene onscoutDie sunde en si groot menichfoutEnde onuerganclijc ewelikeGhelijc dat van hemelrike[15275]Die coninghine van hemelrijc spracMaer dat die mensche ter sonden tracDede die broescheit van sinen lichameWant god onse here maecte adameVander moedre ende vanden slike[15280]Dair bi soe wil hi haestelikeEnde daer toe meer adaems misdaetQuam te mids eens anders raetDiene verleide met barateDer bi waert groot onmate[15285]Hine mochte een lettel sijnre onscoudenGhebruken want wi in gode houdenAlte grote ontfarmenesseSoe volghet doet hi beternesseMet contricien die misdaet[15290]Hi weder gheset sal sijn in staetVan glorien daerne god toe maecteWant het ware ongheraecteDinc . soude edele creatureNa gods ymagene ende figure[15295]Rechte ghemaect plets bederuenAlse gheseit heeft anderweruenDes menschen werdighen voorsprakeNoch esser toe een ander sakeDats dat god niene sal sijn moghen[15300]Van sinen propoest aldus bedroghenWant hi den mensche maecte int beghinne

[f86r]

Om dat hine wilde kinnenEnde na dat kinnen hebben liefEnde der tenden na sijn gherief[15305]Sijns ghebruken vriendelikeDit was gods wille van hemelrikeMaer alle die inghele ghemeneEnde vielen niet maer die alleneDie mesdaden voort es orconde[15310]Dat kint niene sal des vaders sondeNoch sine broke draghen ietGod en hadde oec sijn werc nietDie nedre herten in oetmoeden dadenEn wille god oec niet versmaden[15315]Die woorden tughen oec prophetenGod wille ontfarmens niet verghetenMaer hi wille na sine abolgheDat ontfarmechede volgheWant in wat vren dat sunderen[15320]Versuchten ende hem her sunden derenSone wilhi gheduincken meer der sundenAlse van ontfarmene comen stondenHeilich ben ic seit hi onse hereInne wille mi belghen nemmermeer[15325]Men vent oec dat ontfarmechedeGaet bouen gherechtechedeEnde gherechticheit daer met en mingtOntfarmecheit mede seker dit dinctElken bat ende wreetheit wesen[15330]Dan ene doeght . dit horen wi lesenDe mensche heeft vormaels vor sine sondenVele tormenten van ellendenVander hant gods ontfaenWant den teen es hi ontaen[15335]Tote den hersenen ende ontscoontGod die heeft oec wel ghetoontSine macht doen hi de werelt maecteDaer na sine wijsheit pointe ende staecteEnde ordineerde alle dinghe[15340]Nv sal hi toghen sunderlingheEnde goetheit an die verloren warenEnde him onthilden die helsche scarenWant claer in die scrifture staetSoe waer dat vloyt misdaet[15345]Gratie moet daer ouer vloeyenVoort sone hem niemen moyenAl slaet die vader hi ganst medeDe mensche en sal te ghere stedeTwiflen van gode noch ontsien[15350]Hijs milde hi pleecht groflec te versien

 

Ende ouervloyende es sine ghichteHine verwitet niemene lichteDie ghichte die hi den mensche gafDaer en haddi niet weder af[15355]Om dat die mensche moghen segghenGod waer bi wildi mi verlegghenIn dus groter oetmoedechedenDien hi met groter werdichedenVormet ende sciept na uwer figuren[15360]Eysche ontfarmicheit ter vrenDie mensche wilde als god wesenMids heerschede dit horen wi lesenEnde god mids groter oetmoedichedeWilde hi ontfaen menschelichede[15365]MEt desen redenen es opghestaenOntfarmicheit die sonder waenDochter es tsconincs van hemelrikeSi neech herde oetmoedelikeVoor haren vader sonder beiden[15370]Den vader van ontfarmechedenDen here daer anstaet al onse troosteDat hi den armen mensche verloesteEnde den vluchteghen knecht ontfaDie op oetmoet roept na[15375]HIer met es ghestaen pays oppeEnde haer susteren tenen cloppeAllen drien ghesproken aneDat sijn dese drie te verstaneGherechtecheit ende waerheit[15380]Ende daer toe mede ontfarmecheitSi seyde aenhoort mi suster mijnEnde gheloeft op dat mach sijnMi die der eenheit ben een bantEn gheloeft niet den viant[15385]Die bant es van alre quaethedeGhelouets mi al hier ter stedeIc sal bescheeden v alle drienHoe dat elken sal ghenoech gheschienDit ghesciede si seide voort[15390]Na dien dat ic hebbe verhoortSoe eischet mijn suster gherechtechedeWant onuertallike misdedeDie mensche alst wel redene schijntMoet onuertallike sijn ghepijnt[15395]Dits alghedaen want ihesus cristusHeeft den menschelijcheit daer omme ontfincEnde daer toe aen den cruce hincDaer hi die bitter doot mede sterf

[f86v]

Mids welker doot dat hi verwerf[15400]Aen sinen vader dat hi soudeDen mensche verlossen ionghe ende oudeDie doot die pine was seer ieghenDen ingelen drie droeuen niet en pleghenSint dan donuertallechlec godheide[15405]God ende mensche een god beydeGhepijnt sijn als ghi hier verstaetOm donuertallichlike misdaetDat wonder nochtan schijnt sijnGherechticheyt lieue suster mijn[15410]Laet v ghenueghen hets wel ghedaenGhi hebt hoghe beternisse ontfaenMIJn ander suster die heit werheitEisgt die woorde die god seitDat die bliuen ewelike[15415]Want god seide selue van hemelrikeWanneer ghi vanden appel eetSoe seldi steruen ic wil ghijt weetSeker ende die suster mijnEs ghenoech ghedaen in schijn[15420]Want voor die misdaet van adameWas ontferflijcrecte: onsterflijc sijn lichameMaer mids der sunden vanden caytijfWart te hant sterflec sijn lijfDat wi al ter waerheit vinden[15425]Want als die mensche hier nent sijn indeSoe keert hi weder danen hi quamDats ter aerden daerne god af namLaet v ghenueghen suster kareWantet grote onnere ware[15430]Om dat die mensche eenwerf mistordeDat hi dobbel ghepijnt wordeHet ware oec ieghen gherechticheitOnser suster vore gheseytNV moet ghenoech ghedaen sijn[15435]Ontfermichede der suster mijnHare moet ghenoeghen . ende het es rechtDat god den sunder denen armen knechtVerloest heeft met sinen bloedeEnde dat hinen weder tsinen iersten goede[15440]Ghewijst heuet ewelikeDats ter blijscap van hemelrikeDAer bi sint elke van v drienHeeft sijn behoer alsmen mach sienEnde dat haren namen toegaet[15445]Soe segghic pays ende dats mijn raetDat pays onder ons vieren siMijn name oec ghehouden daer by

 

Ende dair by eest dauid seytOntfarmecheit ende waerheit[15450]Die in dit voreseide parlementOnderlinghe hadden ghetoentHebben deen dandre ontmoetEnde sijn versoent ende al ghegoetDander side waerhede[15455]Ende pays dese ghesusteren bedeDie wedersake hebben gheweestHebben beide alsmen daer leestDene dandre vriendelike ghecustDOe dese pays ende vriendelichede[15460]Aldus ghesciede daer ter stedeEnde die ghesusteren versoent warenVloe maskaroen wech sonder sparenDie procureerre vander hellenTsinen meestren ende tsinen ghesellen[15465]ADuocata die weerde vrouweLoeste dus den mensche wt sinen rouweHier bi soe si wi adaems kinderJonc ende out meer ende minderSculdech te roepene die werde moeder[15470]Datsi ihesum onsen lieuen broederBidde voor ons alse middelerseWaer bi wi wt des viants perseVersekert werden ewelikeEnde wi met hare in hemelrike[15475]Haren sone moghen louenMetten inghelen dair bouenDus comt dat onse vrouwe blijftDe name aduocata ende men scrijftEnde roept eya ergo aduocata[15480]Dat si haer onfarmeghen oghen slaOp ons ende ihesum haren soneIn hemelrike ons allen tone.....Amen

Dit es van saladijn


HEt doet goet aenden [15485]wisen leren . Want mer alle wijsheit aneverstaet Die hem teharen werken keren Alle wijsheit hi begaet [15490]Sietmen oec der wiser herenEneghen doen dat hem mestaetDat en es sijn bare noch sijn ere

[f87r]

En es niemen vroet in domme daetEen coninc hiet heer saladijn[15495]In heydenisse een rijc soudaen Hi was die vroomste sarrasijn Daer yc ye af conde verstaen Wide ende side al tlant was sijnDat volc was hem onderdaen[15500]Hi haette dorperlijc venijn Ende meneghe doecht hadhi beuaenTenen tiden dat dese conincRegneerde in sinen iarenGheuiel dat tfolc voor ende ghinc[15505]Ouer zee met groten scaren Op enen dach men tstride vincDer vele vrome riddre warenDaert den onsen qualiken vergincWant god en woudse niet bewaren[15510]Dat was een jammerlike dincSi bleuen doot met groten scarenEen heer hiet hughe van taberyenWert daer gheuaen inden strijtVan galilee ende alle die [15515]Van daer omtrent was hi tier tijt Ghuanghen ende doot bleef sine partieDe zeghe en haddene niet gheurijt Soe seer en scaemden riddre nyeAlse dat hi verwonnen lijt [15520]VOre den coninc brachtemen desenDine gruete ende seide hijn soudeVander doot niet moghen ghenesenEn ware dat hi hem gheuen woudeHondert dusentech moester wesen [15525]Besante van finen goude Doe antwerde heer hughe na desenDat hem onghereet wer die scoudeHEre al vercochtic al mijn lantEnde mijn erue al vten gronde[15530]In conde soe meneghen besantNiet ghefineren noch de pondeDoe antwerde die coninc te hantDat hiere met sire truwen vor stodeHi gaue hem een jaer vor de hant[15535]Op dat hijt hem verghelden condeHEr hughe antwerde den goeden manHere soe moestic weder comenWant ic soe vele goets niet en canGhefineren wat nu mochte vromen[15540]Ghi selti seithi wel comen an Daer bi es goet respijt ghenomen

 

Ende bidt uwen edelen lieden danDatsi v helpen tuwen vromenWant ghi sijt vromech ende stout[15545]Ende een riddre van prise goetEnde alle die kerstene die sijn v houtHets recht datmen dor v doetGod loons v heer menichfout Nu willic wech god gheue mi spoet [15550]Dat ic vergelde dese scoutGhijn selt : v vaert noch bliuen moetDIe coninc leydene al onghespaertAlte hant ter cameren binnenHer hughe sprac hi maect mi ter vaert[15555]Riddere ic moet ridderscap kinnenIc hebt langhe tijt begaert Wat ridderscap es doet mi versinnenLeert mi her wesen ende haren aertOmden god die de kerstene minnen[15560]Hore her coninc dat moet bliuenWant v te leerne niet en es En mochte aen v niet becliuenDerom en es v niet ghetesMen mach gheen hogher dinc bescriuen[15565]Dan ridderscap des sijt ghewes Ic soude een vremde dinc bedriuenCleedic met samite mes Want het sijn so hoghe sakenEnde sijn so vol heilichede[15570]Dat ghire niet ane en moch gherakenGhi en wert van kerstenen sedenEnde oec soe soudre mede lakenMijn lof mijn eer in allen stedenHer hughe ghi moet mi emmer maken[15575]Riddre wat helpter om ghestredenGHi seght daer af soude mendren sereV lof ende v ere te gaenEn mach : ghine hebbes ghene onere Want ic heb v al hier gheuaen[15580]Dus moeti in allen kere Nu te minen dienste staenSoe willic dan doen gherne hereNa dien dat moet sijn ghedaen Her hughe dede den coninc dwaen[15585]Wat dat bediet leer ic v Dat ghi al oncuuscheit versmaetEnde maect v alder scalcheit scuEnde dat ghi v in oetmoede maetEnde leydt v reyne leuen nv[15590]Ende dat ghi alle dinghen haet

[f87v]

Daermen in mach vEnden suDIt dochte den coninc alte goetMen leydene op een bedde scone Her hughe sprac hi nv maect mi vroet[15595]Wat tbedde bediet dat v god lone Here ghi selt setten sin ende moetV bedde te makene in gods troneDat hi ewelike op root Ende god spant daer den sin crone[15600]Nuwe linen cledere scone ende witteBeganmen te doen den coninc aneHer hughe sprac hi wat bediedt dit Ende wat gheuet ons te verstaneHeer ghi selt van alre smette [15605]Reyne ende wit sijn als .j. zwaneDat v gheen archeit aen en sitte Hier inne pijnt v te volstane HEr hughe cledem enen roc rootDie coninc vragheden wer om hijt dade[15610]Here sprac hi dat ghi cleyne ende grootAltoes selt gheuen vruech ende spadeEnde dat ghi recht al totter dootAltoes selt vorderen goede dadeEnde wer die heilighe kerke heeft noot[15615]Moeti bescermen hare scadeEen wit gordelkijn van prise Gordi den coninc te dien stondenHer sprac hi dit bediet maghedoems wiseEnde hout reynicheit tallen stonden[15620]Luxurie haet god also doet hise Want met haer sijn doot sonden Cuyscheit gheeft ons der ingle spiseAls wi in reynicheiden werden vondenTwe zwerte scoen hi hem aen dede[15625]De coninc vreeghdem wer omme hijt doetHere om dat ghi ouermoedechedeAltoes selt werpen onder voetEnde dat van eerden al uwe ledeSijn daer ghi weder toe moet[15630]Oetmoet maect inden hemel stedeDen sinen ende gheeft daer toe goeden spoetHI spien hem .ij. verguldene sporenDe coninc vreeghdem wer omme het werHere dat ghi coenlec alles te voren[15635]Rijdt in uwer viande scaereEn laet v bloetheit niet becorenDat si v bringhe in eneghen vaereBiden goude si di bezworen Gode te dienene al uwe jaere

 

[15640]Nu gordt hi den coninc sijn zweertDien dit algader wel behaechtWat dit bediedt heeft hi begheert Ende heues hem gheuraeghtHeer sijt gherecht ende onrecht weert[15645]Soe wien ghi veronrechten saeghtDat ghi als j. leen ghebeert Op onrecht tote dat ghijt verweertNOch bediet dit zweert een ander sakeDat er grote ontfarmechede [15650]Alle arme liede sijn tonghemake Wedewen ende wesen medeDie seldi met liue ende met sprakeBescermen haer lijf Ende haer ledeWer hem ane rike liede yet ghebrake[15655]Dats der karitaten zede EEn huue witt als een snee Sette hi opt hooft her saladineHeer nv en steet v nemmeerIn gheenre wijs houerdech tsine[15660]Met gode es houeerde ghevee Hij worptse inde helsche pine Daer si doeghet menech weeEnde baedt inder hillen fenineHEr hughe sprac hi ghe brect yet nu[15665]Jaet here in uwen hals enen slachSoe gheeftem mi : In der . waer bi Om dat ics niet doen en mach Om dat ic v gheuanghene si Der omme hoort daer toe verdrach[15670]Riddre die slaen sal moet sijn vrij Het werdt wel op enen anderen dachHEr hughe sprac hi maect mi dit condeWat tslach bediet ende niet en missaectWant ict wel gherne onderuonde[15675]Als hi dit vreghede her hughe spraectHere ghi selt penisen talre stondeOm hem die v riddere heeft ghemaectEnde houden in uwer herten grondeWat hi v leerde al onghelaect [15680]HEre nv willic v visieren iiij pointe die sijn so verheuenDie ghi emmer moet hantierenSeldi leiden ridders leuenVerraders ende al haer leuen[15685]Haet: want god heefse verdreuenEn laet v daer toe niet bestierenDat ghi enech valsch vonnesse laet gheuenDander es laet v gheraden

[f88r]

Beyde vrouwen ende ioncfrouwen[15690]Wildi riddere sijn van dadenSoe moeti hen dienen met trouwenEnde met uwer macht staen in stadenAls ghise in doghene selt bescouwenToent aen hem altoes uwe ghenaden[15695]Ende des en laet v niet berouwenGOde es terde poent bequameIn groter eren hoeghe vermetenDats soberheit een reyne name Des en willic niet vergheten [15700]Het es elken here wel betameTe maten drincken ende etenWat hem aen sijn ere mesquameDat waer beter af ghespleten Tfierde poent makic v mare [15705]En dade nootsake enegherande Hoort daghelix messe ten outare Ende draeght daer v offerhandeEnde bidt gode dat hi v bewareEnde bescerme voor uwe viande[15710]Oetmoet es een rike ware Si spant crone in elken lande NV coomt de coninc voort ghegaenVter cameren in zijn zale Daer vergadert sijn ende staen[15715]Vierwerf xx ammeraeleHeer hughe sprac hi nv wilt bestaen Hier te biddene ic raet v wale Het mach v lichte also vergaenV scout sal mendren bi ghetale[15720]Saladijn seiti her coninc rikeGhi sijt die alre meeste hereEnde die meltste dat v ghelikeNiet en leeft die noyt gaf mere Hets recht dat v elc gherne wike [15725]Nu willic bidden na uwer lereNu gheeft mi selue so mildelike Dat mijn vroom si ende v ereBI werheden heer hughe datsiC.M. soe hebter dan [15730]Mi waer . leet verloordi aen miIc ben die ghene diere v wel anEnde ooc en willic niet dat ghiMeer bidt ic wil elken manBidden dat hi gheue di[15735]Ende doe sine ere dair anDIe coninc ghinc van ringhe te ringheOnder alle sine baroene

 

Ende bat elken sunderlingheDatsi gauen den ridder coene[15740]Si gauen hem ponde ende scellingheSoe dat hem quamen te sinen verdoeneHondert dusentech penningheGuldene bouen sinen rentsoeneDie coninc dede heer hughen gheuen[15745]Sijn ghelt sinen tresoriereHi en wert nie blider in al sijn leuenHi dancte den coninc goedertierenTgheuen haddene wel verheuenHi nam orlof ende voer wech sciere[15750]Sijn drueuen was hem wel verdreuenWant hem wel woech sijn pauteniereHer hughe was vroe mer saladijnWas dusentwerven also blide Dat hi aldus den riddere fijn[15755]Soe vrome so wijs wiste van onser sideMen seit dat hi alt leuen sijnVoort in delen poente ghedide Dat deedi wel te passe anschijn Daer die kerstenen hilden ten stride[15760]NV siet ghi riddren dan medeAlle die ridderscap begherenDat ghi houdt der ridders sedenOchte ghi ridderlijc wilt varenSintmen den heydenen man ridder dede[15765]Ontsach hi gode diene wilde sparenAy riddren scaemt v der ridderlichedeDie den anderen om niet bezwarenHeer die here sijt alre herenNv moetise alle salich maken[15770]Die onthouden her hughen lerenHet sijn so hoghe edele saken Diese hem te houdene wille kerenIn hemelrike soude hi ghenakenDit heeft ghedicht te loue ende teren[15775]Allen riddren . heyne van aken

[f88v]

Dit sijn die x plaghen . ende
die x. ghebode


HAddic der vernousten prijsAlso dat ic dies loues rijs Van der meestren mochte draghenSoe woudic dichten ende saghen[15780]Herde meesterlec dese .x. ghebotDie de hoghe gheloefde god Ghegeuen heeft ons te nutteWant si sijn een weren der scutteVoor der hoeftsonden vloet[15785]Maer nv es mi mijn moet Ende mijn sinne ongheslepenDaer om soe moetic scepen Biden oeuer ende nemen stadeDie diepte wair mijn scade [15790]Want wair ic inden stromeDat waer mine onvrome Dat oeuer bediet mijn kinscheitDer cunsten ghewat es mi te breytEnde te diepe ende te stranc[15795]Dair om soe es mijn ganc Aent oeuer ende opt wijde rumstIc en der niet met mire cleynre cunstNiet inden stroem varen der masterscaftMijns sinnes scep en heeft gheen craft[15800]Worde hem een onweder contHet mochte sincken inden grontDat waer mi te zwaere Ic en ben gheen zee vaerreDat ic die diepte vergronde[15805]Ic en can niet subtijle vondeDie diepheit van dichtene zonder waenDie soe moetic laten staen Ende die sproken van cunsten fijnGrote diepte die soude mi sijn [15810]Te zwaer ic moetse neder legghenEnde wil v met slechter redenen segghenDie x ghebode sonder waen Door god ghi sultse bat verstaenDan icse v metten dichten [15815]Bedieden can ochte berichtenMen merke den sin ende niet de dichteDie sin es groot die dichte es lichteDie meerkeren endede wijseDie de grote cunste prisen[15820]Gi vendender hier cleyneDen leeken ic alleyneWille die redene ondecken

 

Oft ic daer mede yet verweckenTe gode mochte haerre enech sin [15825]Hoe ic doch oncunstich bin Ende wade in enen diepen tsompDie wetsteen es van hem seluen stompEnde maect menech wapen scarfHier ic toe goeder hulpen bedarf[15830]Van v hoech gheloefde god Helpt mi dat ic der werelt spotNiet en werde in dit boekelkijnDoe die hoghe namen dijn Diemen drieuoldich aen di vint[15835]Du gods sone der maghet kintVader soon heilich geest tsamenHoe godlijc du die namen In drien personen sonder lastEnde sijn in di alsoe vast[15840]In enen god bestrictGider meer dat dit wonder stictDijnre volcomenre godheit listSoe helpt mi dat ic der sunden mistVerwinnen mach met mire lere[15845]Dat die meneghe daer wt kere Ende ontflie der hellen brantGheeft mi v hulpe here heilantSoe achtic cleyne op yemants spotNu hoort hier dese x ghebot [15850]Die ons te houdene sijn ghegeuenEnde ic wil v pharoens leuenSegghen ende x plaghenDie aenden coninc pharo laghenEnde wat die plaghen bedieden[15855]Dat wil ic den leken lieden Segghen soe ic best can Met gods hulpen beghin ic danDien ale dinghe sijn onderdaenMOyses die goede gods knecht [15860]Bescreef met sijnre hant dit rechtDaer hem god godliken verscheenEnde screefse in enen herden steenDat si ewelike daer inne bleuenDer omme heeft hise also ghescreuen[15865]Datse die mensche scriuen salEnde leerse ende onthoudse alEnde graefse in dat herte sijnSoe vaste dat haerre leren schijnEweliken bliue daer inne [15870]Helpt god dat ic ghewinne Te spreken met goeden sinne

[f89r]

Dierste plage ende deerste ghebot

ONder des coninx pharoens hantSo lach al egypten lant Sine ghewont was herde starch [15875]Sijn snode herte dat was arch Aen alre quaetheit vaste Die hysrahelsche gaste Had hi ghemaect eyghen Dat si hem moesten neyghen [15880]Hi hadse alle bedwonghen Die oude metten ionghen Hine woude hen niet ghehinghenDat si volbringhen Gods dienst yet dorsten [15885]Dien seluen snoden vorstenWil ic v nv doen becant Hets vander helle die viantEgypten es die donckerheytDie sunden die der zielen leyt[15890]Doet ende maect die sinnen blintDie menech wert des duuels kintDien hi moet ymmer wonen byHoort hoe die eerste plaghe sy Die watere alle ghemeyne [15895]Groot ende oec die cleyneGrachten boenen waert ghelachVele iammerlike men die sachVerwandelt in gheleuert bloetDat vander bloedigher waters vloet[15900]Der creaturen vele bedarfEnde van waters breke starfAlsoe die plaghe aen hen bewarfNV hoort waerde mensche goetEnde merct aen des waters vloet[15905]Hoe die weert meshandelt Want si wert verwandelt In bloede daer menech tleuen lietDat bediet der snoder ioden dietHaer gheloue was ye zwach [15910]Wantmen die verwandelt sachDat si van gode keerden ghelijkeEnde leefden herde ongodelikeEnde aenbeden des duuels crachtAls inder wilder heydenscap [15915]Noch vele menech heyden doetDat bediet des claers waters vloetDat al gheleuert bloet wert Oec roeret aen der ketters aertDie van gode sijn verscheden

 

[15920]Ende den duuel ane bedenDaer omme heeft ghegeuen godOns dat eerste ghebot Dit merct alle ghemeyne Die suete god entie reyne [15925]Hi sprac met sijns selfs mont Weerde mensche ic doe di cont Dattu die afgode vlies Ende du te mi allene tiesEnde gheloeft aen enen god[15930]Ende hout gherne sine ghebotVrucht oefentendeminneDinen god met herte ende met sinneDijn ghemuede ende dijn ghedancEn sal nemmeer hebben wanc[15935]Dits der zielen anganc DIe suete god des zijt ghewes Die een ghetrouwe leerer es Hi leert ons allen ten eersten maelDatmen aen hem ghelouen sael[15940]Hi sprac mensche ic lere diEn hebt ghenen god dan miNv merct wale hoe ons god Heeft ghegheuen dit ghebotMet drierleye onderscheit [15945]Dat eerste dat si di gheseyt Dats dattu in dijn herte heues Gans gheloue ende niet en sneuesIn ne ghenen onghelouenDatti mach berouen [15950]Gods endeder zielen dijnGhi en sult niet als een iode sijn Die ioden dicke worden Onghelouich in haere ordenWant men sachse sceyden[15955]Van god ende worden heidenEnde verworuen gods hatMette propheten claechthi datYsayas ende hi sprach Die sonen die ic tot op desen dach[15960]Ghetoghen ende behuedt haueDie sijn mi ghegaen aue Ende versmaden mi ende vlienSi mochten merken ende sienDat dat rent den meester sijn[15965]Bekint ende dat sceepekijnHem es sijns heren crebbe becantIsrahel heeft hem ghewant Dattet mi niet en kennet

[f89v]

Dauid die coninc hi bannet[15970]Die . ende sprect si werden openbaerVerdoemt . die des nemen waerDat si van haren sceppere tredenEnde eren dat ende anebedenDat metter hant ghemaect es[15975]Wie es god dan ihesus kerstWi zelen louen ende erenHeme want hi es heer der herenHij moet sijn ghebenedijtEertrike heeft hi ons verlijt[15980]Ende wat daer inne veruullet steetEnde al dat leuen hier ontfeetHi heeft die werelt op die vloetGhebouwen . ach du snode moetDie god lochenen ghi ioden fy[15985]Ende hoe woendi den duuel byDie v uwe sin can veriaghenWee hem allen die weder saghenHaren sceppere wee hem weeWee soe wert hem emmermee[15990]Inder grondeloser hellen zeeMEnsche onthoudt dit ander deelOftu wilt des hemels heelVerweruen totter zielen dijnSoe seldi gans ghelouich sijn[15995]Met al dijnre volcomen der hertenEnde en vruchten ghene smertenNoch ne gheenrehande nootGhedinct oec aen die bitter dootDie god aenden cruce leyt[16000]Om dijnre zielen salicheitEnde sinct die in dijns herten grontEn laet allene (d) niet dinen montBekinnen dine gheloue rechtDijn herte en hebbe daer mede plecht[16005]Du salt ghelouen metter daetWelc mensche die gans gheloue haetEnde dan ieghen tgheloue doetSijn gheloue en es niet goetWant hi geeft hem in gods hat[16010]Sente iacob hi sprect datDoot es dat gheloue openbaerDaermen niet en neemt daer werken waerSente pauwels blijft deser redenen byHi spreect dattet onmoghelic sy[16015]Dat die gode moghen behaghenDie aenden gheloue sijn wederslagenWel hem diet recht gheloue haet

 

Ende die gheloeft metter daetDie verwerft gods lone dan[16020]Ysidorus hi spreect hier vanSalich sijstu mensche goetDattu den sen ende oec den moetTotten rechten gheloue keersEnde dinen goed minnes ende eers[16025]Soe wie die tgheloue sijnMet goede werke doet in schijnHi es salichliken gheborenEnde god heeftene vercorenWel hem dat hi ye wert gheboren[16030]NV merct mensche ende hoort miDie derde lere lere ic diDie es dattie sceppere dijnSal altoos in dijn herte zijnMet ghedachte ende mienen te hem[16035]En gheender leye dinc en nemIn di die god opter aerdenSoe lief di ye liet ghewerdenNoch vrient no maech no goetDat hi dat in uwen moet[16040]En nemt nemmer soe dat si diYet lieuer sijn . nv volghet miAen drierhande lereEnde behoudt die emmermeereBesloten in dinen sinne[16045]Vrucht ende vlee ende minneGode die di ghescepen haetSoe wert dijns wel ten ionxten raetVrucht gode in allen weghenOftu wils in hem gheseghen[16050]Nv hoort hie salomons montHi doet ons gods vrucht contHi sprect der wijsheit een beghenEs gods vrucht want si drijft hemVan di alre sunden vloet[16055]Si meert leuen ende goetDaer om die goede tobias sprachLieue kint op eerden dachGhewinstu veel grote rijcheitOp dat dijn herte vruchte dreyt[16060]Te gode die di ghescapen haetNv vrucht hem dats mijn raetMensche du salte gode vleenOm dat hemelsche leenDu saltene vleen vele stede[16065]Met cleren innighen ghebedeVoor v ende voor die kerstenheit

[f90r]

Hoort hier hoe god selue seytAl dat ghi met beden geertGheloeft dat ghijs sijt gheweert[16070]Ja om dire zielen salicheitOf voor dijn vriende vorwer gheseitWant wie dat bidt hi nemtEnde wie dat suuct alst hem beteemtDie vendt . ende wie voor die dore[16075]Clopt men latene daer voreDie lingde niet men latene inDaer om bidt den sceppere dijnWie dat gode roepet aenDien en maecht nemmermeer mesgaen[16080]Du salt altoos met herten minnenDinen god met al dinen sinnenJohannes hi doet ons becantEnde sprect god es der minnen bantWie in gods minne vaste bliuet[16085]In gode hi seker becliuetEnde god beclijft weder in hemSalomone dien vernemHi sprect dat alle mesdaetDie minne verdrijft soe wie se haet[16090]Met ganser lieuen te sinen godMensche dit es dat eerste ghebotDat ghi selt minnen al v daghenOp dattu wilt dijn ziele lauenEnde gode in ganser herten dreechste[16095]Den vader den sone den heiligen geesteDese namen alle drie ghenantSijn in enen god ghewantDrieuoldich in een es hi becant

Die ander plaghe ende dat
anderde ghebot


DIe ander plaghe die ghesciede[16100]Dat was datmen onder die liedeVele vorschen sach vtermatenOpten velde in huse op stratenDie quamen wt grachten ende wt poelenVan hem moestmen gheuoelen[16105]Jammer leyt ende menech quaetAlsoet noch ghescreuen staetHet waren wateren ochte veltHet waren cameren ochte gheteltHet waren huse ochte stal[16110]Het wert veruult ouer alIn drancke in spise mense vantDaer af menech tleuen zwant

 

Die plaghe leet egypten lantTSeghen den somerliken tiden[16115]Screyden die vorsche te strideMet herde onnutteliken ghescalleJeghen den anderen alleAlsoe doet des ydels menschen montDie onnuttelike te menegher stont[16120]Gods ons heren name nennetEnde cleyne dat bekennetHoghe gods name tietWanter die duuel ane vlietWaermen gode in goede noemt[16125]Ghi quade menschen ghi sijt verdoemtEnde ghi sijt den vorschen ghelikeDie daer ligghen in dat slikeGhi moet inder hellen bodemDat ghi onnutteliken laet gaen den adem[16130]Als v die quade woorde sijn biDie achter sprake en es vriNiet allene des hellen grontsMaer haere tonghen ende haers montsEs si te mael een giftich zwaert[16135]Die es voor scone ende achter waertEssi scarp haer scarpe oertMaect dicwile grote moertWee hen oec die meynede zwerenWant si gode van hen weren[16140]Ende daer omme dor der zielen noetDie eweghe god ons ghebootMensche en nem in dinen montDijns sceppers name in gheenre stontDattune yet onnutteliken nennes[16145]Dattu di seluen yet verbannesMEnsche nv nem merc aen miDat ander ghebot dat leer ic diMet drierleye lereDie pijnt v tonthoudene zere[16150]Dat eerste dat gheen bose woortVan dinen monde en worde ghehoortGregorius die doet ons contDie duuel sluyt hem op den montDie soe gherne quaet spreken[16155]God saelt zwaerliken aen hem wrekenWant hi dat na rechte wrectAlsoe sente lucas sprectMensche merket wel dijn leuenWant du moets antwerde gheuen[16160]Alle die woorde die dijn montOnnutteliken sprect tenegher stont

[f90v]

Daer bi huedt uwen mont daer vanSalomon seyt die wise manWie sinen mon wel hueden can[16165]Siere zielen hi veel goeds anWie onnutte redene niet en verdructHi wert ten sunden schiere ghetsucktDaer omme mensche hebt inden moetDat dine tonghe spreke goet[16170]Soe vridi v vander hellen gloetDIe ander achtersprake heetDie den meneghen doet groot leetHet sprect sinte augustijnAchter sprake die moet sijn[16175]Noch arghere dan oncuuscheitPaulus leecht dat god dreytDen achter sprekeren groten hatJheronimus die spreect datDe tonghe die de mensche haet[16180]Die met achter sprake omme gaetHi scaedt meer dan een scarp zwaertDer viant tseghen vianden ghaertDaer omme mensche raedic diDat achter sprake in v niet en si[16185]Soe sal v god altoos staen biDAt derde dat heet meynedeDie doen gode grote leedeAch meynedere hoert hier v doenEnde merct wat dine meynede doen[16190]Ende hoe zeer du di verseersWanneer dattu meynede zweersDie ouerste vinghere bedeDaer du mede zweers meynedeEnde op die heilighen hebben ghelegen[16195]Met dien tween hebstu verteghenGods ende der moeder sijnDer edelre coninghinnen fijnEnde al hare hulpen openbareDie ander twee vinghere neemt ware[16200]Die hem daer neder sinckenEnde in die hant hen linckenVan dien tween doe ic di contDatstu inder hellen grontDine ziele sinckes neder[16205]Soe dat si nemmermeer wederComen en mach daer cristus esNv merct mensche wat meynede esDie dume die neuen de vingher leytBediet dat die duuel talre tijt[16210]Dijnre doot altoos neemt ware

 

Want du beste sijn eyghen gareAlsoe dattu hebs ghezworenHi trect di eweliken verlorenEnde beterdi gode niet den eet[16215]Maer tzweren heeft een onderscheetWie den eet neemt ofte zweertEnde daer met rechte niet in en veertOp hem soe blijft die mesdaetHoert wat god selue ghesproken haet[16220]En zweert niet bi des hemels troenNoch bider eerden dijn redenen doenSal sijn het es of en es nietSoe wie bouen maten plietTe zweerne en bewaert niet altoos den eet[16225]Die wise salomon die zeetEen man die alte vele zweertSijn lijf hem nemmeer des en weertHi en wert vol den sunden veleWant van sijns huses deele[16230]En comt gods plaghe nichtDie heilighe angustinus sprichtWie valsch zweert bi enen steyneSijn eet die es onreyneWant hi daer meynedech es vorwaer[16235]In enen sin meynt hi gode daerEnde wert meynedech sonder spotDus gaf die hooch gheloefde godDat ander ghebot dat si v contDat nyemen hem in gheenre stont[16240]Onnuttelike en name in sinen mont

Die derde plaghe ende
Dat derde ghebot


NV hoort hoe die derde plaghe siDie daer was dien lande byWant si was hem alte zwaerGheen vroude en hadden si vorwaer[16245]Want inden lande quamen muckenAlsoe vele dat hem ghebuckenNiemen voor hem en condeNoch te sinen mondeEn mochte ghebieden ene hant[16250]Daer mede wert veruult dat lantDer af die meneghe tleuen zwantDIe mugghen die daer al omme warenEnde lettel haren arbeit sparenDie machmen wel bedieden[16255]Bi den dommen liedenDie al die weke werken euen stijf

[f91r]

Ende en setten niet te rasten haer lijfEnde en eren niet den reynen tijtDien ons heeft ghebenedijt[16260]Selue die hoghe gheloefde godDaer hi ons mede tderde ghebotGaf tot eenre lerenHi sprac mensche du salt erenMet vierue ende goeder daet[16265]Den sondach mensche dat verstaetSo wert dijns wel ten ionxsten raetDEsen ghebode dien sijn biMensche goeder leren driHoe ghi den sondach selt eren[16270]Ende uwer zielen veel vrouden merenDat eerste es laet dat herte dijnVrij van quader ghedachten sijnEnde ghedinct aen dinen godEnde eert dien van dies ghebot[16275]Du ziel ende lijf ontfanghen haestEen goet ghedachte der sunden lastTallen tiden verdriuen doetDijn herte si quaet ofte goetGod weet alle dinc openbaer[16280]Nv neemt eens wisen sproke waerAlre menschen ghedachteEs gode te wetene sachteHi weet haerre alre moetEnde alle die dinghen diemen doet[16285]Dier en es voor hem verborghen twintHoort wat ons petrus doet bekintGod weet alle ghedachten welSijnse goet ofte felDair om spreect cristus sijt ghewes[16290]Salich sijn die dier haer herte esLuter claer ende reneEnde keren hen alleneTe gode ende tsijnre moghentheitWie gode in sjin herte dreyt[16295]Hem es dat hemelrike bereytDAt ander poente mensche onthout alDaermen te rechte mede salDen sondach eren ende louenSoe mijddi des duuels clouen[16300]Alle sunden suldi vlienEnde v te goede werken tienDijn leuen es hier herde cortEnde heeft hem omme ghestortIn eenre corter stonde[16305]Nv hoort hier van gods monde

 

Enen sproke dien hi spracEnde ons teenre leren vertracHi sprac wacht v want ghi nietEnde weet den tijt wanneer gheschiet[16310]Dat v die doot comstech siNieman en es van steruen vriNoch dier bittere nootWij sijn niet sekerre dan die dootNyeman dan god onse here[16315]En weet waer ofte wanneerDen mensche sijn leuen inden moetDaer omme soe wendt v dat v goetVan sunden ende van mesdadenEnde eert gode om sine ghenaden[16320]Die wise salomon seyt dit bedietMensche ghine selt versumen nietGhine selt haestelinghe v bekerenOp dat ghi wilt v salicheit merenSo en verstes niet van daghe te daghe[16325]Ende hoort wat ic di meer sagheOnse here god haet openbaereDen sondare die niet en nemt wareDat hi met ontfarmicheitIn sijn herte rouwe dreyt[16330]Mensche hebstu ghesondechtSoe si di dat ghecundechtDattu niet en maex der sunden meeBidt smeect gode ende vleeDat hi vergheue die sunden dijn[16335]Het spreect sinte augustijnDie sunde die es alsoe zwaerEn wert mer niet schiere ledech vorwaerEnde mense niet metter boeten en verdoeSi trecter een ander sunde toe[16340]Daer om vloect der sunden stricGhelijc der slanghen ane blicSijts listigher dan der slanghen oertHaer list ziel ende lijf vermoertEnde trecse daer si sijn verloren[16345]Wildi met gode sijn vercorenSoe viert den sondach als te vorenMEnsche aen terde poent legt mercDoen god maecte ende sciep dit wercBeyde die hemel ende die aerde[16350]Ende liet dair inne weerdenAlle dinc na sijnre aertSijn godlic werc volmaect waertIn vi. daghen ende daer na hi namEen ruste alsoet hem bequam

[f91v]

[16355]Ende aenden seuenden daghe gheheerEn arbeyde onse here niet meerDie waert van sinen monde openbaerGhebenedijt nv nem waerMensche hoe ghi eert dien tijt[16360]Dien god heeft ghebenedijtGhi en selt te dien maleGhenen arbeyt no qualeAen dien dach niet lidenOp dat ghi wilt miden[16365]Des almachtichs gods hatSalomon die spreect datEen snede broets beter syDair vroude ende ghenuechte es biDan een huus vol rijcheiden[16370]Met jammer ende met sericheidenDies sondaechs saltu daer aen sijnDattu der armer zielen dijnArbeyts voor met goeder iaetTote dien god ghesproken haet[16375]Coomt alle die kinder mijnDie dair houden tghebot mijnIc wille di verquickenMensche du saelt di sackenDattu den sondach selt eren[16380]Ende di te gode kerenAlsoe sinte thomaes ghietDie mensche en es van gode nietDie sinen sondach niet en bewaertEnde dair aen niet den arbeit en spaert[16385]Wee sijnre lester henevaert

Die vierde plaghe ende
dat vierde ghebot


HOert hoe die vierde plage siDaer was veel grote sericheit biHet quamen so veel honts vlieghenDat voor hem moeste nderrecte: neder sieghen[16390]Wilt ende tam ende liden qualeEnde dat arm volc altemaleDier vlieghen waert veel ouer alSonder mate ende sonder ghetalHaer steken ende haer omme varen[16395]Doede menech moeder barenVan hem en conste hem nyment bewarenDEse honts vlieghe heeft honts zedeEnde honts aert es in haer medeDe hont leuet als een hont[16400]Der moeder trouwe waer hem oncont

 

Hem es die vader onbekintAen selker trouwen es hi blintDit exempel wil ic gheuenHen allen die naden honden leuen[16405]Ende en achten niet haren vaderNoch hare moeder beyde gaderVan dien si menscheliken sijn geborenDie sijn ewelike verlorenEnde haers en wert nemmermeer raedt[16410]Dair om ons god ghegeuen haetDit vierde ghebot ende spreect alsoMensche du saelt altoos eren hoeDen vader entie moeder dijnMet goeden werken waer si sijn[16415]Soe verwelfstu die hulde mijnMEnsche hoor ende merc aen miDie goede god die hetet diDinen vader entijnre moeder erenOpdat ghi wilt v salicheit meren[16420]Drie vadere ende drie moedere sijntDie eren sal een yghelic kijntDen eersten vader diemen salMetter moeder eren ouer alMensche dair af sidi gheboren[16425]Drie eren sijn daer toe vercorenDaer duse mede eren soutDat eerste en sijt niet alte boutJeghen den vader entie moeder dijnStuere redene laet ieghen hen sijn[16430]Eertse met woorden ende metter daetHoort wat salomon ghesproken haetWie sinen vader qualiken toe sprectEnde siere moeder niet en eert hem gebrectSire zielen salicheit ende wert verlecht[16435]Want sijn ziele die wert gheuechtIn midden in die donckerheitDer hellen hoort wat cathoen seytDes vader segheninghe maken canDer kinder huus daer merket an[16440]Ende der moeder vloekende montKeert omme haer salicheit ic doet di contAen der zielen ende aen den leueneDie ander eer merct eueneDats dattu vader ende moeder sout[16445]Eren so wert di seker houtGod ende die werelt openbaerEnde dijn kinder nemens waerEert vader ende moeder ende arbeit hen voerSoe dat dijn kint aen di nemt spoer

[f92r]

[16450]Als dije crancheit gaet toeDat dijn kint an di doe alsoeJesus sydracs sone ons leertWie vader ende moeder eertDie wert oec vanden kinderen sijn[16455]Vervroudt dats dicke worden aenscijnEnde roept hi gode in node anOnse here hi hoort hem danDie derde es sijt ghehoorsaemVader ende moeer ende onderdaen[16460]Ende staet te haren ghebodeSoe werdi ghedanct van godeDie derde es sijt ghehoorsaemVader ende moeder ende onderdaenEnde staet te haren ghebode[16465]Soe werdi ghedanct van godeDie dings ende verghet nietMerct wat ons paulus hier bedietKinder ghi sult onderdaenSijn uwen vrienden sonder waen[16470]In gode want het es rechtNv hoort wat ons seecht slechtSalomon die wise die vroedeSoe wie dat sparen wil die roedeEnde te slane niet en vaet[16475]Sijn kinder dat hise haetWie sijn kinder lief heeftHi castijse die wile hi leeftDaer af hout mensche dit ghebotEert vader ende moeder also di god[16480]Ghebiedt: ghi vader dwingt v kintDie wile si onder v roede sijntMet leren dat ghise te doechden bintMEnsche nv hoort voort batDie andeer ghebot ende hout dat[16485]Want ic wilre v in lerenHoe du dien andere vader erenEnde die andere moeder soutDie eert altoos ende sijt hen houtDien vader ende dien moeder dient[16490]Gheestelijc . so sidi gods vrientDie paeus die es dese vaderDie bisschoppe entie legate allegaderDie dijns ghelouen sijn behoederEnde soe es die goede moeder[16495]Dier kerstenheit dier sijt biIn hare eren altoes siToten priesteren ons heren sprectHebt mine ghewout ende verwectDen mensche dat heet ic di[16500]Minen geest soe laetic diWien ghi met berouwe sijn sonden vergeeftWeet dat hi dan gheen sonde en heeft

 

Daer omme mensche volghe miMet goeder trouwen radic di[16505]Ofte papen onpleghelijc warenEnde hen seluen niet en bewarenMerct haer lere ende niet haer leuenGod heeft hen die macht ghegeuenDat si di zelen raden wel[16510]Daer omme een mensche hebben selVoor oghen ende hem altoos erenTwe dinghe wil ic di lerenDier ghi moet sijn onderdaenDijnre kerken ende dinen prochiaen[16515]Ghine selt emmmersic! wat dijns ghescietJeghen dinen prochiaen striden nietDie di tenen vader ghegeuen istNoch ieghen die kerke die di kristTot eenre moeder heeft ghegeuen[16520]Dien seldi emmer sijn beneuenSoe mach dijns wel werden raetHoert wat matheus ghesproken haetMensche die di heeft ghewrachtDien hebt lief dach ende nacht[16525]Ende eert sijn dienren waer ghise sietEnde dies en seldi laten nietDat ander es wildi gods knechtSijn soe doet der kerken rechtEnde en brect niet haer goet aue[16530]Dat god wil hebben teenre gaueSalomon sprect dit ghedichteMensche dijn aensichteLaet vroe in allen gauen sijnEnde der kerken thare sijn[16535]Gregorius die sprect oecHi es wel een dommer goecWie met wille der kerken goetBehout wanthi ieghen gode doetGhi selt altoos ghehoorsaem wesen[16540]Dinen prochiaen wildi ghenesenAnder zielen soe ghedinct dat godGhehoorsaem was tot inder dootGod selue dede ons ghehoersaem contHi sprac door eens propheten mont[16545]Te wien wil ic die oghen mineHaten met openbaer scineTot nyemene anders dan tot dienDien ic ghehoorsaem mach sienSinen ouersten ende gherne hoort[16550]Ende vrochtet mine woortDie comen inden ewighen oert

[f92v]

DIe derde vader die es goetWel hem die nade ghebode doetDat hi dien vader ere biedet[16555]Ende sijnre lieuer moeder miedetMet bedinghen der maghet marienDaer die sundaren na screyenDie hare ontbeiden nacht ende dachWant nyement hare voleren en mach[16560]Dat neemt mensche uwen sinTen minsten seldi doch henDrien eren altoos biedenOp dat ghi wilt miedenDie ewelike salicheit[16565]Dat eerste dat si di gheseytOft ghi wilt staen na ghenadenSoe seldise tuwen huse ladenDats in u herte sonder versteDair seldi laden ihesum kerst[16570]Sente pauwels sprect tot onsGhi sijt een tempel des gods sonsEnde in v woent die heilighe geestSoe cleyne mensche dattuus weetsDat god in di ghehuset haet[16575]Als du met dijnre mesdaetHem van di verdriuesEnde biden duuel bliuesSoe laetene weder snelleIn dijns herten selle[16580]Ende doet als eens een here dedeDie gode loec in sijn huus met bedeWant hi met innigher herten spracMijn dochter heeft onghemacEnde es van ziecten zeer bezwaert[16585]Dair omme mijn herte here begaertDat ghi des wilt gheroekenDat ghi mijn huus wilt versoekenDat mine dochter werde verquictDie ter doot es ghescict[16590]Mensche dat es die ziele dijnDie van sunden lidet pijnWant si daer af wert onghesontNv hoort des propheten montHi sprect here hemelsche vader[16595]Heilt mijn ziele die allegaderVan sunden cranc es die weder her laueWant ic ieghen di ghesondicht haueDus laet te di den sceppere dijnMetter lieuer moeder sijn[16600]Der lieuer maghet marien

 

Daer die sundaren op lyenEen heilighe sprect met sueten sinneVerheffe di mine vriendinneMijn scone ende coemt te mi[16605]Die winter es henen dat segghic diEnde des regens indeDat sijn mine sundenDat ander mensche verstaet alYghelijc weert van rechte sal[16610]Die lieue gaste ghebeden haetSijn huus van alre vlecheit quaetReyne maken ende kerenMensche wiltu dijn ziele ghenerenSoe veecht reyne dijns herten cluse[16615]Ende laet dan onse here tinen huseMet rouwen suldi te gader strikenDie sunden die aen di blikenEnde met viechte werptse van vEnde daer na laet gode tot v[16620]Ende bestroyt dijn herteMet rouwen met boeten ende met smerteDijn huus suldi sieren aldusHet spreect sinte JeronimusDie siele die moet salich sijn[16625]Die met goeden werken schijnHaer herten reynen alle dagheDat si des te bat behagheGode die si dair inne neemtAlselke herten wael teemt[16630]Datsi haer bewaer met goeder daetWant si in hair ghehuset haetGode die met sire machtHemel ende eerde heeft ghewrachtDat derde mensche wel behout[16635]Daer du gode met eren soutWeder ghi thuus sijt ofte op wegheSoe suldi selker zeden pleghenWaert v yegherinc mach ghescienDat ghi selt gode messen sien[16640]Het es der zielen een groet ghemacJacob die patriarke spracGode hebbic ghesien openbaerVan lede te lede nam ic sijns waerDies es vroe die ziele mijn[16645]Het spreect sinte angustijnWij sien hoe suete dat es cristEnde sine volmaectheit watter istWi sien sijn sierheit openbaerWi sien dier heilighen scare

[f93r]

[16650]Wi sien na sijnre gherechticheitSine volcomene weerdicheitWi sien des vader ghewoutEnde des soons wijsheit menichfoutEnde des heilichs geests meldicheit[16655]Deser drier namen beelde vorseytDie aen enen god ghewantSijn vrolijc ons becantDaer omme mensche pijnt v te keerneV herte te gane ter kerken gheerne[16660]Ende eert den vaderliken godEnde pijnt v te houdene sijn ghebotDats dat ghi selt vader ende moeder erenOpdat ghi wilt te gode kerenEnde uwer sielen salicheit meren

Die vijfte plaghe ende dat
vijfste ghebot


[16665]NV hoort vander vijfster plaghenDie ghesciede in dien daghenAen den lieden met allenAen hen was gheuallenEne bitterlike plaghe[16670]Coninghen hertoghen ende graueEnde dat volc al ghemeyneOut ionc groet ende cleyneBeyde kinder ende wijfGheplaghet wert hare alre lijf[16675]Want aen hen worden vondenBladeren ende wondenZweren op gheblasenDatter lettel ghenasenDus leden si ghemeyne noot[16680]Datter menich moeste bliuen dootVan dier ghemeynder plaghen grootDIe bladeren entie wondenDie aenden lieden worden vondenDatsi dus worden verloren[16685]Bediet den gremmeliken torenDie vten herten comenLettel te haren vromenWant haer herte zeer zweltEnde haer bloet hem verwelt[16690]Entie mensche alsoe wertDat hi sire sinnen onbertHem wert also veruult die moetDat hem niet en ruect wat hi doetEnde heeft in hem groten storm[16695]Hem es een mensche als een worm

 

Dien hi ter doot moertEnde hem in doot sunden goertEnde doet ieghen goods woortDAer ieghen ons die goede god[16700]Gaf dat vijfte ghebotHi sprac mensche hoort na miVan manslacht soe huedt diEn doot nyemene metter hantEn sijt ten wille oec niet bewant[16705]Noch en verraedt nyemans leuenMijn lere laet di zjn beneuenHi mach di die ewighe vroude geuenMEnsche in dijn herte nemDit ghebot ende blijf bi hem[16710]Dats dat ghi mijdt manslachtenDie de ziel ende lijf versmachtenEnde geeft v gramscap ten hoghen cristDie alles dinghes een rechtere istDrie manslachte sijn sonder blijf[16715]Deerste es datstu doots eens lijfDander dijn raet doet den manDat derde dijn ziele doden canDie eerste manslachte suldi merkenDijn raet en sal nyemene sterken[16720]Te dodene want die scout es dijnDier sunden moeti deeachtichrecte: deelachtich sijnGhelikerwijs dat si v becantAls oft ghijt daet metter hantDaer omme dat recht dit recht begeert[16725]Datsi sijn gheliker boeten weertDie daer began hebben die daetEntiere toe hebben ghegeuen raetDaer omme mensche ne ghene moertEn maec met dijnre tonghen oert[16730]Die quade tonghe moert den manMet haren rade si moerden canPetrus beclaghet in sijnre scriftHi seyt des quaets sins vergiftHeeft haren mont alsoe begrepen[16735]Dat die tonghe es gheslepenAlse die slanghe wanneer si willeSteken soe heeftse fenijns veleDie ander manslacht die es grootDie es verborghen (in) ende niet bloet[16740]Dien maect die veruloecte nijtDie de ziele verdrinct des seker sijtDie meneghe met nide doot den manDie noyt scout ieghen hem en ghewanEen herte dat yemene ander doot

[f93v]

[16745]Bringht hem in sunde sonder nootEnde in groter mesdaetDair af sinte ian ghescreuen haetWie dat benijdt den brueder sijnDat es den euen kersten dijn[16750]Ghelijct ere manslachte vorwaerDat derde dat es alte zwaerDe gremmeghe toren manslacht doetDaer menech tleuen om laten moetDie manslacht metter hant doet[16755]Ende verghiet eens anders bloetEnde nemt hem sijn ghesonde leuenDathi hem niet en heeft gegeuenHi nemt sire zielen hemelrikeEnde verdoemt hem ewelike[16760]Der om ons god dit selue ghebietMensche dune salt doden nietWie yemene doot die sal sijnBestaen des gherechts mijnEnde hi es de verloorne[16765]Daer om dwingt dinen toorneMensche ende sachtet dinen moetEnde merct wat de toorne doetAls ons een lerer wel can condenEen dier alre sonden[16770]Es die toren wiene slut toeHi geeft al sine liue roeEnde wie onsluut des torens bantHi heeft ghewapent sine hantHerde saen tot alre mesdaet[16775]Hoort wat een wise ghesproken haetDie quade hi suect talre tijtWerre toren ende strijtDaer omme mensche mijt den torenWant die duuel heeftse vercoren[16780]Ende trect haer ziele verlorenWEerde mensche nv merct voortDie manslachte die de ziele vermoortEs drierleye merket dieDie eerste segghic di wel wie[16785]Men die ziele verslaet dareDes soe seldi nemen wareEen bose raet[?]t die moert voluuertDaermen die ziele mede ruertDatsi voor gode wert verslaghen[16790]Alselken raet donghelouige iaghenEntie ioden entie heidenDie meneghe ziel doen sceydenVanden ewighen leuen

 

Ende die ewighe doot hem gheuen[16795]Declecianus doet ons contEnde sprect mi heeft veel menich hontOm seten ende ontredenEntie bose niet horen redenHebben nv omme ringhet mi[16800]Mensche daer voor huedt diOp dat ghi wilt die ziele generenSoe moeti v dier liede werenDie anden gheloue wankel sijnEnde hebt soe vaste die herte dijn[16805]Dat di haer raet niet en mach lettenNoch bringhen onder sduuels nettenAls die prophete abaut seytDie duuel heeft in eertrike ghespreytSijn nette ende wide ondaen[16810]Ende dair inne heefti gheuaenDer onghelouigher lieden veleDaer hi met af sceyden en willeHi en trecse inder hellen grontSente peter doet ons cont[16815]Sijt nuchteren ende waketWant die duuel maketAlle scande des sijt ghewesWant hi v weder sake esEnde es op v vergremmet[16820]Als een leeu hi bremmetEnde suect ochti mochte vindenDien hi mochte verslindenMet sinen valschen radeDien hi vruech ende spade[16825]Met sinen boden sendtDat hi van gode wentMeneghe ziel inder hellen pijnDie daer moet eweliken in sijnDu domme mensche hier merket an[16830]Die andre manslacht doden canDie ziele ewelike verloren van godeDie trect de duuel tsinen ghebodeOm haer valsche lereDaer si emmermere[16835]Van haerre leren drinckenDaer hen die duuels scinckenIn die ewelike bronstDaer trecse inne haer quade constMeestren ende lereren sijn[16840]Gheuaren in die helsche pijnDaer si selker leren vonden byDie daer valsch gheheten si

[f94r]

Welc mensche die de wille hebben weertDen duuel hi te hulpen gheert[16845]Die bi hem dan bliuetEnde aen hem also becliuetDat hi een duuel heten moetGregorius ons cont doetWee hen die den anderen tyen[16850]Te sunden daer si gode met vlienMet haren valschen lerenEnde hen seluen van hem kerenEnde sijs in hare quaetheitTsduuels dienste sijn bereyt[16855]Hoe si van aerde niet duuele en sijnHaer duuelike werke doen aenschijnDatsi sijn duuele openbaerGod sprac du salt openbaerDer valscher propheten daet[16860]Die tot v comen in lams ghewaetEnde sijn doch binnen woluelijnGhi kintse aen haer werke schijnDat derde merc du dommer goecDat die ziele dodet oec[16865]Dat es die die in sunden leghetEnde den anderen quaet teken gheuetEnde dien bringht in sondenVorwaer wil ic dien condenDat hi des gheens mesdaet[16870]Op hem neemt dat verstaetDaer omme mensche nem des wareOftu di heefs versundet zwareDie wile du inden sunden leuesDattu ne gheen bose beelde en geues[16875]Judaes thadeus montDoet herde claghelike contHi sprect ach du der sunden kintEnde een blinde der quaetheit blintDu fuweers dair met die ewicheit[16880]Die alre pinen pine dreytEnde die ewelike doetDaer meneghe ziele lidet nootEn geeft gheen beelde ende vliet dienDaermen quaet beelde aen mach sien[16885]Der sunden ende der mesdaetHoort wat een lerare ghesproken haetGhi selt v alle wel bewarenVoor hen die inder werelt varenOnkersteleec in haer leuen[16890]Een heilige heeft ons sijn lere gegeuenEnde sprect du selt den bosen vlien

 

Ende v van sinen werken tyenSoe dat ghi sijt van sunden vriEnde in gods vruchte altoos si[16895]Dijn vroude soe dat dijn ghedancVan hem nyen sal hebben wancDie wise salomon ons bedietMensche en laet di lusten nietDer quader liede straten[16900]Ende dat di vter matenNiet haer quade wech en behaghetHoort wat ysayas saghetDu werts metten heiligen manMensche heilich dinct daer an[16905]Ende met hem die gheen scout en haetBlijfdi onschuldich alre daetEnde metten weerden wertstu weertWie oec dien te gheselle gheertDie es een verkeert goec[16910]Die moet hem dan verkeren oecEnde bringt die ziele in groter nootEnde in die ewelike dootDie manslacht god ons sus verboet

Die seste plaghe ende dat
seste ghebot


DIe seste plaghe die ghescach[16915]Die was datmen inden lande sachEen ghemeynlike steruenDaer af moesten verderuenHerde vele der creaturenWant dair en mochte nyment gheduren[16920]Daer was een iammerlike nootDat vie viel ghemeynlike dootEnde daer die sonne die corren bescheenSoe wert die lucht soe onreenDie vanden vulen ase dranc[16925]Ende een also vulen betteren stantDatse veel volx te steruene dwancDAt volc dat inder plaghen starfEnde vanden stanke daer verdarfOnder den ghemeynen lieden[16930]Die selue wil ic v bediedenDat sijn die in die sunden steruenEnde oncuuscheliken leuenHaer sunden voor gode stinckenDatter menech om moet sincken[16935]In hellen ewicheitDen ionghen lieden es dit gheseytDen mannen ende den wiuen

[f94v]

Dien die oncuusheit driuenEnde leuen in vees ghelike[16940]Ende steruen veelijc des ghelijcIn haren inde wee hen weeDatsi ye torden wt hare eeDaer om ons die wel suete godGaf dit seste ghebot[16945]Hi sprac minsche dune salt nichtHebben der oncuuscheit plichtOpt dattu wilt dijn ziele ghenesenSoe saltu emmer ewech wesenWant ewicheit hoghe es wt gelesen[16950]MEnsche nv hout dit ghebotDattu die hooch gheloofde godGhegeuen heeft te houdenDit seldi effene voudenOnder dijns herten borst[16955]En laet die ghene quade lastBringhen totter oncuuscheitDien god een ewech haten dreytDie ewicheit die es gode weertWelc mensche ganser ewicheit geert[16960]Die sal meerken eueneDrie dinc die cuuschen leueneSijn beuolen oftu wilt sijnEwech soe doe ic di in schijnDattuse houts met herten fijn[16965]DAt eerste es dattu lude no stilleDi niet en keers te quaden willeEen quaet wille ende niet volbrachtEnde doch te quader daet ghedachtDie wille die hooft sonden plecht[16970]Sente angustinus sprechtDat der ioncfrouwen doenSonder ewich leuen niet en vroomtWie dat ghedachte oncuusch haetEnde die begeerte ter mesdaet[16975]Daer es die cuusheit cleyne gansWelke ioncfrouwe cuuschelike den cransDer ewicheit reynlijc wille draghenDie sal quade ghedachte veriaghenWant vanden ghedachte dicke coemt[16980]Een quade lust die niet en vroemtNa quade wille men dicke begaetGeerne een quade mesdaetSeneca leert ons in sijn sprekenEen herte in quaden lust ontsteken[16985]Een sunde daer sciere af apruutAlsmen den (w) quaden wille ontsluut

 

Ende dan die sunde es volbrachtSoe heeft si daer sciere ghewrachtDer zielen die doot der ewicheit[16990]Ysidorus die heilighe seytEn volghdi niet dijns ghedachten raetWant dat lijf en mach niet sijnOncuusche dat ghedachte dijnEn si oncuusche worden ere[16995]Dat vleech en mach nemmermereAnders dan also wille die moetReyne ghedachte ende goetMaect den mensche van sonden vrijEnde woent daer mede gode by[17000]Ende daer bi een ghedachte quaetDat es seker der sunden raetWantet doet quade werken aenschijnHet sprect sinte augustijnIc was ghebonden in enen bant[17005]Die my was yseren becantEnde was mi doch een vreemt gebontMy was leyer dat wel contDattet was die wille mijnDie vaste was ende yserijn[17010]Die mi ten sunden wilde tyenWie na dit leuen gode wil sienDie sal quade ghedachten vlienNV merke mensche dat ander deelDatti beneemt dijnre zielen heel[17015]Ende versundicht di dijn leuenVijf sinne soe sijn di ghegeuenVan gode die ghi selt bewarenWildi cuuscheliken voluarenDie viue wil ic di doen bekennen[17020]Dat ghise moecht te bat versinnenDierste dat es v ghesichteTe cuuschen dinghen altoos houdenSoe sal god selue dijns woudenSinte matheus sprect hier van[17025]Het si wijf ofte manDie ghaerne aenscouwenYet om haer lost te vernuwenWerden oncuusch in dat toghenDoor die veynsteren hare oghen[17030]Ende dair af coomt der zielen gereytDie ewighe doot dauid seytDoor die veynsteren onser sinneTonsen groten onghewinneEs ons comen die ewighe doot

[f95r]

[17035]Het claghet oec dese nootYsayas die here vrijMijn oghen hebben beroeft miMier zielen ende ghebracht in leytDie goede sent lucas seyt[17040]Wie een wijf siet begherenDer cuuscheit sijn moet hi ontberenWant hi inder herten sijnHaers sculdich es sente angustijnHi sprect dat en es dijn orber niet[17045]Dattu dat emmer ane zietDat di te begeerne niet en beteemtDat begheren die cuuscheit so beneemtEnde dat comt door sijn ghesichteMensche du en salt niet lichte[17050]Dijn oghen ten sunden kerenOp dat ghi wilt v salicheit merenDaer omme laet die oghen dijnCuusche met dinen liue sijnSoe wert di der ingle scijn[17055]DIe ander sin es dat horenDes cuuscheit men oec mach te storenDie gherne hoort oncuusche woortDat es der zielen ene moertOf gherne hoort oncuuschen sanc[17060]Of pipen tanbusen ende snaren clancDer wilde herte ghenuechte in rapenHet sijn leke ofte papenMoneken nonnen meechden of wijfWie dese hanteert haer cuusch lijf[17065]Oncuusch vanden horen weertEnde rechter cuuscheit si ontbeertEnde en heeft van gode nemmeer lofDaer omme spreect die gode iopDie domme minnen snaren spel[17070]Ende hebben lief der tamburen velDiese bringen inder sunden strickeEnde in enen oghen blickeV allen si inder hellen grontSalomon die doet ons cont[17075]Dat lachen hier dat wert gheuechtIn een let dat niet en verblechtEnde wert wenen ende grinenDie vrouden die hier inden liue scinenHinderen vele der vrolicheit[17080]Die inden hemel es bereytGregorius die sprect datDer werelt vroude es met gode gehatEen ewich leet volghet haer mede

 

Niemen en mach na haren trede[17085]Vroude hier op aerde driuenEnde bi gode daer bouen bliuenDaer omme mensche wiltu wesenGanselijc cuusch wt verlesenSoe seldi laten die oren dijn[17090]Ewech met uwen liue sijnSoe verwerfdi des hemels scijnDIe derde sin die es ghenantDe smaec dat si v becantMensche siet hoe ghi dien bewaert[17095]Dat ghi cuuscheliken daer in vaertSente mathijs spreect sijt ghewesWelc mensche die niet ghemaet en esAen eten ende oec aen drinckenEnde laet sine tonghe sincken[17100]Dat si besondecht sinen montMet quaden woorden talre stontSo wert sijnre cuuscheit cransVerscoert ende nyegherinc gansWeet wel dattie oncuuscheit[17105]Den duuel den spiegel voor dreytDaer omme sprect god mensche nem waerDat dijn lichaem niet en werde gaerBezwaert in ouer ateEnde dat ghi in ouermate[17110]Niet den dranc en volghet naerSente pauwels hi sprect daerIc segt v met gremmenMet sueter bernender stemmenDat dat gods viande sijn ende verloren[17115]Die haren buuc hebben vercorenTer leckernien talre tijtDaer omme iheremiasHerde iammerlike claghet dasHi sprect die na hare luste[17120]Willen leuen op aerden rusteEnde met ouermaten haers lijfs pleghenDie sijn verdoelt ende wt den weghenDie ons te ghenaden wisenDie goeder ghetruwer spisen[17125]Hebben hier haer lijf ghetoghenDie sijn leyder seer bedroghenWant die menschen des sijt ghewesLigghen inder sunden mesWie alsoe sijns mondes pleghet[17130]Oncuuscheit es hem aengheseghetDer omme mensche seldi sijn

[f95v]

Cuusch metten monde dijnSoe sal maria v troesterse sijnDEn vierden sin merct oueral[17135]Die es dat rieken datmen salBehueden ende bewaren waleWillen wi bliuen sonder qualeVan oncuusschen brokenVan sueticheiden des roken[17140]Die suete inden nase waytEnde dat herte al door saytDaer af een lost in corter stontInder herten vloeghs wert contDat haer de sunden verwecken mach[17145]Veel lichte dat die ewighe dachDer zielen wert ende een onghemacDaer omme god met toorne spracMetten prophete ezechielSiet die kinder van israhel[17150]Hebben dat rijs der mesdaetDie sueticheit hen int herte gaetEnde hebben die roke in hen ghehoudenIn toorne wil ict voudenEnde in toorne dat ict doe[17155]Mijn oghen wil ic luken toeSo dat ic hen geue te loneDat ic haerre nemmeer en sconeNoch en ghewenne nemmer den moetDie mi ouer hen ontfermen doet[17160]Ende wanneer haer iammerlike roepTe minen oren comet toeMet haren clagheliken screyenEnde si op mi willen lyenSoe sal ic mijnre oren dore[17165]Soe vaste sluten dat daer voreNiet ghecomen en mach dat horenMensche ic segghe di te vorenWildi volghen der cuuscheytVoerwer si di dat gheseyt[17170]Dattu salt laten dat rieken dijnCuusche met dinen liue sijnDaer met vliedi der duuelen pijnDIe vijfte sin die es ghenantDat gheuoelen si di becant[17175]Dat ghi den sin selt wel bewarenOpdat ghi in cuuscheiden wilt voluarenSoe mijt twerehande daetDie der oncuuscheit geuen raetDair af sprect lucas sijt gewes[17180]Welc mensche die ghecleet es

 

In saecht rikelijc ghewantTe vorsten hebben hen die ghewantDatmense biden coninghen leytHoort mensche hoe god van hem seyt[17185]Hi sprect si selen bi coninghen sijnMaer niet inden rike mijnDaer omme sente bernaertSprect mensche wee hem der vaertDoen god door di wert gheboren[17190]Quade doeke hadhi vercorenBeyde te wendelen ende te ghewadenDaer ieghen si di met pellen gheladenPurpere scaerlaken baudekineDaer af sijn hier die cledere dine[17195]Cristus leet dor di groot armoedeEnde ghi sijt rike van groten goedeIhesus in eenre crebben lachDin hi gheenre houerde en plachEnde di es een rikelijc bedde bereyt[17200]Om ruste ende om ghemackelicheitCristus quam dienen op eertrikeGhine doet niet mensche dies gelikeGhi wilt datmen diene diV moet in houerden si[17205]Dien v in quaetheiden verwectIhesus sydracs sone sprectDat beghin der vterlicheitHeeft den mensche scier verleydtDat hi van gode keret hem[17210]Want alre sunden een beghenEs vterlicheit nv merket batYsidorus die sprect datGhelijc der houerden esVterlicheit des sijt ghewes[17215]Ende es coninghinneEnde moeder alre beghinneWant een yghelijc vterlec moetMet vterlikcheiden sunde doetDer om mensche huedt di[17220]Dat vterlicheyt v niet en syWant die vterlicheit dicke so verhartDat tgheuoelen oncuusch wartDat ander dat si v ghecundechtDat oec tgheuoelen seer besundecht[17225]Dat es wie yet der lost aen ruertDat hem ten quaden wille vuertDat hi verweruet gods hatSalomon die sprect datHoe mach een mensche des viers schijn

[f96r]

[17230]Verberghen inden scoete sijnDat sine cleder ende sine ghewantNiet vanden viere ende werde verbrantOchte wie mach onghescoeytGhegaen door een heete gloeyt[17235]Soe dat sine voeten sciereNiet en verberren vanden viereAldus en machmen dit verstaetSonder sunde ende mesdaetNiet aenrueren een vreemt wijf[17240]Wie met begherten aenruert haer lijfDie en mach niet reyne bliuenHi en moet sunde driuenWant hi wert in loste ontfonctDaer af door ysayas mont[17245]Onse here sprect of ghi v handenBeyde in sunde en in scandenNae helpe na mi sendetSoe wert van v onghewendetMijn claer aenschijn dat besiet[17250]Ende v en wert mier hulpen nietVan uwer beden die ghi gheertAen mi dier blijfdi ongheweertOm dat v herte es veruultMet sunden ende met quader scult[17255]Daer omme laet dat gheuoelen dijnCuusche met dinen liue sijnSoe ghewinstu des hemels schijnMEnsche hoort ende meketrecte: merket datDat derde suldi verstaen bat[17260]En laet di dinen sin niet geuen raetDat ghi voluuert die mesdaetDer oncuuscheit die di versinctDaer henen daer men nemmer dijns en gedinctDie suete god die ware crist[17265]Die wile hi here inden hemel istDair omme mensche di bewareSijt cuusch met dinen liue ende clareOftu wils hebben te gode rechtHoort wat sinte pauwels sprecht[17270]En wetti niet dat ghi sijt gheleedtNa gods lede die ghesmeetVoor v aenden cruce waertGhi verkeert hier uwen aertEnde maect dat godlike lijf[17275]Recht als een ghemeyn wijfMensche bewaert die ziele dijnEnde laet dijn lijf altoos cuusch sijnHoort wat gregorius ons bediet

 

Op aertrike en es arghers niet[17280]Dat dat een mensch sinen geestDen duuel met sijnre volleestHem bouen gode laet verwinnenNiet arghers en machmen vinnenNoch quader dinc men nie en vreesch[17285]Dan die hier haer crancke vleeschDen duuel aldus verwinnen latenEnde bliuen ewelike verwatenEnde vallen hier in sunden susDaer omme sprect sinte ierominus[17290]Cort es die lust der oncuuscheitDaer af iammer ende leytDen mensche eweliken bliuetDien die oncuuscheit driuetEnde bout der dieper hellen zee[17295]Wee hem wee ende emmermeer weeDien die dan dat inde heeftEnde hier oncuuscheliken heeft geleeftEnde sijn leuen hier inde neemtDaer omme cuuscheit wel beteemt[17300]Beyde den wiuen ende oec den manDaer omme minsche dinct hier anEnde en volght niet der oncuuscheitEnde trect aen di dat cuusche cleytSoe es v hemelrike bereyt

Die seuende plaghe ende dat
seuende ghebot

[17305]DIe seuende plaghe iammers plachWant blixem ende menech donreslachVten drueuenen wolken quamDat meneghe mensche tleuen namDie wint ende oec die haghel scarp[17310]Sloech neder tcoren ende werpOpten velde ouer alDies honghers noot en was niet smalDaer af die werelt vele verdarfEen deel des volx van hongher starf[17315]Een deel dat ongheweder sloechSoe dat die reghen henen droechMet siere vloet liede ghenoechDIe haghel die donre ende die blickeDie dat coren scone ende dicke[17320]Verdoruen opten velde daerEnde dat onghewederte zwaerWil ic den duuelen bedieden

[f96v]

Want si vele liede miedenDat si hem dienen te lieue[17325]Afbrekeren persemeers ende dieueAlle in des duuels dienste si leuenDaer ieghen heeft ons god ghegeuenInt seuende ghebot die lere sijnAldus liet hi ons in scijn[17330]Hi sprac mensche huede dichVoor diefte ende nyemen af en brichSijn goet met valschen listenSijt dinen euen kerstenGhetrouwe ende niet en steel[17335]Wie stelt hi sundicht alte veleEnde hi es des duuels gheheelMEnsche nv hout dit ghebotDat v die edele goede godGhegeuen heeft te houden[17340]Dit suldi effene voudenIn dijn herte ende merken datWildi miden gods hadtSoe sijt ghetrouwe ende gherechtDaer mede werdi sijn knecht[17345]En steelt nyement sijn haueMet valscher list en brect nyemen aueMen veerter omme inder hellen pijnDrierleye dieue sijnDie verliesen gods aenscijn[17350]DIen eersten doe ic di becantDie es een ghemeyn dief genantWie sijn euen kersten sijn goet steltEnde die diefte dieflijc verheltDie es een onghetrouwe man[17355]Ende hi es in gods banDaer af een wise ghesproken haetHet es ene grote mesdaetWie den anderen steelt sijn goetDor dat hi sinen ghierighen moet[17360]Veruult ende wert een diefEnde hem tier sunden es soe liefBegrijptmen metter dieften snelSoe sal hij iij vout alsoe veelGoeds voor die diefte gheuen[17365]Op dat hi versten wilt sijn leuenAlle sinen huus raetGeefti voor sinen mesdaetEnde daer toe sijnre eren cransEnde behout hi nemmer gans[17370]Daer toe moeti hem sijns namenDicwile scandeliken scamen

 

Daer omme ons salomon bedietOp ertrike en es edelre nietDan een goet name si[17375]Die es van allen wandelen vriHi es beter veel dan goetMensche nem in dinen moetDattu ghetrouweliken leuesEnde niet na valschen goede en streues[17380]Datti trect inder hellen grontHoort wat ons seneca doet contWee hem die hem in sunden strictWant hi voor gode leghet verstictEnde die mesdaet si can[17385]Vaen den onghetrouwen manWant si helpt hem inder nootTot eenre onghetrouwer dootEnde als die voleyndt wertDer hopinghe gods hi al ontbert[17390]Want inder hellen en es gheen troestWie dair af wil sijn verloestMet trouwen mijdt hi wel dien roestMEnsche nv hoort den anderen diefDien es te valschen ghewinne lief[17395]Die steelt ende latet den lieden sienHi en can hem der dieften niet ontyenWant hi dief des sijt ghewesTer werelt openbaer esDat si die comenscape pleghen[17400]Ende valschelike meten ende weghenEnde sus den keden breken aueBeyde haer goet ende haer haueEnde hebben dair omme gods hatSalomon die sprect dat[17405]Een valsche waghe die es int wareVoor gode herde onmareEnde rechte mate ende recht goetDat es sijn wille ende sijn moetHet spreect sinte augustijn[17410]Hets beter datmen drincke wijnEnde ete vleesch dan dat een manSinen euen kersten eten canMet sinen valschen dadenTsinen verliese ende tsinen scaden[17415]Daer omme mensche si v ghesaechtDat god metten prophete claechtHerde clagheliken desen nootHi sprect wee dien die voer brootMijn arm volc hier eten[17420]Dat sijn die ghene die meten

[f97r]

Haren coep met valschen maten henDie steelt valschelike ghewenEnde wie een valsch ghewechte haetDie es een dief dat verstaet[17425]Want hi doet diefs mesdaetDEn derden dief dien merket alNoch argher men die houden salDan enen dien dat armoetDwinghet dat hi quaet doet[17430]Ic meyne hier nv den rikenDienmen ghestedelikeMet diensten moet onderdanich sijnDie dienres loen ende haer pijnEnde haren herden arbeyt[17435]Dien si verdienen met bitterheitWeet datsi in groten sunden sneuenDie hem den loen dien si hem souden geuenAf breken ende houden voreDaer in ic grote diefte spore[17440]Sente iacob doet desen toonSiet rijc mensche dijnre dienren loenRoept opti du hebstese bedroghenHaer roep es te berghe gheuloghenVoor gode in sinen maiestaet[17445]Dien den roep ontfanghen haetIn sijn ore der godheitDu rike mensche di si gheseytDie claghe die de arme doetMet vloeken die en wert di nemmer goet[17450]Op dat ghi den vloec hebt verdientIhesus sydrax sone sprect vrientDie arme dienren die di vloekenEnde bitterlike soekenGods wrake met hare claghe[17455]Vorwaer mensche ic di sagheDat haer clage gehoort wert vorwaerVoor gode dien alle dinc es claerDaer dine ziele bloet voor staetDaer omme iob ghesproken haet[17460]Een yghelijc dienre die es weertSijns loons wiene hem tonthoudene geertHi behoudt eweliken gods hatSente tobias seyde datEnde leerde aldus sinen sone[17465]Lieuekint huedt di van dien doeneDat dijns dienres loon bi diNiet en bliue daer om volghet miEnde daer om mensche dit ghebotHout dat die goedertieren god

 

[17470]Ons heeft ghegeuen openbaereEnde neemt der edelre trouwen wareSoe verwerfdi der inghelen scare

Die achtenste plaghe ende
dat achtenste ghebot


DIe achtenste plaghe hoor een yghelikeDat lant wert vol ghemeenlike[17475]Keeueren ende spelthanen medeSoe datment lant telker stedeVol van dien ghewormten sachIa si bedecten den dachEnde wat den onghewederte ouer was[17480]Bleuen . waest vruchte ofte grasDat verteerden si al vorwaerDie bonte worden loues baerSi maecten een iammerlike iaerDIe keeueren die der bomen gewaet[17485]Verteerden ende dat saetBeyde ghecrude ende grasDat den onghewederte wasOuerbleuen tselker banenDat aten op die spelthanen[17490]Die ghelike ic meneghen manDie valscheliken siet enen anderen anMet hulpen der quader rechterenDie te rechte souden slechterenSijn ieghen ongherechticheit[17495]Nu es dat recht hen leyder leytOm haer snode ghewenDus helpen die voorspraken henDie valscher ordelen nemen waerEnde ouertughen den gherechte daer[17500]Met haren valchen recte: valschen droghenenEnde met gheuiseerder loghenenDaer omme ons die wel suete godGaf dit achtenste ghebotHi sprac mensche niet en liech[17505]Noch en geeft gheen valsch ghetuuschHout v aen die gherechtigheitOnrecht laet v wesen leytSoe wert v mijn rike bereytNV hoort mensche dit ghebot[17510]Dat ons gaf die suete godTe houdene emmermereDit was sine kereMensch wacht dattu niet en liechNoch valsch en tuucht no en bedriech[17515]Die suete god heeft ons hier bi

[f97v]

Ghegeuen goeder leren driDat eerste dat merct ouer alNiemen valschelike tughen en salNemmermeer op nyemens leuen[17520]Dit ghebot heefti ons ghegeuenEnde ieghen des ghebodes crachtEs een quade meester scachtDaer die voorsprake mede voertgaenEnde niet den richte bi en staen[17525]Si spreken daer si spreken heerHaer redene vlechten si int weerTot dat si dat ordel vendenDaer si mede verwendenEen redene die gherecht was[17530]Hoor ordel ouertughet dasDat menech moet sijn lijf opgeuenSus gheneren si haer leuenEnde sincken haer ziele met hare cunstIn die ewelike brunst[17535]Daer omme haer valsche leuen esGhelijc den spelthanen des zijt gewesAlsoe ysayas ons doet aenscijnHi sprect dese lands liede sijnGheworden alse sprinchanen[17540]Die al die werelt verteren wanenHaerre es soe veel ouer alDat si sijn sonder ghetalDie goede god es hem oncontSoe wee hem wie hem sinen mont[17545]Laet van gode wisenDie cunst en es niet te prisenSi werft siere zielen der hellen gloetSijn valsche spreken dat hi doetEnde tuucht op enen gherechten man[17550]Dat hi wert gods ende eren vanDat maect siere tonghen oertDie tonghe brengt toe menech moertSoe wee hem diense es ghehatSalomon die seghet dat[17555]Die macht es der tonghen ghegeuenDat si doe doot heeft ende dat leuenSus heeftsi totten beyden plechtWie dat ganseliken sprechtDat hem wel vorwaer es cont[17560]Dats een recht rechtere si v contWie oec valscheliken liechtEnde ouertuucht ende bedriechtDien doet dat ysayas contDie werden verdoemt inder hellen gront

 

[17565]Ende god keert van hem sijn aensichteWie voor den gherichteDen onsculdighen belieghtEnde valschelike op hem tuuchtWeet dat seker ende vorwaer[17570]Dat hi hem seluen verdoemt daerDaer om mensche raedic diDat in dijn herte altoos siDat recht na dijnre machtEnde keert onrecht met al dire cracht[17575]Soe es v hemelrike gheachtMEnsche di si dat ander contDaer met du inder hellen grontDijn arme ziele sinkesEnde eweliken verdrinckes[17580]Dat es als ghi te claghene gaetEnde voor den gherechte staetOp dien dat dan dijn claghe leytDraechdi soe grote nydicheitDat ghi met alle der herte dijn[17585]Wilt nemen der eren sijnEnde pijnt daer nae sereHem te nemene goet ende ereEnde bringht valch recte: valsch ghetuuch op hemDie alle moeten metti hen[17590]Toten ewighen viereDaer v ghenade es diereHet spreect sinte angustijnWie ieghen den euen kersten sijnEen valsch ghetuuch weret[17595]Veel grote sunde hi rueretHi es die staf die daer verleytSijn ziele in die ewighe bitterheitSijn tonghe ghelijc den scarpen straleDat den meneghen doet quale[17600]Si es als een gheslepen zweertWee hem die daer met voort vaertDat hi eens ere versindetDoor dat hine indetEnde trouwe aen hem brect[17605]Daer omme sente iacob sprectEen valsche tonghe des sijt gewesNiet arghere op aertrike en esEnde tsalichste dinc oec sekerlikeDatmen vindt op aertrike[17610]Met haer louen wi alre meestDen vader den sone den heiligen geestEnde metter tonghen verdoemen wi sereDie liede die god onse here

[f98r]

Na sinen beelde heeft ghewracht[17615]Alsoet sijn godheit heeft vordachtWant wt den monde vlieten canDie salicheyt ende die ewighe banWie hem te loghene spannetHem seluen hi verbannet[17620]Want logene es ene mesdaetDie liue ende ziele euel beraetWant die loghene ere can saluwenEnde des menschen ziel vervaluenSi velt oec enen reynen naem[17625]God entie liede sijn hem graemEnde haren valschen listenYoden heydenen ende cristenDraghen alle logheneren hatSalomon die sprect dat[17630]Wies mont der loghenen nemt wareHi doot sijn ziele openbaerSente pauwels heet ons medeVoortgaen met gherechtichedeEnde die loghenen van ons driuen[17635]Ende bider waerheit bliuenEen yghelijc mensche die doe aenscijnWaerheit den euenkersten sijnDie heilighe man ysidorusIn sijnre leren sprect hi sus[17640]Die logheneren maken datDat si verdienen gods hatEnde ongonst vander werelt openbaerEnde op dat si yet segghen wareDatmen hem niet ghelouen en wele[17645]Die ander wairheit wanct te veleDats een grote mesdaetDaer om dauid ghesproken haetGod here ghi wilt alle dieVerliesen die opter werelt hier[17650]Lieghen ende drieghenOuwi si moeten nyeghenVoor des duuels gherechteWie metter waerheit plechteEn doruen niet vrochten des duuels toren[17655]Wel hem die de werheit heeft vercorenDie es salichliken gheborenDAt derde es dat ghi inden moetNiet en neemt der armer goetNoch hem en bedrieghet[17660]Met valschen ghetughe noch en belieghetNoch met lasterliken stuckenDat hare en salt ontsucken

 

Wie met liste den armen sijn goet af wintSeker dat es des duuels kint[17665]Om dat sijt ghewinnenMet haren valschen sinnenEnde tughen hem aue haer goetWee den ghenen die dat doetDie niet des rechts en nemen waer[17670]Die rechtere es oec onrecht daerEnde brect daer die gherechticheitYsayas aldus seytWie na rechte rechtetNae gods loon es hem ghereyt[17675]Wie oec die gherechticheitVercoopt om enigherhande goetOnrecht hi aen gode doetEnde gode nemt hi sijn recht alsusHet sprect sinte ieronimus[17680]Het es een recht gherechte daerDaermen die werheit wel nemt waerEnde die persoene nietDaer om ons god selue bedietGhi en sult niet rechten[17685]Na den aenghesichtenGhi sult recht gherechte geuenEnde aen den rechte niet sneuenDie prophete ysayas seytSiet aen die gherechticheit[17690]Besiet die sake ende niet den manWee hem die weenhouden canEnde niet te rechte en rechtetEnde den rechte veronrechtetEnde dat recht hout voor niet[17695]Seneca ons bedietGhi sult in allen endenArmen crancken ende ellendenWeduwen ende wesenHulpen in haerre vresen[17700]Ende een yghelijc mensche salSinen brueder bi staen ouer alDats sinen euen cristenHine sal met valschen listenNiet arch op hem dincken[17705]Mensche du salt scinckenDit effene inder herten dijnEnde salt altoos gherecht sijnSoe wert di des hemels scijn

Die neghende plaghe ende
dat neghende ghebot

[f98v]

DIe neghende plaghe was bereyt[17710]Tot eenre groter donckerheitHet wert een donckenesseDatmen wel ghewesseDat doncker greep metter hantDaer mede wert veruult dat lant[17715]Doe leden die egipterenGroten iammer ende zwerenDie plaghe daer alsoe scicteDat menech daer versticteDat hi bleef inder donckerheit doot[17720]Alsoe die plaghe aen hem ghebootSus leet dat lant ghemeyne nootDie donckernesse die dat lantBedecte daer bi si v becantAlle ghieregheren[17725]Die hem van gode kerenEnde vander ewigher salicheitWant die duuel diese leytMaecse alre sennen blentHaer oghen hi hem soe verbent[17730]Datsi niet en kinnen gode sijts ghewesDie een licht der ewicheit esRoef persem ende vorsatEnde onrecht ghewinnen scatMeneghen mensche verblendet[17735]Die hem totten duuel wendetDaer om ons die goede godGaf dit neghende ghebotMet sinen monde sprac onse hereWeerde mensche niene beghere[17740]Dijns euenkerstens goetDaer voor seldi sijn behoetEnde begeert tsijns tonrechte nichtOf ghi tot mi wilt hebben plichtDaer bouen int ewighe licht[17745]MEnsche onthout dese woortDie ghi van gode hebt gehoortSijt sijnre leren altoos bySoe blijfdi vanden duuel vriDie v uwen sijn verblendet[17750]Ende oec van gode wendetEnde mijdt dat ongherechte goetDat v van gode sceyden doetDit ghebot hout altoos in vDrie leren wil ic v segghen nv[17755]Die eerste verstaet ende behoutGhine selt met gheenre ghewoutNiement nemen goet noch haue

 

Vorcoeps persemens doet v aueSoe moechdi die donckerheit[17760]Miden die meneghen mensche verleydtTen sunden ende in gods hatGregorius die sprect datWie inden donckeren slupetEnde die ghierecheit na crupet[17765]Die en macht tlicht der gherechticheitNiet sien di si vorwaer gheseytDat hi nemmer en comt voor godePaulus sprect die gods bodeWi sellen die werke der donckerheit[17770]Van ons werpen ende dat cleytDes lichts sellen wi doen aenDat wi met eren moghen gaenTen lesten daghe daer wij selen geuenAntwerde hoe wi onse leuen[17775]Hebben hier volendetWee hem die hier verblendetEnde met perseme hebben ommegegaenWee hem als si voor gode staenWee hem die stichten roef ende brant[17780]Hoe wertstu van gode ghescantAlsmen met toorne ouer di rechtNv hoort wat ysayas sprechtWee di arme mensche weeWee ghesciet di emmermee[17785]Du die met rouen di gheneersOf inden wille voort veersDu werts daer vander zielen dijnBeroeft die eweliken moet sijnInder dieper hellen gloet[17790]Daer si eweliken bernen moetDaer haer wert wee so lanc so batDie goede iob die seyt datVervult wert na haer begherenDie helle met ghierige ende met persemeren[17795]Ende met roueren die met hare daetVertoernen gode die hen haetIn haren vijf sinnen gegeuenGhenade veel ende oec dat leuenDer ieghen bedrueuen si hen den moet[17800]Alsi den armen nemen haer goetEnde met crachte vresenWeduwen ende wesenDie si bescudden soudenEnde te rechte houden[17805]Die nemen si thaer daer men toesietSalomon ons daer af bediet

[f99r]

Die tranen die si wt ghietenDie hen ouer die wanghen vlietenDen wedewen ende weesen die men den moet[17810]Bezwaert soe wee hem wie dat doetWant god hoort haer clagheEnde wreket ten ionxten dagheDaer hem nyement steet byDaer om rouere segghic di[17815]Dat dine ziele des duuels istGheeft weder in corter vristOftu bescouwen willest cristMEnsche en nem in dinen moetNiet gheen valsch gewonnen goet[17820]Alsoe woeker ende voorsatDie veel lastelike scatTrect meneghe ziel verlorenEnde wert ter hellen vercorenDaer si emmermeer in blijft[17825]Ende ewelijc iammer drijftMoyses in sijnre leren seytDie scat es goet inder waerheytDiemen met rechte ghecreghen haetDie wise man ghesproken haet[17830]Van goeden scat een goet manAlle salicheit ghecrighen canEnde wie dat heeft onreyne haueDaer comt selden goet aueEnde doet selden goeden fijn[17835]Het spreect sinte augustijnAlse die woekenere leeghtEnde hem die doot aneseechtSoe wert al tsine vorwaer wet datIn drien ghedeilt optie stat[17840]Den scat die vorste aen hem tuctDen lichaem die aerde te hare tsuctDe worme hem dair ane ghenerenDie dat vleesch al verterenDie duuel hem oec onderwindt[17845]Der armer zielen die hi bintInder dieper hellen grontDaer wert haer die woeker contDien scat dien oec die here aen veertHemelrike hire omme ontbeert[17850]Sinte daniel die maect ons vroetWel sijnre zielen die sijn goetNiet sundeliken persemen en doetMensche nv merct dat derde goetDat di ter hellen varen doet[17855]Ende in die ewighe pine

 

Daer inne staet te sineDat es dese grote ghiericheitDie leyder zielen veel verleydtWee hem die daer na staen[17860]Ende ghierichliken gaenNae ongherechten ghewinneEnde daer op haer sinneKeren ende settenEnde haerre zielen letten[17865]Die ghiericheit maect meneghen diefDaer omme sijn si den duuel liefWant gheenre leye mesdaetDie helle gheuult en haetDer meest die werelt met omme geit[17870]Ten goede vindt si meneghen vontHaer es soe wijt haer ghierighe slontDatse nyement veruullen en machSi quelt nacht ende dachEnde beyde spade ende vroe[17875]Sus en ghewent si nemmer roeIn steeder qualen leeft si susHet sprect sinte ieronimusDie ghiericheyt wel cleyne pleechtDer maten onmate an haer leeght[17880]Want sijt gheerne al verslintAl dat si yegherinc bi haer vindtNochtan en es nyegherinc na vol her darmSi blijft altoos euen armDaer omme haer sente ian[17885]Der hellen wel gheliken canHi sprect de helle en wert nemmeer volWat mense vult si blijft doch holDen ghierighen ghelike ic daer byWant si nemmermeer vol en si[17890]Daer omme sente pauwels seytNiet quader en es dan ghierecheitWant een yghelike ghierighereDie met valscher ghierigher ghereNae goede steet des sijt ghewes[17895]Dat hi sduuels eyghen esEnde heeft verloren sekerlikeSijn deel van godes hemelrikeWant hem god dreecht groten hatSente ian hi sprect noch bat[17900]Huedt v voor alle ghiericheytDier groten hat mijn herte dreytNiement en sal in dit leuenTe veel der ghiericheiden pleghen

[f99v]

Salomon die wise seghet[17905]Die ghierighe mensche die es ontweghetDie den scat tot hem tyetEnde door gode en gheeft nietMensche en hebt in dinen moetTe begheren gheen onrecht goet[17910]Dat di van gode sceyden doet

Die tiende plaghe ende
dat tiende ghebot


DIe tiende plaghe die was zwaerDie daer was al openbaerWant dat volc al ghemeyneBeyde groot ende cleyne[17915]Dat viel vander plaghen dootSus leet dat lant ghemene nootAl dat mochte gaen ende staenMoeste meestedeel die doot ontfaenBeyde die liede ende oec dat vee[17920]Die storuen daer so lanc soe meeDie voghele ende wat daer quamAl meeste het die doot daer namDie plaghe was den egypteren gramDAt volc dat daer metten vee verstarf[17925]Alsoe die plaghe aen hem verwarfBediedic bi hem die veelijc leuenEnde menschelike ordene es gegeuenEen vee leeft als een veeEnde also leuen alle die[17930]Die haren huwelike en houden nietWee dien mensche die dies plietDat hi verkiest sijn bedde ghenootDie blijft alre ghenaden bloetDaer om ons die goede god[17935]Gaf dit tiende ghebotHi sprac mensche du salt di werenDattu niet en salt begherenNe gheens anders mannes wijfAlsoe en sal der vrouwen lijf[17940]Niet eens anders mansBegheren oft si des bansVander hellen wil ledich sijnWie dat hout tghebot mijnDie uerwerft des hemels scijn[17945]MEnsche onthoudt dit ghebotDat ons die almachtige godGhegeuen heeft te houdenDit seldi alsoe voudenDat ghi behoudt v ordeleec leuen

 

[17950]Dat v te houdene es gegeuenEnde en leeft niet als dat veeDat van wetten en weet min no meeWildi wettelijc ordene hebbenGanselike ende niet verlegghen[17955]Soe suldi in v houden zereDrierehande lereDie in desen ghebode besloten sijnDat eerste doe ic di in scijnHet si die man of dat wijf[17960]Die wetteleec willen leyden haer lijfGans goet ende ghemeneSoe dat gode si bequemeDie sal een goet herte draghenDen man hem sal wel behaghen[17965]Sijn wijf hoe ghedaen si siDen wiuen si oec dese lere biDat haer niet en geualle datDat haer yet een ander batNiet en beualle in haren moet[17970]Want het zere besunden doetWie scoender kiest dan sijn gegaetWie selke ghedachte in moede haetDat hi dor behaghen liefde dreytEnde niet door gherechticheyt[17975]Die liefde diemen also begeertVoor gode grote sunde weertDer werelt scoende es al nietAlsoe ons gregorius bedietHi sprect wie kiest des hemels scoende[17980]Hi en blijft niet die ongheloendeWant hem die dore die hoge troonWert op ghedaen daer god sinen loenGheeft allen dien diere na weruenWee dien die alsoe steruen[17985]Dat si der ontrouwen gherenEnde gods loon daer omme ontberenDie de werelt mint hi es domWant si es verganckelijc ende cromDaer omme mensche en achter niet[17990]Hoort wat een prophete gyetArmelijc werden wi hier gheborenTot corten leuene sijn wi ghecorenEnde werden op bracht met meneger nootEnde gaen op als een rose roet[17995]Ende sciere sijn wi verbliketAls onse leuen ontwiketWij sijn als een scijn die daer vergeetNu siet hoet om onse leuen steet

[f100r]

Ende weet ende sijts ghewes[18000]Dat hier al verganclijc esDaer omme sinte lucas seytGod die es niet ghemeytDer werelt scoenheit dat hem yetLustet want hi en geerter niet[18005]Sonder hem wel ghelusten canDer zielen scoenheit daer merct anEnde hebt lief die scone doechtDaer af wert dijn ziele verhoochtDier ghelust gode ende heefse weert[18010]Wie wereltlike scoenheit geertEnde dinct inder herten sijnWaer die scone mensche mijnIc en gheerde geen dinc elNiement also dincken en sel[18015]Het si wijf het si manWil hi vlien des hemels banSelc begheren scuwe danNV merct mensche hoe dat siDese andere lere ende onthoudet die[18020]Ende vest in v herte eueneHoe ghi met uwen leueneDat ghi besceydelike daer in vaertDat wil ic v segghen sciereMen vinter vele op eertrike hier[18025]Die wel houden haer wetMaer die ziele wert soe besmetWee haer datsi ye wert gheborenWant hare wert leyder veel verlorenDat sijn mannen ende wijf[18030]Die chyeren behaghelic haer lijfMet haren dieren ghewaedenDaer si veel sunden met ladenEnde werden van gode ghevreestDit doen die vrouwen alre meest[18035]Al en gheren si met ander mannenSi sijn in houerde ghespannenSoe suuerlike dat menich manHaers moet begheren als hise anSiet met sinen oghen[18040]Dore der houerden toghenWert menech verloren dat si v contHet sprect sinte van guldemontHetsi manne ofte wijfDie alsoe chyeren haer lijf[18045](Met haren dieren ghewaden)Dat si eens menschen oghen

 

Aen hen tyen om haer toghenDaer af soe wert hen bereetEen rouwe die nemmermeer en vergeet[18050]Seneca seyt in sijn ghedichteDes houerdichs wijfs aensichteAls een vierich wendt het esWant haer openbaerheit sijts gewesEen herte sciere ontfunghet recte: ontsundet[18055]Dathet met ghedachte sundetOuwyer der chierheit diemen dreytAldus in rechter houerdicheitDie chyerheit si zaluwet vorwaerDen mensche ene ziele claer[18060]Ende maecse onghenemeGode ende onbequemeDaer om god dit onghemacClaghet als een prophete spracDie waer in alre chierheit volcomen[18065]Die sine chierheit te sinen vromenAen gode van hemelrijc hadde geleytDie goede ieremias seytOuwy dochter van syonHoe siec maect di der werelt doen[18070]Mensche hi meynt die ziele dijnDie gods dochter soude sijnDie der werelt chierheit heeftSiec ghemaect die wile men leeftDie werelt maect meneghe ziele zwac[18075]Daer omme die coninc dauid spracDie inden sunden sijn verherdtHaer ziele die wert also zwertAls colen die ghebluschet sijnDier werelt scoenheit doet haer pijn[18080]Soe datsi des hemels stratenVan des lichamen onmatenEnde gode sijn herde onbekentWant si van hem zijn ghewentDaer omme die arme ziele claghet[18085]Nv hoort hier hoe si saghetIc ben leyder iammerlikeVeroordeelt des weechs van hemelrikeGod heeft sijn hooft van mi gekeertDer werelt chierheit heeft mi onteert[18090]Ic ben met gode onmareDaer omme mensche neemt wareDattu een wettech leuen hauesDattu dijn ziele niet en grauesInder dieper hellen gloet[18095]Neemt dat vaste in dinen moet

[f100v]

Openbaerheit van di doetDAt derde mensche suldi onthoudenEnde in dijn herte voudenDattu nieu en leues als dat vee[18100]Dat van wette en weet min no meeWie veelijc leuen op aertrike heeftIn groter sunden hi leeftAlse die haren huwelijc brekenHaer ziele dat si steken[18105]Vanden ewighen lichteGhi sijt van leden ende van aensichteGode ghelijc ghebeeldetEnde zijt zo zere verweeldetVan uwen menscheliken sinnnen[18110]Dat ghijs niet en wilt bekinnenEnde hout v wet ghelijc den veeWee sal v werden emmermeeDat ghi om v veelijc leuenUwe trouwe hebt ouergegeuen[18115]Dat ghi gegeuen hebt openbaerWee hem die des nemen waerDatsi verkiesen haer bedde ghenootDie sunde is es leyder alte grootWant wie dat sine ordene brect[18120]In veelijc leuen hi hem stectDat vee in sine meste lijtEnde gaet stinckende talre tijtIn des ghelike die mensch leghetDie wile hi der sunden pleghet[18125]Dat claghede ioel kersteHi sprac in sinen mesteWert die mensche veruulet dareDes seluen nam nicheasrecte: micheas wareHi sprac dor sine onwerenheyt[18130]Es die mensche een stanc bereytDaer hi in veruulen moetDat es inder hellen gloetWetbrekere dese redene terdt di aenWant ghi sijt als vee ghedaen[18135]Du en leues als mensche nietSeneca sprect mensche sietWee v arme lieden dieGhelijct sijt ghelijc den vieWant ghi niet en hebt dat verstaet[18140]Menschelike vernoust na uwer mesdaetNoch sprect seneca wetbrekereHoe rechte du omnereBestu gode ende alder werelt claerWant du den sundes nemes waer

 

[18145]Alstu dijn reyne bedde versmaetstEnde met enn anderen ommegaetstDie sunde gode ieghen esEnde stinct voor hem als onreyn mesEnde du versincs dijn ziele daer[18150]Salomon die sprect vorwaerWie dor sine lost te volbringhenSinen vleesche wille ghehinghenDat hi sijn wettech bedde scoertGods vrienscap dat hi verboort[18155]Ende sijn ziele hi verliesetEnde die helle hier mede kiesetEnde dien lachter dien hi driuetEweliken bi hem bliuetWant sijn sunden voeghen dat[18160]Dathi heeft gods enter werelt hatAls god ten ordele sitten salSoe es hi verloren alWant hi en hoort niet sine bedeDoer sine mesdaet die hi dede[18165]Ende hem des niet en vermeetGheen gaue hi oec en ontfeetDat hi emmer werde verloestHi en moet inder hellen roestEnde totten ewighen viere[18170]Daer hem ghenade es diereWee hem dat hi ye gode uerwrochteDie dach es die dach van vrochteWant gods toren meret vasteSoe dat des hemels gaste[18175]Daer af beuen moetenWant met hande ende met voetenEnde aen sijnre hertenToent hi sine smertenDie hi door onsen wille leet[18180]Daer af spreect lucas ghereetDie dach es des torens dachDie nyemen vorgaen en machHet es die dach der anxtelicheitDan wert die sunde voort gheleyt[18185]Die dach die ewighe vronde geeftDie hier wel hebben gheleeftDie weghe werden ingheEnde gaen met ghedringheDie daer ter hellen ghewijst sijn[18190]Het sprect sinte angustijnOuwy hoe recht ingheEnde hoe recht ghedringheWerde der sundaren weghen

[f101r]

Die hier der sunden pleghen[18195]Die werelt steet dan in eenre gloetHaer quaetheit si oec beteren moetIn vieres huten si haer baertWee di sunder dijnre vaertDaer es een herde zwaer wesen[18200]Want du en moghes nemermeer genesenAchter di soe blijft daerDer werelt lust dier du waerNaems alle dine dagheVoer di en siestu niet dan claghe[18205]Iammer ende herten leydtIn dat vier der ewicheitWee di alse dat grimmighe woortVan gode in toorne wert ghehoortGaet wech ghi vermaledide[18210]In die helle wideDune volghes mi niet betideNV hebstu hier vernomenWat di van ouerspele mach comenDaer om houdt te rechte dijn wet[18215]Daer verdrijfstu den duuel metDie di ten sunden raedtEnde ter scandeliker daetEnde scuwet der werelt kinscheytEnde merct haer valscheyt[18220]Si brengt ons toe een ewige nootEnde een ewighe bitter dootEnde der bitterre hellen bantWel hem die van haer es ghewantDie mach miden der hellen pijn[18225]Oec wede staet dat vleesche dijnMensche met alle dijnre crachtEnde siet dat bouen di gheen machtEn crighe wee dier vaertOftu wils volghen sijnre aert[18230]Ten sunden soudt di gherne tyenDien so sultu altoes vlienGhedincke waen du best comenEnde waer dijn vleesch af es genomenEnde wattu van liue bist[18235]Soe sijtstu anders niet dan mistEnde een vuyl onreyn sachEnde waer toe dijn vleesch ghedien machDit suldi merken bistu wiseHet wert der wormen spise[18240]Diet knaghen inder aerdenSich daer toe saltu ghewaerdenNv merct die viande der zielen dijn

 

Die haer altoos ieghen sijnDie duuel die werelt ende dat vleesch[18245]Die ziel te vellene dats haer eeschEnde raeden tot alre quaetheitDese x ghebode sijn hen leytWant si hen doen herde weMensche hen also bi stee[18250]Alsoese god ghegeuen heeftEnde houtse wel die wijl ghi leeftEnde weet dat hi di niet en begeeft

Dit sijn noch die x ghebode


MEnsche hoor ende merct aen miDese x ghebode lere ic di[18255]Met eenre corter lereDie saltu emmermereDraghen inder herten dijnWildi erue des hemels sijnNu hoort hier dat eerste ghebot[18260]Vrucht ende vlee ende min godEnde gheloeft dat hi allene siGhewarich god ende staet hem biDat ander en neemt in dinen montOnnuttelijc hem in gheenre stont[18265]Dattu meyneeden niet en zweersDaer du dijn ziele mede verseersDat derde hout dijn vierte weertDes sondaghes dats dat god begeertDaer aen suldi uwen arbeyt sparen[18270]Ende v met goeder daet bewarenDat vierde du wel merken soutEert vader ende moeder ende sijt hen houtSoe datmen trouwe aen di sporeArbeyt hem in haer oudre vore[18275]Dat vijfte onthout het es nootDune salt nyemene slaen ter dootWeest oec ter volleest niet bewantDijn raede en moerde noch dijn hantDat seste du salt cuusch wesen[18280]Oftu voor gode wils ghenesenSijt cuusch met al dijnre daetSoe wert wel dijnre zielen raedtDat seuende en sijt gheen diefEnde en laet di nemmer sijn lief[18285]Eens anders goet want di niet en teemtDer omme die duuel dijn ziele neemtDat achste en wes gheen valsch getuuchDune saelt niet lieghen no en bedriech

[f101v]

Niemene want het wert di goet[18290]Hi es salich die dese lere doetDat neghende ghi wel onthouden seltGhine sult begheren met gheweltNoch tonrechte nyements scatNoch met roue noch met vorsat[18295]Dat tiende in dijn herte scrijfDune salt begheren nyemens wijfNoch dat wijf nyemens manWant grote sunde leeght daer anEnde si verdienen den ewighen ban[18300]MEnsche dit sijn die x ghebodeDie du van onsen heren godeGegeuen te houdene sijn dijn leuenDien salty also sijn beneuenDattu die ziele alsoe bewaers[18305]Dattu den duuel ontfaersDit hout vaste in dinen sinneGode vrucht vleyt ende minneEnde zweer bi hem gheen meyneydeHoudt dijn vierte waer du macht[18310]Ende huedt di voor manslachtSijt reyne ende hebt cuuscheit liefDaer toe en sijt oec gheen diefVoor valsch ghetughe wes behoetEnde begheer tonrechte nyements goet[18315]En brec oec niet dijn huwelic ordenDese x dit sijn gods wordenNu hebt lief dese x ghebodeDie ons beual onse here godeEnde nader leren doet die daet[18320]Wat helpt die lere diemen haetDaermen die werke niet en doetMensche wildi sijn behoedtVander hellen gloedeSoe neemt in dinen moede[18325]Van mi dese lereEnde behoutse emmermereBesloten inder herten dijnEnde doet met uwen werken aenscijnSoe blijfdi vander hellen vri[18330]Ende die duuel vliet van diDie leyder op di heeft ghezworenWant du beste ter hemelscher vrouden vercorenDie hi door houerde heeft verlorenVAn plompen sinne hebbic nv[18335]Wel cume bracht dit boecsken toeVorwaer sijn sin es mi te sterc

 

Maer ic voer bi des waters mercAendenoeuere mijn scep ranAergere diepte ic mi versan[18340]Leyder mijn scep was te crancHaten moestic diepen gancDieper rederen mijdic doeDroeghes oeuers was ic vroeHulpe nam ic by mi waer[18345]Aen gode een licht der werelt claerDie reyne es alles wandels vryRecht es di dit wonder biVader sone ende heilige geestDie iij personen in een du dreechst[18350]Sus es dijn wonder alte grootSiet god met minen sinnen bloetVaer ic minen meester naeVan verren suekic maer doch ic gaAch god mijn dicht es als een droem[18355]Leght aen die spotters dinen toemDies baedic vore noch bid icx naHelpt mi dat nuttelijc bestaSoe dat siere bi verbetert sijnDiet horen aen dit boekelkijn[18360]Edele god doer dine drie namenVerlicht onsen noot nv sprect amen

Dit es noch van salladine


DOen men screef ons heren jaerM hondert ende xiiij voer waerDoen starf die edele salladijn[18365]Die vreesselijc den kerstenen hadde gesijnAl tot damas starf hi daerEnde doen salladijn waert ghewaerDat hi emmer moeste steruenEnde sijns lijfs deruen[18370]Ende hijs niet en mochte ontgaenDoen riep hi den ghenen saenDie sine baniere te draghen plachDoen als hi den ghenen sachSprac hi hem aen in deser maniere[18375]Te draghen in meneghen swaren strideNu moeti draghen in desen tideDie baniere mijnre doet ghereetEnde dat sal sijn een onweert cleetDat moeti draghen al doer damas[18380]Op mine glauie ende na dasSoe moeti roepen in elke strate

[f102r]

V here die van so hoghen stateWas ende here van al orientHem es nv die doet bekent[18385]Ende hine vuert van alle sinen rikenNiet meer met hem sekerlikenDan dit onweert cledekijnDaer men met sal decken die lede sijn.....Nota